VOVWORLD_កោះ និងសមុទ្រគឺជាប្រធានបទដ៏ធំធេងសំរាប់មជ្ឈដ្ឋានអ្នក
អក្សរសាស្រ្តនិងសិល្បករសិល្បការិនីបង្កើតវណ្ណកម្ម។ សេចក្ដីស្នេហាកោះសមុទ្រគឺជា
ប្រភពចាប់អារម្មណ៍សំរាប់អ្នកអក្សរសាស្រ្តនិងសិល្បករសិល្បការិនីនៅតាមសមាគម
អក្សរសាស្រ្តសិល្បៈតំបន់ដីសណ្ដទន្លេ Cuu Long ភូមិភាគខាងត្បូងវៀតណាម​សំដែង
នូវ​មនោសញ្ចេតនាតាមរយៈស្នាដៃរបស់ខ្លួន។

        ក្នុងរយៈពេលដើមឆ្នាំ២០១៦នេះ តន្រ្តីករ Do Lap​នៅខេត្ត Hau Giang​ ​ទើបនឹង
​បញ្ចប់​​​ការធ្វើដំណើរឆ្លងប្រទេសវៀតណាមក្នុងគោលបំណងតភ្ជាប់មនោសញ្ចេត​នា​​
និង​​សេចក្ដីស្នេហាកោះសមុទ្ររបស់ប្រជាជនក្នុងទូទាំងប្រទេស។ ការធ្វើដំណើរនេះ
ត្រូវបានអនុវត្តដោយជិះម៉ូតូអស់រយៈពេលមួយឆ្នាំហើយតន្រ្តីករ Do Lap​ប្រមូលផ្ដុំ
បាន​នូវ​ហត្ថ​លេខា​របស់មនុស្សចំនួន៥ហ្មឺន៤ពាន់នាក់ដែលបង្ហាញពីសេចក្ដីស្នេហា
របស់ខ្លួន​ចំពោះ​កោះសមុទ្រនៃមាតុប្រទេស។ លោក Do Lap បានរៀបរាប់ថា

      “ ការជួយជ្រោមជ្រែងយ៉ាងក្លៀវក្លារបស់ជនរួមជាតិក៏ដូចជាសិស្សានុសិស្ស​បាន​ធ្វើ
ឲ្យខ្ញុំសប្បាយចិត្តយ៉ាងខ្លាំង។ មនុស្សគ្រប់រូបសរសេរអំពីទឹកដី ប្រជាជននិងសេចក្ដី
ស្នេហាជាតិយ៉ាងច្បាស់លាស់។ ក្នុងនោះមានទាំងការសំដែងចំណាប់អារម្មណ៍របស់បង
ប្អូនកងទ័ពការពារព្រំដែននៅខេត្ត​ Dien Bien ភាគខាងជើងវៀត​ណាមកាល​ពីថ្ងៃទី​
២៣​​ ខែមិថុនាឆ្នាំ២០១៥  ដែលថា: យើងខ្ញុំជាកម្មាភិបាល​យុទ្ធជននៅប៉ុស្តការពារ​
ព្រំ​ដែន​ ​A Ba Chai ខេត្ត​ Dien Bien សូមជូនកម្មាភិបាល​និងយុទ្ធជនដែលកំពុង
បំពេញ​ភារ​កិច្ចការពារដែនសមុទ្រកោះ​ឲ្យជានិច្ចកាលមានសុខភាពល្អបរិបូ រក្សារឹង
មាំនូវការ​ជឿទុក​ចិត្ត​លើបក្សនិង​ដីគោក។ ប្រជាជាតិទាំងមូលជានិច្ចកាលឆ្ពោះទៅ
បងប្អូន”។

        សាមាគមអក្សរសាស្រ្តសិល្បៈខេត្ត Kien Giang តែងតែរៀបចំការប្រលង​តែង
បទ​ចំរៀងអំពីប្រធានបទ” យុទ្ធជនការពារព្រំដែននិងដែនសមុទ្រកោះខេត្ត Kien
Giang”។​ ការប្រលងទាំងនេះត្រូវបានផ្សព្វផ្សាយដ៏ទូលំទូលាយ ហើយ​ទទួលបាន​ការ
ជួយ​ជ្រោម​ជ្រែងយ៉ាងខ្លាំងពីសំណាក់អ្នកនិពន្ធក្នុងខេត្ត។ វណ្ណកម្មចូលរួមការ
ប្រលងសុទ្ធតែច្បាមជាប់លើការកោតសសើរកងទ័ពការពារព្រំដែន និងសម្រស់ស្រស់
ស្អាតនៃកោះសមុទ្រខេត្ត Kien Giang។ បទចំរៀងខ្លះស្ដីពីមនោសញ្ចេតនានៅ
សមរភូមិក្រោយ​ភក្ដីស្នេហ៍​ របស់នារីនៅសមរភូមិក្រោយចំពោះកងទ័ពការពារ
ព្រំដែននៅនាយកោះសមុទ្រឆ្ងាយ។ តាមតន្រ្តីករ Duong Minh Duc អនុប្រធាន​
អចិន្រ្តៃសមាគម​អក្សរសាស្រ្ត​សិល្បៈ​ខេត្ត ​Kien Giang បានឲ្យដឹងថា បទចំរៀងជា
ច្រើនពីការប្រលងទាំងនេះត្រូវ​បានចាក់​ផ្សាយ​លើរលកវិទ្យុផ្សាយសំលេងនិង
ទូរទស្សន៍ក្នុងគោលបំណង​ផ្សព្វផ្សាយ​យ៉ាងទូលំ​ទូ​លាយ​ដល់មហាជន។តន្រ្តីករ
Duong Minh Duc​បានថ្លែងយ៉ាងដូច្នេះថា

    “​ ការប្រលងតែងបទចំរៀងស្ដីពីប្រធានបទព្រំដែនសមុទ្រកោះនិងការការពារ​
ព្រំដែននេះត្រូវបានបងប្អូនអ្នកអក្សរសាស្រ្តនិងសិល្បករសិល្បការិនីក្នុងទូទាំង៦៤
ខេត្តក្រុងជួយជ្រោមជ្រែងយ៉ាងក្លៀវក្លា។ប្រជាជនវាយតំលៃខ្ពស់ចំពោះសកម្មភាព
នេះ។ យើង​ខ្ញុំបន្តបោះពុម្ភជាសៀវភៅនិង ថាស CD ដើម្បីរួមចំណែកអនុវត្តភារ
កិច្ច​ឃោសនា​អំពីព្រំដែនសមុទ្រកោះ”។

តាមរយៈស្នាដៃនានារបស់អ្នកអក្សរសាស្រ្តនិងសិល្បករសិល្បការិនីសេចក្ដីស្នេហាសមុទ្រកោះត្រូវបានពង្រីក រួមចំណែកលើកកំពស់មនសិកា និងការទទួលខុសត្រូវរបស់ពលរដ្ឋវៀតណាមគ្រប់រូបចំពោះសមុទ្រនិងកោះដ៏ពិសិដ្ឋនៃប្រទេសជាតិ

        ថ្មីៗនេះ​នៅពិពណ៌វិចិត្រកម្មក្រុង Can Tho និងការតាំងពិពណ៌ថតរូបសិល្បៈ​រ
បស់​តំបន់ទាំង៣គឺខេត្ត An Giang ខេត្ត​Can Tho  និងក្រុងហូជិមិញ មានវណ្ណកម្ម
ជា​ច្រើន​ស្ដី​ពី​ប្រធានបទកោះសមុទ្រ។ តាមវិចិត្រករ Nguyen Qui Thuan ជាម្ចាស់
គំនូរ”​ផ្កា​សមុទ្រ”​បាន​ចែករំលែកថា

        “ នេះជាវណ្ណកម្មស្ដីពីកងទ័ពជើងទឹកនៅលើនាវាត្រៀមខ្លួនជួយសង្គ្រោះជន
រង​គ្រោះលើសមុ្រទ។ខ្ញុំបានទៅកាន់មូលដ្ឋានទ័ពជើងទឹកលេខ៥ហើយឃើញជាក់
នឹងភ្នែកនូវការងារហ្វឹកហាត់ជួយសង្គ្រោះលើសមុទ្រព្រមទាំងត្រៀមខ្លួនជានិច្ច
ប្រយុទ្ធការពារដែនសមុទ្ររបស់ប្រទេសជាតិ”។

  តាមរយៈស្នាដៃនានារបស់អ្នកអក្សរសាស្រ្តនិងសិល្បករសិល្បការិនីសេចក្ដី
ស្នេហាសមុទ្រកោះត្រូវបានពង្រីក រួមចំណែកលើកកំពស់មនសិកា និងការទទួល
ខុសត្រូវរបស់ពលរដ្ឋវៀតណាមគ្រប់រូបចំពោះសមុទ្រនិងកោះដ៏ពិសិដ្ឋនៃប្រទេស
ជាតិ៕