(VOV)_Na Hoi ជាឃុំមួយក្នុងឃុំចំនួន៦ នៅស្រុក Bac Ha ខេត្ត Lao Cai (ភាគ
ខាងជើងវៀត ណាម) ត្រូវបានជ្រើសរើសអនុវត្តកម្មវិធីកសាងជនបទថ្មី ដំណាក់កាល
២០១០ - ២០២០។ រួមគ្នាកសាងជនបទថ្មី ជនរួមជាតិនៅទីនេះបានខិតខំប្រឹងប្រែង
កសាង Na Hoi អោយកាន់តែស្អាតសម្បូរធូធារពីមួយថ្ងៃទៅមួយថ្ងៃ។
 |
| NA HOI៖សាមគ្គីភាពបង្កើតកំលាំងពលំ (baolaocai.vn) |
Na Hoi ជាឃុំមួយស្ថិតក្នុងស្ថានភាពលំបាកជាពិសេសនៅស្រុក Bac Ha។ឃុំកំពុងទទួលបានផលជាច្រើនពីកម្មវិធីកសាងជនបទថ្មីដ៏ឆាប់រហ័សនិងចីរភាពរបស់
រដ្ឋាភិបាល។ នាបច្ចុប្បន្ន ឃុំមានគ្រួសារជិត១០០០គ្រួដោយមានចំនួនប្រជាជនជាង
៤២០០នាក់ ក្នុងជនជាតិភាគតិចចំនួន១២ ដូចជា÷ Nung, Dao, Mong, Tay…។ល។ ក្នុងក្របខ័ណ្ឌកម្មវិធីកសាងជនបទថ្មី ឃុំបានប្រមូលផ្តុំវិនិយោគកសាងហេដ្ឋារចនា
សម្ព័ន្ធ បំផុសចលនាបរិច្ចាកដី រួមកម្លាំងកាយចិត្តរបស់ប្រជាជនក្នុងឃុំទាំងមូល ដើម្បីកសាងជនបទថ្មី។ លទ្ធផលគឺក្នុងឆ្នាំ២០១៣ឃុំ Na Hoi ចាក់ប៉េតុងផ្លូវ១ប្រវែង
៣គីឡូមែត្រ សាងសង់បន្ថែមអាគារវប្បធម៌ចំនួន៨ខ្នង។ ជីវភាពរស់នៅខាងវប្បធម៏ និងស្មារតីរបស់ប្រជាជនត្រូវបានលើកស្ទួយ ស្ថានភាពសន្តិសុខនយោបាយសណ្ដាប់ ធ្នាប់សង្គមត្រូវបានថែរក្សារយ៉ាងខ្ជាប់ខ្ជួន។
ធ្វើដំណើរពីផ្លូវចាក់ប៉េតុងដ៏ស្អាត បានមកដល់ភូមិ Na Hang B ជាភូមិមួយនៅ
ឆ្ងាយពីមជ្ឈមណ្ឌលឃុំ Na Hoi យើងបានស្ដាប់សូរសម្លេងដែលក្រុមសិល្បះ កំពុងហ្វឹក ហាត់ដើម្បីត្រៀមរៀបចំអោយពិធីបុណ្យនិទាឃរដូវ។ មេភូមិ Na Hang B លោក Sen
Van Dung បានចែករំលែកថា÷
“ អាគារវប្បធម៌ត្រូវបានបើកសម្ពោធន៍ដាក់អោយប្រើប្រាស់លើផ្ទៃដី២៤០
មែត្រក្រឡា។ ទោះបីជា ជីវភាពរស់នៅរបស់ប្រជាជននៅមានការលំបាកជាច្រើនក្តី ប៉ុន្តែប្រជាជននៅបន្តការវិភាគទានជាទឹកប្រាក់និងថ្ងៃធ្វើពលកម្មដើម្បីកសាងអាគារ
វប្បធម៌។ ចាប់ពីថ្ងៃកសាងជនបទថ្មីមក ជីវភាពរស់នៅខាងសេដ្ឋកិច្ចរបស់ប្រជាជនត្រូវបានលើកស្ទូយជាច្រើនដែរ។”
លោក Tran Hoang Tuan លេខាគណៈកម្មាធិការបក្ស និងជាប្រធានគណៈក
សាងជនបទថ្មី ឃុំNa Hoi បានអោយដឹងថា÷ ភាពងាយស្រួលក្នុងការកសាងជនបទ
ថ្មី នោះគឺការប្តេជ្ញាចិត្តរបស់រដ្ឋអំណាចនិងការស្រុះចិត្តគំនិតរបស់ប្រជាជន។ អង្គការ ស្ថាប័ន និងបុគ្គលជាច្រើននាក់បានសកម្មចូលរួម ជួយជ្រោមជ្រែងសកម្មភាពជាក់
ស្ដែងជាច្រើន។
“ រហូតមកដល់ពេលនេះ ឃុំ Na Hoi បានសម្រេចបទដ្ឋានចំនួន១១ ក្នុងចំ
ណោមបទដ្ឋានទាំង១៩ នៃកម្មវិធីកសាងជនបទថ្មី។ ទទួលបានលទ្ធផលនេះ គឺ
យើងបានឃោសនាដើម្បីប្រជាជនយល់ជ្រួតជ្រាបគោលដៅនិងអត្ថន័យរបស់កម្មវិធី
កសាងជបទថ្មី។ ចំពោះជនរួមជាតិជាជនជាតិភាគតិច យើងខ្ញុំត្រូវបានបំពេញល្អការ
ងារ ឃោសនា ផ្សព្វផ្សាយ និងចលនាគ្រួសារនិមួយៗ។ យើងខ្ញុំចាត់ទុកថា÷រូប
សណ្ឋានឃោស នាជាការបោះជំហានខ្លាំងក្នុងការការសាងជនបទថ្មី។”
ចំពោះអ្នក Na Hoi ជនបទថ្មីមិនគ្រាន់តែជាផ្លូវចាក់ប៉េតុង ការកសាងអាគារ
វប្បធម៌ប៉ុណ្ណោះទេតែ ប្រការសំខាន់បំផុត និងជាក់ស្ដែងបំផុត នោះគឺជីវភាពរស់នៅរបស់ប្រជាជនត្រូវបានលើកស្ទួយ និងធ្វើអោយប្រជាជនឃើញច្បាស់៖កម្មវិធីជនបទ
ថ្មី បានជួយឧបត្ថម្ភកាត់បន្ថយភាពក្រីក្រស្ថិរភាពជីវភាពរស់នៅ។ បង Sung Van
Xeng ជនជាតិ Mong នៅភូមិ Ngai Thau ឃុំ Na Hoi បានអោយដឹងថា៖
“ប្រជាជនសប្បាយរីករាយ ណាស់ដោយសារមានអគ្គសនីប្រើប្រាស់និងផ្លូវស្អាត។ ជីវភាពរស់នៅរបស់ប្រជាជនទាំងខាងសម្ភារះនិងស្មារតីត្រូវបានលើកស្ទួយ។ រដ្ឋបាន
បង្កលក្ខណះ អោយគ្រួសារនានាខ្ចីទុនដើម្បីអភិវឌ្ឍន៍ផលិតកម្ម រួចផុតពីភាពក្រីក្រ។ យើងខ្ញុំបានផលិតពោត ស្រូវ និង អាចលក់នៅនឹងកន្លែង។”
នាបច្ចុប្បន្ន ប្រាក់ចំណូលមធ្យមរបស់ប្រជាជននៅឃុំ Na Hoi ទទួលបានជិត១០លានវៀតណាមដុង/មនុស្ស/ឆ្នាំ ។ ជីវភាពរស់នៅរបស់ប្រជាជនត្រូវមានស្ថិរភាព។ ឃុំបានបង្កើនសហករណ៍ផលិតកម្មរុក្ខជាតិថ្នាំបុរាណ ភូមិរបរចិញ្ជឹមជ្រុក…។ល។
លោក Tran Dac Ha អនុប្រធានគណៈកម្មាធិការប្រជាជនឃុំ Na Hoi បានអោយដឹងថា៖
“ Na Hoi កំពុងកសាងរូបសណ្ឋានទេសចរណ៍សហគមន៍។ ផ្ទះផុតពីដីរបស់ជន រួមជាតិជាជនជាតិភាគតិចនឹងបើកជានិច្ចសំរាប់ទទួលភ្ញៀវទេសចរណ៍នៅក្នុងនិងក្រៅ
ប្រទេសមកទស្សនា និងសម្រាក់នៅទីនេះ។ ជនរួមជាតិនៃបណ្ដាជនជាតិភាគតិចក៏ យកចិត្តទុកដាក់ជាពិសេសដល់ការធានាអនាម័យបរិស្ថានផងដែរ។ ពីនោះ ភ្ញៀវទេស ចរណ៍នឹងមកដល់ Na Hoi កាន់តែច្រើនជាង ជួយប្រជាជនមានបន្ថែមប្រាក់ចំណូល កែលំអរជីវភាពរស់នៅ។”
ក្នុងឆ្នាំ ២០១៤ Na Hoi ប្រេជ្ញាចិត្តសម្រេចបន្ថែមបទដ្ឋានចំនួន២ទៀត អំពីការ
កសាង ជនបទថ្មី ទាក់ទិនដល់គមនាគមន៍និងវប្បធម៏។ ដើម្បីអនុវត្តបានប្រការនេះ
ឃុំNa Hoi កំពុងខំប្រឹងប្រែងអនុវត្តព្រមៗគ្នាការផ្ទេរប្តូររចនាសម្ព័ន្ធខឿនសេដ្ឋកិច្ចជាពិសេសគឺលក់ផ្លែរព្រូន Tam Hoa ជាផលិតផលពិសេសនៃតំបន់ព្រៃភ្នំ Bac Ha៕