VOVWORLD_ក្នុងសកម្មភាពវប្បធម៌សិល្បៈនៅរដ្ឋានីហាណូយមានសកម្មជនល្បី
ឈ្មោះមួយរូបនោះគឺអ្នកស្រាវជ្រាវ Giang Quan។ ក្នុងរយៈពេលជាងកន្លះ សតវត្ស
ធ្វើការមកលោកបានចងក្រងសៀវភៅស្ដីពីហាណូយចំនួន៣០ ប្រភេទ ហើយត្រូវ
បានអ្នកផងស្គាល់ដល់ជាអ្នកស្រាវជ្រាវវប្បធម៌គំរូមួយរូប។
ទោះបីជាមានស្រុកកំណើតនៅខេត្ត Hai Duong ក្ដីតែលោក Giang Quan បាន
ចាប់ផ្ដើមស្រលាញ់រដ្ឋធានីហាណូយនាឆ្នាំ១៩៥០មក។ លោកសំណេះសំណាលថា
ទឹកដីរដ្ឋធានីបានទាក់ទាញអារម្មណ៍លោកយ៉ាងខ្លាំងដោយសារប្រពៃណីវប្បធម៌
របស់វា។ ក្នុងរយៈពេលរាប់សិបឆ្នាំកន្លងទៅនេះលោកបានទៅទស្សនាគ្រប់វិថី ភូមិ
ឃុំនិងភ្លក់ម្ហូបគ្រប់មុខនៃទឹកដីហាណូយ។ មានពេលខ្លះលោកដើរពីវិថី Kham Thien
នៅកណ្ដាលក្រុងរហូតទៅស្រុកThanh Tri នៅជាយក្រុងដែលមានចំងាយជាង១០
គីឡូម៉ែត្រដើម្បីពិសាបាញកួនដែលជាម្ហូបម្យ៉ាងដ៏ឈ្ងុយឆ្ងាញ់នៃដំបន់នេះ។ នៅឯ
នោះលោកសួរអ្នកភូមិពីគ្រឿងផ្សំ ដល់វិធីធ្វើទឹកជ្រលក់និងបច្ចេកទេសចំហុយនំ
បាញកួន រួចសរសេរជាសៀវភៅដើម្បីឧទេ្ទសនាមជាមួយមិត្តអ្នកអាន។ ប្រសិនបើ
គ្មានលោកទេគឺគ្មាននរណាដឹងថាមុននេះវិថី La Vong មានឈ្មោះថា Hang Son
ឡើយហើយឈ្មោះថ្មីនៃវិថីនេះចាប់ប្រភពពីមុខម្ហូបប្រហិតត្រីដ៏ល្បីល្បាញរបស់
គ្រួសារត្រកូល Doan នៅទីនេះ។ លោក Giang Quan បានសំណេះសំណាលថា
“ស្នេហ៍ហាណូយរបស់ខ្ញុំគឺជ្រាលជ្រៅណាស់ហើយបាននាំមកនូវប្រភព
ឯកសារដ៏ថ្លៃថ្លាសំរាប់មិត្តអ្នកអានយល់ដឹងបន្ថែមអំពីហាណូយ។ ខ្ញុំជានិច្ចកាល
ចាត់ទុកហាណូយជាទីក្រុងមួយដ៏ស្អាតបំព្រង។ ខ្ញុំរៀនសូត្រពីអ្នកហាណូយនូវ
ការសំដែងអាកប្បកិរិយាប្រកបដោយវប្បធម៌និងរបៀបរស់នៅសុភាពរៀបសារ
ហើយចង់ក្លាយទៅជាអ្នកហាណូយទៀត”
 |
| ក្នុងរយៈពេលជាងកន្លះ សតវត្សធ្វើការមកលោកបានចងក្រងសៀវភៅស្ដីពីហាណូយចំនួន៣០ ប្រភេទ ហើយត្រូវបានអ្នកផងស្គាល់ដល់ជាអ្នកស្រាវជ្រាវវប្បធម៌គំរូមួយរូប |
ក្នុងគោលបំណងរួមចំណែកទៅក្នុងការអភិវឌ្ឍន៍ទីក្រុងហាណូយលោក Giang
Quan បានទៅដល់គ្រប់ទីកន្លែងដើម្បីសង្កេតការណ៍រួចចងក្រងសៀវភៅសំរាប់មិត្ត
អ្នកអាន។ លោកសប្បាយរីករាយយ៉ាងខ្លាំងនៅពេលវណ្ណកម្មនានារបស់ខ្លួនឆ្លើយ
តបទៅនឹងតម្រូវការនៃមហាជនដែលចង់ស្វែងយល់អំពីរដ្ឋានីហាណូយ។ ជាពិសេស
នៅក្នុងសៀវភៅនិមួយៗលោកតែងតែកត់ច្បាស់នូវអាស័យដ្ឋាននិងលេខទូរស័ព្ទ
សំរាប់មិត្តអ្នកអានណាដែលចង់បានការពន្យល់បន្ថែមជាផ្ទាល់ពីលោក។ វាយតំលៃ
អំពីអ្នកស្រាវជ្រាវ Giang Quan កវី Viet Bang បានថ្លែងថា
“ វណ្ណកម្មរបស់លោក Giang Quan ភាគច្រើនប្រមូលផ្ដុំលើមនុស្សនិង
សោភ័ណភាពនៃក្រុងហាណូយដោយចែងច្បាស់អំពីវិថី របៀបរស់នៅនិងឥស្សរជន
នៅរដ្ឋធានីហាណូយ។ លោកមានការទទួលខុសត្រូវខ្ពស់តាមរយៈការដើរមើលជីវភាពរ
ស់នៅជាក់ស្ដែងរបស់ប្រជាពលរដ្ឋនៅគ្រប់ទីកន្លែងរួចយកឯកសារមកចងក្រងជា
សៀវភៅ។ វណ្ណកម្មនិមួយៗរបស់លោក Giang Quan សុទ្ធតែបង្ហាញឲ្យឃើញនូវការ
ស្រលាញ់ហាណូយយ៉ាងជ្រាលជ្រៅរបស់លោក “។
ក្នុងកម្រងសៀវភៅមានចំណងជើងថា ” រូបភាពរាជធានី ថាំងឡុង - ហាណូយ
ក្នុងចំរៀងបុរាណនិងសុភាសិត” ”ថាំងឡុង - ហាណូយវប្បធម៌រាប់ពាន់ឆ្នាំ ” និង
”វប្បធម៌គ្រួសារអ្នកហាណូយ ” នោះអ្នកស្រាវជ្រាវ Giang Quan លៃទុកពាក្យពេជដ៏
ល្អស្អាតជាទីបំផុតសំរាប់ទឹកដីនិងមនុស្សហាណូយ។ ចំពោះលោកព្រលឹងរបស់ហា
ណូយមិនត្រឹមតែនៅក្នុងបណ្ដាសំណង់ស្ថាបត្យកម្មបុរាណប៉ុណ្ណោះថែមទាំងនៅក្នុង
របៀបរស់នៅសុភាពរៀបសារប្រកបដោយវប្បធម៌នៅតាមគ្រួសារទៀតផង។ លោក
Giang Quan បានសំណោះសំណាលថា
” ត្រូវតែយកវប្បធម៌គ្រួសារធ្វើជាឬសគល់ព្រោះកូនខិលខូចយើងមិនអាចទំ
លាក់កំហុសលើសង្គមឬលើសាលារៀនបានឡើយគឺវាជាខុសពីមាតាបីតាទៅវិញ។
នាពេលរៀបរៀង ខ្ញុំមិនគិតថាវណ្ណកម្មទាំងនោះជាអ្វីធំដុំដើម្បីលើកដំកើងកេរ៌្តឈ្មោះ
ខ្លួនឯងទេគឺគ្រាន់តែគិតថាធ្វើអ្វីងាយស្រួលដូចជាវចនានុក្រមវិថីនិងផ្លូវនៃក្រុងហា
ណូយមាន៣០០ទំព័រអីចឹងសំរាប់អ្នកផងងាយកតាមខ្លួនបានប៉ុណ្ណោះ” ។
ដោយសាររាល់ស្នាដៃរួមវិភាគទានរបស់ខ្លួនអ្នកស្រាវជ្រាវ Giang Quan ត្រូវបានគណៈកម្មាធិការប្រជាជនទីក្រុងហាណូយជូនកិតិ្តនាមប្រជាពលរដ្ឋឆ្នើមរបស់រដ្ឋធានី
។ ថ្មីៗនេះលោកបានទទួលពានរង្វាន់ដ៏ធំមួយទៀត មានឈ្មោះ” ដើម្បីស្នេហ៍ហា
ណូយ”ដែលជាការលើកទឹកចិត្តសំរាប់លោកបន្តធ្វើការស្រវជ្រាវនិងឧទេ្ទសនាមជា
មួយមិត្តអ្នកអានជាតិនិងអន្តរជាតិអំពីរដ្ឋធានីហាណូយជាទឹកដីវប្បធម៌រាប់ពាន់ឆ្នាំ
របស់ប្រទេសវៀតណាម៕