ការបណ្ដុះបណ្ដាលវិជ្ជាជីវះសំរាប់ពលករជនបទនៅខេត្ត YEN BAI
Dinh Tuan, To Tuan -
(VOV) /
(VOV)_ការបណ្ដុះបណ្ដាវិជ្ជាជីវះសំរាប់ប្រជាកសិករជាកត្តាសំខាន់១ ក្នុងការ
កសាងជនបទ នៅវៀតណាម។ Yen Bai ជាខេត្តព្រៃភ្នំ១នៅភាគខាងជើងវៀតណាម
បានយកចិត្តទុកដាក់ជាពិសេសដល់ការបណ្ដុះបណ្ដាលវិជ្ជាជីវះ ដោះស្រាយបញ្ហាការងារធ្វើសំរាប់ពលករបន្ទាប់ពីបណ្ដុះបណ្ដាល។
 |
| ការបណ្ដុះបណ្ដាលវិជ្ជាជីវះសំរាប់ពលករជនបទនៅខេត្ត YEN BAI(http://www.baoyenbai.com.vn) |
នាយករដ្ឋមន្ត្រីរដ្ឋាភិបាលវៀតណាមបានចេញផ្សាយសេចក្ដីសម្រេចចិត្តលេខ
១៩៥ដែលអនុម័តលើគំរោងផែនការ ស្ដីពី៖ការបណ្ដុះបណ្ដាលវិជ្ជាជីវះ សំរាប់ ពលករ ជនបទប្រមាណ១លាននាក់និងកម្មាភិបាលឃុំចំនួន១សែននាក់ ក្នុងដំណាក់កាល
២០១០ -២០២០។ ការបណ្ដុះបណ្ដាលវិជ្ជាជីវះផ្សាភ្ជាប់ជាមួយកម្មវិធីកសាង ជនបទ ថ្មី នាពេលកន្លងទៅ បាននិងកំពុងពង្រីកប្រសិទ្ធិភាពជាជំហានដំបូង ពិសេសគឺនៅ បណ្ដាខេត្តព្រៃភ្នំ តំបន់ឆ្ងាយដាច់ស្រយាល។ ក្នុងរយៈពេល៣ឆ្នាំកន្លងទៅ ខេត្ត Yen
Bai បណ្ដុះបណ្ដាលវិជ្ជាជីវះសំរាប់ពលករ១ម៉ឹន៨ពាន់៥រយនាក់ដែលក្នុងនោះពលករគ្រួសារក្រីក្រស្រូបយក៣២,៥%។ បណ្ដាមូលដ្ឋានបណ្ដុះបណ្ដាលមុខមិជ្ជាជីវះបាន
បើកវគ្គស្ដីពីដំណាំដាំដុះ កែច្នៃកសិផល ចិញ្ជឹមសត្វ ដាំបន្លែអនាម័យ…។ល។ តាមរយៈនោះ ជីវភាពរស់នៅរបស់បណ្ដាគ្រួសារប្រជាកសិករត្រូវបានស្ថិរភាព ប្រជាពលករមានការងារធ្វើ រួមចំណែកជំរុញផលិតកម្ម អភិវឌ្ឍន៍សេដ្ឋកិច្ច កាត់
បន្ថយភាពក្រីក្រប្រកបដោយចីរភាព។ បង Luong Van On នៅឃុំ Nghia Loi ទីរួម
ខេត្ត Nghia Lo បានអោយដឹងថា៖
“ មុននេះ យើងខ្ញុំប្រកបមុខរបរកសិកម្ម។ ប៉ុន្តែ ឥឡូវនេះដោយសារបានបណ្ដុះ
បណ្ដាលវិជ្ជាជីវះ ខ្ញុំមានការងារធ្វើក្នងុផ្នែកសំណង់។ ការលំបាកត្រូវបានកាត់បន្ថយ
ជាច្រើន។ ប្រាក់ចំណូលគិតជាមធ្យមពី១៧០ដល់១៨០ពាន់ដុង/ថ្ងៃ។ ជីវភាពរស់នៅត្រូវបានកែលំអរជាច្រើន។”
នាបច្ចុប្បន្ន Yen Bai បង្កើនជួរគ្រូបង្រៀនវិជ្ជាជីវះទាំងខាងបរិមាណផង និង
សមត្ថភាពជំនាញផង។ ទន្ទឹមនឹងការបណ្ដុះបណ្ដាលសំរាប់ពលករជនបទ នេះ ខេត្តក៏បានកសាងរូបសណ្ឋានអនុវត្តពិសោធចំនួន៤៧ដើម្បីមនុស្សជិត១ ពាន់ ៥រយនាក់មកទស្សនា និងសិក្សារស្រាវជ្រាវ ដូចជា ៖រូបសណ្ឋានដាំស្រូវ កែច្នៃតែ
ដាំផ្សិត។។ល។ លោក Hoang Duc Vuong នាយកមន្ទីរការងារ យុទ្ធជនពិការ និង
សង្គមកិច្ចខេត្ត Yen Bai បានអោយដឹងថា៖
“គំរោងផែនការ លេខ១៥៦ដើរតួនាទីសំរេចកំណត់ក្នុងកិច្ចការកាត់បន្ថយ
ភាពក្រីក្រ និងកសាងជនបទថ្មី។យើងខ្ញុំនឹងជំរុញខ្លាំងការងារឃោសនា លើកកំពស់ចំណេះដឹង ការទទួលខុសត្រូវរបស់ស្ថាប័ន ផ្នែកគ្រប់ជាន់ថ្នាក់និងប្រជាជន
គ្រប់រូបអំពីការអនុវត្តគំរោងផែនការនេះ។”
តាមការស្ថិតិ អត្រាពលករមានការងារធ្វើបន្ទាប់ពីពេលបានបណ្ដុះបណ្ដាល
វិជ្ជាជីវះនៅខេត្ត Yen Bai គឺ៦៥%។ នេះគឺជាតួរលេខគួរអោយកត់សម្គាល់ចំពោះ តំបន់ព្រៃភ្នំមួយនៅមានការលំបាកជាច្រើន។
ការបណ្ដុះបណ្ដាលវិជ្ជាជីវះ សំរាប់ពលករជនបទ ជាការងារមានចរិតសង្គម និងមនុស្សសាស្ត្រជ្រាលជ្រៅ និងវាកំពុងទទួលបានការស្រុះចិត្តគំនិតជាច្រើនពី
ប្រជាជនពីមួយថ្ងៃទៅមួយថ្ងៃ។ ការងារនេះនៅខេត្ត Yen Bai មិនគ្រាន់តែរួមចំណែក
ចូលក្នុងការតស៊ូកាត់បន្ថយភាពក្រីក្រប៉ុណ្ណោះទេ ថែមទាំងបង្កើតកម្លាំងចលករ ជំរុញកម្មវិធីកសាងជនបទថ្មី រួមចំណែកបង្កើតកងកម្លាំងពលករមានចំណេះដឹង
លទ្ធកម្មផលិតកម្ម សមស្របជាមួយតម្រូវការអភិវឌ្ឍន៍នៃខឿនកសិកម្មទំនើប៕
Dinh Tuan, To Tuan
-VOV