NATO ຕໍ່ກຳນົດເວລາອາຍຸການສຳລັບທ່ານເລຂາທິການໃຫຍ່ Jens Stoltenberg
(VOVWORLD) - ທ່ານເລຂາທິການໃຫຍ່ Jens Stoltenberg ສະແດງຄວາມເປັນກຽດເມື່ອໄດ້ຮັບຂໍ້ຕົກລົງຕໍ່ກຳນົດເວລາຮອດວັນທີ 1 ຕຸລາ 2024.
 ທ່ານເລຂາທິການໃຫຍ່ NATO Jens Stoltenberg (ພາບ: AFP/TTXVN) |
ວັນທີ 4 ກໍລະກົດ, ອົງການສົນທິສັນຍາອັດລັງຕິກເໜືອ (NATO) ໄດ້ຕົກລົງຕໍ່ກຳນົດເວລາອາຍຸການຂອງທ່ານເລຂາທິການໃຫຍ່ Jens Stoltenberg ຕື່ມອີກ 1 ປີ.
ໃນສື່ສັງຄົມອອນລາຍ Twitter, ທ່ານເລຂາທິການໃຫຍ່ Jens Stoltenberg ສະແດງຄວາມເປັນກຽດເມື່ອໄດ້ຮັບຂໍ້ຕົກລົງຕໍ່ກຳນົດເວລາຮອດວັນທີ 1 ຕຸລາ 2024. ທ່ານເນັ້ນໜັ້ກວ່າ ການພົວພັນຂ້າມອັດລັງຕິກເໜືອ ລະຫວ່າງເອີຣົບ ແລະ ອາເມລິກາເໜືອ ໄດ້ຊ່ວຍຮັບປະກັນສິດເສລີ ແລະ ຄວາມໝັ້ນຄົງໃນພາກພື້ນ ໃນໄລຍະເວລາເກືອບ 75 ປີ. ຕາມທ່ານແລ້ວ, ໃນສະພາບການໂລກ ປະເຊີນໜ້າກັບສິ່ງທ້າທາຍນາໆປະການນັ້ນ, ສຳພັນທະມິດ NATO ພວມນັບມື້ນັບສວມບົດບາດສຳຄັນກວ່າເວລາໃດໝົດ.