(ພາບ: Hoàng Chương/Vietnam+)
(vovworld)-ວັນທີ 14/11, ຢູ່ວຽງຈັນ, ທ່ານເຢືອງວັນເຟືອງ, ຫົວໜ້າຜູ້ຕາງໜ້າທະນາຄານການຄ້າຫຸ້ນສ່ວນລົງທຶນພັດທະນາຫວຽດນາມ (BIDV) ປະຈຳລາວ ໄດ້ມອບຄອມຟີວເຕີ 10 ຊຸດ ແລະ ເຄື່ອງພິມໃຫ້ແກ່ຂ່າວສານປະເທດລາວ (KPL) ເພື່ອຮັບໃຊ້ວິຊາສະເພາະ. ຕາງໜ້າໃຫ້ຄະນະການນຳ KPL, ທ່ານສູນທອນ ຂັນທະວົງ ໄດ້ຂອບອົກຂອບໃຈ ແລະ ຕີລາຄາສູງການຊ່ວຍເຫຼືອຢ່າງແທດຈິງຂອງ BIDV ໃຫ້ແກ່ລາວເວົ້າລວມ ແລະ KPL ເວົ້າສະເພາະ ເພື່ອແນໃສ່ຮັບໃຊ້ໃຫ້ແກ່ວຽກງານວິຊາສະເພາະຢ່າງທັນການ, ຍົກສູງຄຸນນະພາບຂ່າວສານພ້ອມທັງປະກອບສ່ວນເພີ່ມພູນຄູນສ້າງສາຍພົວພັນແບບພິເສດ ແລະ ການຮ່ວມມືຮອບດ້ານລະຫວ່າງລາວ-ຫວຽດນາມ.
ກ່າວຄຳເຫັນທີ່ພິທີ, ທ່ານເຢືອງວັນເຟືອງ, ສະແດງຄວາມຮູ້ບຸນຄຸນຕໍ່ຂະແໜງສື່ມວນຊົນລາວເວົ້າລວມ ແລະ KPL ເວົ້າສະເພາະ ທີ່ໄດ້ຮ່ວມເດີນທາງພ້ອມກັບບັນດາການເຄື່ອນໄຫວຂອງ BIDV ຢູ່ລາວໃນຫຼາຍປີຜ່ານມາ, ຊ່ວຍ BIDV ປະຕິບັດວຽກງານຊີວິດສັງຄົມຢູ່ປະເທດນີ້ເປັນຢ່າງດີ./.