(VOV)_ការរត់ប្រណាំងយោធារវាងអង្គការសន្ធិសញ្ញាអាត្លង់ទិកខាងជើង NATO
និងរុស្ស៊ីបានឡើងជណ្ដើរថ្មីបន្ទាប់ពីពេលអង់គ្លេសបានប្រកាសបញ្ជូនទាហាន
ចំនួន៨០០នាក់ និងយន្តហោះចម្បាំងទៅកាន់ភាគខាងកើតរុស្ស៊ី។ ប្រការនេះ
បានកើតមានឡើងបន្ទាប់ពីពេលក្រុមនាវាផ្ទុកយន្តហោះរុស្ស៊ីរើទៅជិតឆ្នេរសមុទ្រ
របស់ប្រទេសមួយចំនួនក្នុងប្លុក NATO។ ប្រការនេះបានជំរុញទំនាក់ទំនងរវាង
មូស្គូជាមួយប្លុកនេះកាន់តែតានតឹងឡើងៗ និងនាំឲ្យមានការគំរាមគំហែងបង្ក
អស្ថិរភាពនៅទ្វីបអឺរ៉ុប។
 |
| ទាហាន NATO ចូលរួមសមយុទ្ធនៅHohenfelsភាគខាងត្បូងប្រទេសអាល្លឺម៉ង់ |
ចាប់ពីពេលសន្និសីទកំពូល NATO ប្រព្រឹត្តទៅនាខែសីហាឆ្នាំ២០១៦កន្លងទៅ
ទំនាក់ទំនងរវាងរុស្ស៊ីនិងNATO គ្មានសញ្ញាសកម្មណាមួយឡើយ ហើយនិន្នាការ
បង្កើនកម្លាំងយោធាត្រូវបានជំរុញពីមួយថ្ងៃទៅមួយថ្ងៃ។
NATO បង្កើនសន្តិសុខការពារ
នាពេលថ្មីៗនេះ អង់គ្លេសបានជូនដំណឹងថា៖ ទាហានចំនួន៨០០នាក់ រួមជាមួយ
រថក្រោះ កាំភ្លើងធំ យន្តហោះគ្មានអ្នកបើកបរនឹងបានរើទៅកាន់ប្រទេស ESTONIA
នាដើមឆ្នាំខាងមុខនេះ។នេះគឺជាការដាក់ពង្រាយកងទ័ពធំបំផុតពីមុនមករបស់
អង់គ្លេសចាប់ពីពេលបញ្ចប់សង្គ្រាមត្រជាក់មក។ តាមប្រភពព័ត៌មានពីក្រសួងការ
ពារជាតិអង់គ្លេសថា៖កងទ័ពអង់គ្លេសនឹងបោះទ័ពនៅមូលដ្ឋានសឹក Tapa ក្នុងរយៈ
ពេល៦ខែ។ កាយវិការនេះបានប្រព្រឹត្តទៅ ដោយមានការព្រួយបារម្ភថា៖ ក្រុមនា
វាចម្បាំងរបស់រុស្ស៊ីអាចវាយប្រហារទៅលើទីក្រុងAleppo ប្រទេសស៊ីរី។
សេចក្ដីសម្រេចចិត្តនេះរបស់ក្រសួងការពារជាតិអង់គ្លេស NATO បង្កើនបរិ
មាណទាហាននៅតំបន់ជាប់ព្រំដែនរុស្ស៊ី បានបណ្តាលឲ្យមានប្រតិកម្មយ៉ាងខ្លាំងក្លា
ពីរុស្ស៊ី។ ដំណាងអចិន្ត្រៃយ៍របស់រុស្ស៊ីនៅ NATO លោក Aleksander Grushko បាន
ប្រកាសនាថ្ងៃទី៣០តុលាថា៖ មូស្គូនឹងមិនលើកលែងឲ្យសកម្មភាពនេះទេ និងព្រ
មានថានឹងមានវិធានការណ៍តបតវិញ។ លោក Aleksander Grushko ក៏បានសង្កត់
ធ្ងន់ថា៖ កាយវិការនេះរបស់អង់គ្លេស និង NATO មិនសមហេតុសមផលជាមួយ
អនុសញ្ញាមូលដ្ឋានរវាងរុស្ស៊ីនិង NATO ដែលបានចុះហត្ថលេខាក្នុងឆ្នាំ១៩៩៧។
សកម្មភាពនេះបានបណ្ដាលអោយរុស្ស៊ីត្រូវជម្រុញសកម្មភាពយោធានៅតំបន់ជាប់
ព្រំដែនភាគខាងកើតប្រទេស ដើម្បីធានាសន្តិសុខសំរាប់ខ្លួន។
មុននោះ នៅសន្និសីទកំពូលនៅ Warsaw (ប្រទេសប៉ូឡូញ) នាខែកក្កដាកន្លង
ទៅ NATO បានសម្រេចចិត្តបង្កើនបរិមាណទាហាននៅតំបន់ភាគខាងកើតប្លុក
ចាប់ពីដើមឆ្នាំ២០១៧ ដោយមានការដាកពង្រាយកងវរសេនាតូចចំនួន៤ ដែលក្នុង
នោះកងវរសេនាតូចនិមួយៗមានទាហានចំនួនមួយពាន់នាក់នៅ ប្រទេសប៉ូឡូញ
អេស្តូនី Latvia និង លីទុយអានី។
គ្រោះអាសន្នប្រជែងសព្វាវុធ
មជ្ឈដ្ឋានអ្នកឃ្លាំមើលបានអះអាងថា៖កាយវិការនេះជាការដាក់ពង្រាយទា
ហានច្រើនបំផុតរបស់ NATO ចាប់ពីសង្គ្រាមត្រជាក់មក។ ប៉ុន្តែ អគ្គលេខាធិការ
NATO លោក Jens Stoltenberg បានអះអាងថា៖ NATO មិនមែនចង់ប្រឈមមុខ
ដាក់គ្នាជាមួយរុស្ស៊ីទេ ហើយប្លុកនេះក៏មិនចង់ឃើញការប្រជែងសព្វាវុធណាមួយ
ឡើយ។អ្វីៗទាំងអស់ដែល NATO ធ្វើសុទ្ធតែមានគោលដៅការពារខ្លួនតែប៉ុណ្ណោះ។
ប៉ុន្តែ រុស្ស៊ីនៅប្រកាសថា៖ សកម្មភាពដាក់ពង្រាយទាហាន និងរៀបចំខែលការ
ពារគាំជ្រួចរបស់ NATOជាសកម្មភាពបង្ករឿងហេតុ និងគំរាមគំហែងរុស្ស៊ី។
ក្នុងស្ថានភាពជាក់ស្ដែង រុស្ស៊ីក៏មិនអោបដៃឈរមើលទេ។ ក្នុងសកម្មភាពត
បតវិញ មូស្គូកំពុងមានប្រៀបខ្លាំង ដោយមានខេត្ត Kaliningrad ស្ថិតនៅកណ្ដាល
ទ្វីបអឺរ៉ុប។ ចាប់ពីដើមខែតុលា រុស្ស៊ីបានដាក់ពង្រាយប្រព័ន្ធកាំជ្រួចមីស៊ីលIskander
និងអាចបំពាក់អាវុធនុយគ្លេអ៉ែរផងដែរ។ ក្រុមនាវាផ្ទុកយន្តហោះចំនួនគ្រឿងរបស់
រុស្ស៊ីបានឈានចូលក្នុងឈូងសមុទ្រ Manche របស់អង់គ្លេស។ កងទ័ពរុស្ស៊ីក៏បាន
រៀបចំការធ្វើសមយុទ្ធទ្រង់ទ្រាយធំជិតនឹងព្រំដែន NATO ផងដែរ។
ទំនាក់ទំនងរវាងបណ្ដាប្រទេសលោកខាងលិច និងរុស្ស៊ីនិយាយរួម និងទំនាក់
ទំនងរវាង NATO និងរុស្ស៊ីនិយាយដោយឡែក បានធ្លាក់ចុះកំរិតទាបបំផុតពីមុនមក
បន្ទាប់ពីសង្គ្រាមត្រជាក់។ តាមការវាយតំលៃរបស់មជ្ឈដ្ឋានអ្នកវិភាគថា៖ ប្រសិនបើ
រុស្ស៊ីរងការខូចខាតជាច្រើនអំពីសេដ្ឋកិច្ច គឺ NATO ត្រូវរងការខូចខាតខាងសន្តិសុខ។
ទំនាក់ទំនងអាក្រក់ទៅៗ រវាងរុស្ស៊ីជាមួយ NATO និងបណ្ដាប្រទេសលោកខាងលិច
បានបង្កការខូចខាតជាច្រើនសំរាប់ភាគីទាំងឡាយ៕