ស្រុក Phong Dien ទីក្រុង Can Tho រឹងមាំកសាងជនបទថ្មី (Image: baomoi.com)

(VOVworld) – ស្រុក Phong Dien ទីក្រុង Can Tho (ភាគខាងត្បូងវៀតណាម)
ទើបនឹងត្រូវបាននាយករដ្ឋមន្ត្រីរដ្ឋាភិបាលវៀតណាមទទួលស្គាល់ទទួលបាន
បទដ្ឋានជនបទថ្មី។ ក្រោយរយៈពេល ៥ ឆ្នាំអនុវត្តកម្មវិធីជាតិស្តីពីការកសាង
ជនបទថ្មី មុខមាត់ជនបទនៃស្រុក Phong Dien កាន់តែសម្បូរធូរធារ ជីវភាព
រស់នៅរបស់ប្រជាពលរដ្ឋត្រូវបានកែកំអរ ច្រើន។

        Phong Dien គឺជាស្រុកដំបូងដែលត្រូវទទួលបានបទដ្ឋានជនបទថ្មីរបស់
ទីក្រុង Can Tho និងជាតំបន់ទី ២ នៅតំបន់ដីសណ្តទន្លេ Cuu Long ក្រោយ
ទីរួមខេត្ត Nga Bay នៅខេត្ត Hau Giang ទទួលបទដ្ឋាននេះ។ ពីស្រុកក្រីក្រមួយ
នៃជាយទីក្រុង Can Tho មូលដ្ឋានហេដ្ឋារចនាសម្ព័ន្ធមិនទាន់អភិវឌ្ឍន៍ព្រមៗ
គ្នានៅឡើយសេដ្ឋកិច្ចភាគច្រើនផ្អែកទៅលើផលិតកម្មកសិកម្មប៉ុន្តែដោយការ
ខំប្រឹងប្រែងនិងការស្រុះចិត្តគំនិតរបស់រដ្ឋអំណាចនិងប្រជាពលរដ្ឋ បាន
បង្កើតឡើងមុខមាត់ថ្មីសំរាប់ជនបទស្រុក Phong Dien។ ផ្ទះសាលារៀននិង
គិលានដ្ឋានថ្មីច្រើនខ្នងត្រូវបានកសាង។​ នាបច្ចុប្បន្ន ចំណូលជាមធ្យមរបស់
ប្រជាពលរដ្ឋក្នុងស្រុកទទួល បាន ៣៥ លានដុង/ឆ្នាំ កើនឡើង ១៤ លានដុង
បើប្រៀបនឹងឆ្នាំ ២០១១។ លោកស្រី Hoang Thi Phuong ឃុំ Nhon Ai ស្រុក Phong
Dien បានចែករំលែកថា៖

        «ឥឡូវនេះ ខ្សែផ្លូវទាំងពីរត្រូវបានកសាងថ្មី ដោយហេតុនេះ ការធ្វើដំណើរ
ងាយស្រួល ជាងហើយផ្កាត្រូវបានដាំលំអរតាមដងវិថីស្អាតណាស់។ប្រជាពលរដ្ឋ
នៅទីនេះសប្បាយរីករាយណាស់។»

        រួមជាមួយការអនុវត្តព្រមៗគ្នាវិធានការជាច្រើនស្រុក Phong Dien ក៏បាន
ជំរុញយ៉ាងខ្លាំងការងារឃោសនាអប់រំដើម្បីប្រជាពលរដ្ឋយល់ច្បាស់អំពីតួនាទីនិង
ផលប្រយោជន៍ជាក់ស្តែងរបស់គេក្នុងការកសាងជនបទថ្មីផងដែរ។ អាស្រ័យ
ដោយនេះ ស្រុក Phong Dien បានប្រមូលផ្តុំ ប្រាក់ចំនួន ១៨០០ ពាន់លានដុង
សំរាប់ការកសាងជនបទថ្មី ក្នុងនោះ ប្រជាពលរដ្ឋរួម ចំណែកប្រាក់ចំនួន ២៦០
ពា​ន់លានដុង និងប្រភពទុនពីសង្គមទទួលបាន ២០០ ពាន់លានដុង។ លោក  
 Nguyen Van Su ប្រធានគណៈកម្មាធិការប្រជាជនស្រុក Phong Dien បានឲ្យដឹង
ថា៖

        «ជោគជ័យនេះគ្រាន់តែជាទ្ធផលដំបូងតែប៉ុណ្ណោះ។ យើងខ្ញុំគប្បីប្តេជ្ញាថែម
ទៀតដើម្បី រក្សាគិត្តិនាមស្រុកជនបទថ្មី។ នាពេលខាងមុខ ស្រុកបន្តជួសជុល
វិនិយោគនិងកសាងថ្មី​ប្រព័ន្ធហេដ្ឋារចនាសម្ព័ន្ធ បន្តបញ្ជាផ្នែកកសិកម្មណែនាំ
ប្រជាកសិករផ្លាស់ប្តូររចនាសម្ព័ន្ធផលិ តកម្មតាមទិសសង្វាកតភ្ជាប់ដើម្បីលើក
កំពស់ចំណូលរបស់ប្រជាពលរដ្ឋ។»

        រីឯ លោក Le Van Tam អនុប្រធានគណៈកម្មាធិការប្រជាជនទីក្រុង Can
 Tho បាន សង្កត់ធ្ងន់ថា៖                        

«ក្រៅពីការបំផុសដើម្បីប្រមូលផ្តុំកសាងស្រុក Phong Dien ក្លាយទៅជាជនបទថ្មី  
ថ្នាក់ដឹកនាំទីក្រុង Can Tho  យកចិត្តទុកដាក់ពិសេសទៅលើសក្តានុភាពអភិវឌ្ឍន៍
ទេចរណ៍ ធម្មជាតិដ៏សម្បូរបែប។ យើងខ្ញុំនឹងរៀបចំផែនការវិនិយោគកសាង
តំបន់នេះក្លាយទៅជាមណ្ឌលទេសចរណ៍អេកូឡូស៊ីនិងទេសចរណ៍សហគមន៍។»

ការទទួលបានបទដ្ឋានជាជនបទថ្មីនៃស្រុក Phong Dien នឹងជាកំលាំងពលំ
ដើម្បីស្រុក បន្តកែលំអរហេដ្ឋារចនាសម្ព័ន្ធនិងផ្លាស់ប្តូររចនាសម្ព័ន្ធផលិតកម្ម។
នាពេលខាងមុខ ស្រុកបន្ត ប្រមូលប្រភពធនធានថែមទៀតដើម្បីអភិវឌ្ឍន៍
ជនបទនិរន្តរភាពលើកកំពស់ជីវភាពរស់នៅ​របស់ប្រជាពលរដ្ឋ៕