(VOV)_រួមជាមួយបណ្តាអ្នកអក្សរសាស្រ្តល្បីឈ្មោះដូចជាលោក To ​Hoai  Vo
Quang  Pham​ Ho នោះអ្នកអក្សរសាស្រ្ត ​Doan Gioi ក៏និពន្ធ​រឿងដ៏ពិរោះៗជា​ច្រើន​​
សំរាប់​កុមារដែរ។ នោះជារឿងស្តីអំពីជោគវាសនារបស់មនុស្សដូចជា​​”ដំបង​ឬស្សី”
“ត្រីដំរី” ​និងរឿង”ទឹកដីភូមិភាគខាងត្បូង”។ 

អ្នកអក្សរសាស្រ្ត Doan Gioi

        “ទឹកដីភូមិភាគខាងត្បូង”គឺជារឿងល្បីបំផុតរបស់អ្នកអក្សរសាស្រ្ត ​Doan 
Gioi​ ដែលត្រូវបានចាត់ទុកជាវណ្ណកម្មមួយដ៏មានតំលៃសំរាប់កុមារវៀតណាមគ្រប់​ជំនាន់។ មុននេះជាងកន្លះសតវត្សគឺនាឆ្នាំ១៩៥៧ពីភាគខាងត្បូងអ្នកអក្សរសាស្រ្ត 
Doan Gioi ទៅកាន់ភាគខាងជើងហើយចូលធ្វើការនៅវិទ្យុសំលេងវៀតណាម។ 
គ្រានោះគ្រឹះស្ថានបោះពុម្ភផ្សាយ Kim Dong ​បានពឹងលោកសរសេរសៀវភៅ​មួយ​
សំរាប់​កុមារដោយពិពណ៌នាអំពីទេសភាពធម្មជាតិនិងជីវភាព​រស់នៅរបស់​ប្រជា
​ជន​​​​ភូមិភាគខាងត្បូងវៀតណាម។ ៣ខែដំបូងអ្នកអក្សរសាស្រ្ត ​Doan Gioi​ គិតមិន​ចេញសរសេរមិនកើត។ តែក្រោយមកទំនងជាការនឹកនាគ្រួសារនិងស្រុកកំណើត
បានធ្វើឲ្យលោករំជួលចិត្តខ្លាំងហើយបង្កើតជាប្រភពចំណាប់អារម្មណ៍សំរាប់អ្នក​អក្សរសាស្រ្តរូបនេះសំរេចវណ្ណកម្ម”ទឹកដីភូមិភាគខាងត្បូង”ក្នុងរយៈពេលតែមួយ
ខែប៉ុណ្ណោះ។

       វណ្ណកម្ម”ទឹកដីភូមិភាគខាងត្បូង”ស្តីអំពីជីវិតកុមារាឈ្មោះAn ដែលដើរវង្វេង
ក្នុងសង្គ្រាមហើយត្រូវបានប្រជាពលរដ្ឋជួយទំនុកបំរុងឲ្យរស់នៅជាមួយនិងធំដឹង
ក្តីនៅតំបន់ទន្លេបឹងបួ Nam Bo។ សៀវភៅរឿងនេះរបស់អ្នកអក្សរសាស្រ្ត ​Doan​ Gioi ពោពេញទៅដោយដង្ហើមនៃគង្គាព្រៃឈើរាប់ទាំងរឿង​ពិតនិងអាថ៌កំបាំង​នៃតំបន់ធម្មជាតិ Nam Bo ទៀតផង។ ​អាចនិយាយបានថាវណ្ណកម្មនេះបាន​បង្ហាញ​​
ឲ្យ​ឃើញនូវមនោសញ្ចេតនាស្រលាញ់រាប់អានកុមារយ៉ាងកក់ក្តៅរបស់​អ្នក​អក្សរ​
សាស្រ្ត​ ​Doan Gioi។​ នេះត្រូវបានវាយតំលៃជាសៀវភៅរឿងមួយដ៏ល្អ​បំផុត​ស្តីអំពី​កុមារវៀតណាមហើយបានបោះពុម្ភផ្សាយឡើងវិញជាច្រើនលើក​និង​បក​ប្រែ
ជាភាសារុស្សីប៉ូឡូញអាល្លឺម៉ង់និងអែស្ប៉ាញជាដើម។ នឹកគិតអំពីអ្នកអក្សរ
សាស្រ្ត ​Doan Gioi អ្នកអក្សរសាស្រ្ត Huu Thinh បានសំណោះសំណាលថា៖

        "លោក Doan Gioi បានលៃទុកបុព្វហេតុទាំងស្រុងរបស់ខ្លួនសំរាប់និពន្ធ​បណ្តាវណ្ណកម្មអក្សរសាស្រ្តជូនកុមារាកុមារី។ ទោះបីជារឿងសំរាប់កុមារក្តីតែ​មនុស្សពេញវ័យក៏និយមចូលចិត្តអានវណ្ណកម្មទាំងនោះដែរ។ជាងនេះទៅទៀត​ប្រលោមលោកមួយចំនួនរបស់អ្នកអក្សរសាស្រ្ត ​Doan Gioi បានក្លាយទៅជា​សាច់រឿងដ៏អស្ចារ្យសំរាប់ខ្សែភាពយន្ត"។

វណ្ណៈកម្ម "ទឹកដីភូមិភាគខាងត្បូង” របស់អ្នកអក្សរសាស្ត្រ Doan Gioi

        តាមរយៈសៀវភៅរឿងរបស់អ្នកអក្សរសាស្រ្ត ​Doan Gioi​ ទើបកុមារ​វៀត​
ណាម​ជា​ច្រើនជំនាន់ដឹងស្គាល់ដើមកោងកាងនៃតំបន់ Ca Mauឬសំលេងចែវទូក​
សប្បាយ​អ៊ូអរលើផ្ទៃទឹកទន្លេTien ទន្លេ Hauដ៏ធំល្វឹងល្វើយនោះ។​ មាន​សិស្សា​នុ
សិស្ស​​​ជាច្រើនបន្ទាប់ពីអានរឿង”ទឹកដីភូមិភាគខាងត្បូង”​របស់លោកមក​គេបាន​ច្នៃប្រឌិតប្រែវណ្ណកម្មនេះក្លាយទៅជារូបភាពសិល្បៈផ្សេងៗដូចជាវិចិត្រកម្មតូរ្យ​តន្រ្តីនិងភាពយន្ត។ អ្នកស្រី Le Thi ThanhTam ជាគ្រូបង្រៀនភាសា​បរទេស​សា
លា​អនុវិទ្យាល័យVinschool ក្រុង Ha noi បានចែករំលែកថា៖វណ្ណកម្មនេះពិពណ៌
នាអំពីទេសភាពនិងមនុស្សនៅតំបន់មួយដែលពោពេញទៅដោយមនោសញ្ចេត
នាស្នេហាស្រុកទេសស្រលាញ់រាប់អានប្រជាជនហើយធ្វើឲ្យកុមារស្រមើស្រមៃ
យ៉ាងខ្លាំង។ ការបង្រៀនអក្សរសាស្រ្តមួយពេលរបស់យើងខ្ញុំគឺប្រើពេលត្រឹមតែ
៣០ភាគរយសំរាប់អធិប្បាយប៉ុណ្ណោះរីឯវេលានៅសល់សំរាប់សកម្មភាព IT 
រៀនតាមក្រុមឬទស្សនាវីដេអូឃ្លីពស្តីអំពីខ្សែភាពយន្ត”ទឹកដីភូមិ​ភាគខាងត្បូង”។

        បន្ទាប់ពីជោគជ័យនៃវណ្ណកម្ម”ទឹកដីភូមិភាគខាងត្បូង”មកអ្នកអក្សរសាស្រ្ត ​Doan Gioi បន្តនិពន្ធរឿងផ្សេងៗជូនកុមារដូចជារឿង”ដំណើរស្វែងរកសព្វាវុធ”  “ដើមកោងកាងCaMau”​​ “ព្រៃដង្ហោយ​ហៅ”  និង​រឿង”នាវិកចាស់​និរទេស​លើ​​​ឯ​កោះ​សមុទ្រ”។ អ្នកអក្សរសាស្រ្ត ​Doan Gioi បានសរសេរសៀវភៅរឿង​ទាំង​នោះ​ជាមួយ​ការជក់ចិត្តនឹងទេសភាពធម្មជាតិនិងប្រជាជននៅស្រុកទេសខ្លួន។ ​ស្តីពី​អ្នកអក្សរ
សាស្រ្ត ​Doan Gioi ​ដែលជាឪពុកចុងជាទីគោរពរាប់អានរបស់ខ្លួននោះ​អ្នកស្រី
 Le Thi Thai Ha បាន​សំណោះសំណាលថា៖ ប៉ាខ្ញុំទៅក្រុងហូជីមីញបានប៉ុន្មាន
ថ្ងៃគឺលោកត្រូវឈឺហើយដេកពេទ្យThong Nhat។ ក្នុងពេលសំរាកព្យាបានជំងឺនៅ
ទីនេះលោកបានលៃទុកបាយមួយចំណែកសម្រាប់ឲ្យពពួកសត្វជីងចក់ស៊ី។ ប៉ាខ្ញុំ
អាណិតសត្វណាស់បានជាលោកតែងតែឲ្យវាស៊ីចំណីហើយពួកសត្វជីងចក់រស់
នៅជុំវីញបន្ទប់ប៉ាខ្ញុំក៏វារមករង់ចាំគាត់ឲ្យ​ចំណីដែរ។

        អ្នកអក្សរសាស្រ្ត ​Doan Gioi ទទួលមរណភាពនាឆ្នាំ១៩៨៩។​ កុមារាកុមារី​និងអ្នកនិយមចូលចិត្តអក្សរសាស្រ្ត វៀតណាមគ្រប់ជំនាន់ជានិច្ចជាកាលនឹកគិត
ដល់លោកជាមួយនឹងទំព័រសៀវភៅរឿងពោពេញទៅដោយរូបភាពដ៏ល្អស្អាតនៃ
ធម្មជាតិនិងមនុស្សលើទឹកដីភូមិភាគខាងត្បូង៕