របត់ហូជីមិញក្នុងដួងចិត្តមិត្តភក្តិអន្តរជាតិ (ឯកសារ)

        Vovworld-“ក្នុងដួងចិត្ត ប្រសិនបើមិត្តសួរថា ខ្ញុំគិតអ្វីអំពីលោកប្រធានហូជីមិញ
នោះ ចម្លើយគឺសាមញ្ញណាស់។ នេះជាមនុស្សម្នាក់មនុស្សសាស្ត្រនិងប្តេជ្ញារក
ឃើញ​ដំណោះស្រាយនិងប្តេជ្ញាចិត្តធ្វើដល់ទីចុងបញ្ចប់រាល់គោលដៅដែលបាន
ដាក់​ចេញ។”

        នេះជាការចែករំលែករបស់អ្នកប្រវត្តិសាស្ត្របារាំងលោក Pierre Brocheux អ្នក
និពន្ធសៀវភៅចំនួន២ស្ដីពីលោកប្រធានហូជីមិញនិងសៀវភៅជាច្រើនស្ដីពី​ប្រវត្តិសាស្ត្រទំនើបវៀតណាមដែលមានកេរ៌្តឈ្មោះក្នុងមជ្ឈដ្ឋានអ្នកស្រាវជ្រាវ។ ក្នុងរយៈពេល
ស្រាវជ្រាវអំពីប្រវត្តិសាស្ត្រវៀតណាមនិងលោកប្រធានហូជីមិញ លោកបានរកឃើញ
រឿងមួយរបស់ជនបារាំងម្នាក់ជាមិត្តរបស់លោកប្រធាន​ហូជីមិញខណៈដែលលោក
ទើបនឹងមកដល់ប្រទេសបារាំង រឿងនេះជាភ័ស្តុតាងនៃ​ចរិត​មនុស្សសាស្ត្ររបស់លោកប្រធានហូជីមិញ។ លោកបានសំណេះ​សំណាល​អំពីរឿងនេះថា៖

  “មានរឿងមួយរបស់ជនបារាំងម្នាក់រួមគណបក្សសង្គមជាមួយលោកប្រធានហូជីមិញ
នោះជាអ្នករាបពុម្ភអក្សរនៅកាសែត Humanite។ ក្រោយនេះនៅការ​បោះ​ឆ្នោតបង្កើត
គណបក្សកុម្មុយនីស្តបារាំង អ្នកទាំងពីរនេះបានបោះឆ្នោត​បញ្ច្រាស់​គ្នា។​ ប៉ុន្តែគេនៅតែ
ជាមិត្តភក្តិជាមួយគ្នា។ គេនៅតែទាក់ទងជាមួយគ្នានិង​បន្ទាប់​ពីលោកប្រធានហូជីមិញ
លាចាកលោក មិត្តបារាំងនេះបានថ្លែងថា នេះជាមនុស្ស​ស្មោះត្រង់ជាមួយមិត្តភក្តិ
ពិសេសដែលខ្ញុំបានស្គាល់ក្នុងជីវិតរបស់ខ្ញុំ។”

        ចំពោះអ្នកណាដែលធ្លាប់សកម្មប្រឆាំងជំទាស់សង្គ្រាមនៅវៀតណាមនិង​មាន
សំណាងបានជួបសន្ទនាជាមួយលោកប្រធានហូជីមិញដូចជាលោកស្រី Raymond Dien
នោះគឺលោកប្រធានហូជីមិញស្និទ្ធស្នាលនិងមនោសញ្ចេតនាណាស់។ លោកស្រី
Raymond Dien រំភើបចិត្តរហូតដល់ស្រក់ទឹកភ្នែកខណៈរំលឹកអំពីថ្ងៃទី២៣តុលា​ឆ្នាំ​១៩៥៦​
ខណៈដែលលោកស្រីរួមជាមួយលោក Henri Martin ឆ្លងកាត់កំណាត់ផ្លូវ​ឡើងដល់១៥ថ្ងៃហោះទៅប៉េកាំងហើយជិះរទេះភ្លើងទៅកាន់ទីក្រុងហាណូយចូលរួមមហាសន្និបាតយុវជនទូទាំងប្រទេស។

        “មុននឹងពេលប្រារព្ធមហាសន្និបាត ខ្ញុំបានឃើញលោកប្រធានហូជីមិញមក​ដល់។
លោកបានហៅខ្ញុំមកអង្គុយក្បែរលោក ខ្ញុំភ្ញាក់ខ្លួន ខ្ញុំមិនគិតថាជនបារាំង​តូច​តាចម្នាក់
ដូចរូបខ្ញុំបានអង្គុយក្បែរ លោកប្រធានដ៏មហិមារដែលខ្ញុំបាន​ស្គាល់ដល់ហើយលោកជិតស្និទ្ធសាមញ្ញនិងស្និទ្ធស្នាលដូច្នេះ។ លោកបានជូនឲ្យខ្ញុំ​កងដៃមួយ។​ថ្ងៃក្រោយនោះលោក
បានអញ្ចើញយើងខ្ញុំមកផ្ទះលេងនិងសំណេះ​សំណាលហើយថ្ងៃនោះខ្ញុំមិនអាចបំភ្លេចបាន
ក្នុងជីវិតរបស់ខ្ញុំឡើយ។”

មានសំណង់ស្រាវជ្រាវនិងសិក្ខាសាលាវិទ្យាសាស្ត្រអន្តរជាតិជាច្រើនស្ដីអំពីលោកប្រធាន
ហូជីមិញ មានមនុស្សជាច្រើនបានលៃទុកពេញបុព្វហេតុ​ស្រាវជ្រាវរបស់ខ្លួនដើម្បីស្វែង
យល់អំពីលោក។ William Duiker អ្នកប្រវត្តិសាស្ត្រអាមេរិក​ម្នាក់​ជា​មនុស្សក្នុងចំណោម
មនុស្សដូច្នេះ។ ដើម្បីបញ្ជាក់អំពីរូបឆាយាល័ក្ស​លោក​ប្រធានហូជីមិញ លោកបាន
ចំណាយពេលវេលាជិត៣៥ឆ្នាំស្រាវជ្រាវនិងនិពន្ធ​សៀវភៅមាន៣០០ទំព័រក្រោមចំណង
ជើងថា ហូជីមិញ-ជីវិតមួយ។ លោក Duiker បានសំណេះសំណាលថា ការចាប់អារម្មណ៍
ដ៏ជ្រាលជ្រៅបំផុតដែល​លោកប្រធានហូជីមិញបានបន្សល់ទុកមកក្នុងលោកគឺរបៀប
បង្ហាញរូប​ឆាយាល័ក្សរបស់ខ្លួនជាអ្នកបដិវត្តន៍ទំនើបដោយគោលដៅដ៏ធំធេងសំដៅ
ផ្លាស់ប្តូរប្រទេសជាតិ។ ប៉ុន្តែលោកប្រធានហូជីមិញក៏បានបង្ហាញជាពលរដ្ឋវៀតណាម​
ម្នាក់​ដោយមានកត្តាដ៏ពេញលេញនៃវប្បធម៍វៀតណាម។

        “ចំណាប់អារម្មណ៍ដ៏ជ្រាលជ្រៅបំផុតដែលខ្ញុំបានឃើញនៅលោកប្រធាន​ហូជីមិញគឺ
លោកជាមនុស្សម្នាក់ពិសេសមានសមត្ថភាពដឹកនាំ។ ​លោកបានគួបផ្សំ​និន្នាការថ្មីជាមួយ
រាល់ការផ្លាស់ប្តូរក្នុងបដិវត្តន៍។ ​លោកមានគុណធម៍របស់ជន​ស៊ីវិលវៀតណាម។​ ប្រជាជន
វៀត​ណាមហៅលោកជាលោកអ៊ុំហូ បីតានៃប្រទេសជាតិ។”

        ដើម្បីរំលឹកខួបលើកទី១២៥នៃទិវាកំណើតលោកប្រធានហូជីមិញ ស្ថាប័ន​ផ្សព្វផ្សាយ
អន្តរជាតិជាច្រើនបានចុះផ្សាយអត្ថបទសសេរក៏ដូចជាវណ្ណកម្មបោះ​ពុម្ភផ្សាយពិសេស
ដើម្បីសម្ដែងនូវការគោរពរាប់អាននិងស្ងើចសសើរចំពោះ​លោកប្រធានហូជីមិញ។​ នេះ
ក៏ជាឱកាសដើម្បីមិត្តភក្តិអន្តរជាតិបង្ហាញការស្ងើច​សសើរទន្ទឹមនឹងនោះអះអាងនូវរាល់
តំលៃសតិអារម្មណ៍ហូជីមិញក្នុងសម័យកាលថ្មី៕