(vovworld) - ວັນທີ 02/01, ກ່າວຄຳເຫັນທີ່ກອງປະຊຸມສະຫຼຸບວຽກງານປີ 2013 ແລະ ຜັນຂະຫຍາຍໜ້າທີ່ປີ 2014 ຂອງກົມໃຫຍ່ການເມືອງກອງທັບປະຊາຊົນຫວຽດນາມ, ພົນໂທ ຫງວຽນຊວນຫຼິກ, ເລຂາສູນກາງພັກ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຮຽກຮ້ອງໃຫ້ບັນດາອົງການ, ກົມກອງໃນກົມໃຫຍ່ການເມືອງ ເປັນເຈົ້າການປະຕິບັດວຽກງານເປັນເສນາທິການເປັນຢ່າງດີ, ຍົກສູງຄຸນນະພາບການຊີ້ນຳ ແລະ ແນະນຳວຽກງານພັກ, ວຽກງານການເມືອງໃນທົ່ວກອງທັບ. ໃນນັ້ນສຸມໃສ່ຊາບຊຶມ ແລະ ປະຕິບັດບັນດາມະຕິຢ່າງເຂັ້ມງວດ, ຄຳຊັ່ງຂອງສູນກາງພັກ, ຄະນະພັກການທະຫານສູນກາງ; ຕໍ່ສູ້ຕ້ານບັນດາກົນອຸບາຍ, ເລ່ຫຼ່ຽມ ແລະ ບັນດາທັດສະນະທີ່ຜິດພາດຂອງບັນດາກຳລັງທີ່ເປັນປໍລະປັກຕ້ານການປະຕິວັດຫວຽດນາມ.
ພົນໂທ ຫງວຽນຊວນຫຼິກ ກໍ່ຮຽກຮ້ອງໃຫ້ບັນດາອົງການ, ກົມກອງໃນກົມໃຫຍ່ການເມືອງ, ຈັດຕັ້ງບັນດາການເຄື່ອນໄຫວຖະແຫຼງຂ່າວ, ໂຄສະນາເນື່ອງໃນໂອກາດບັນດາວັນບຸນໃຫຍ່ເປັນຢ່າງດີ, ຈັດຕັ້ງບັ້ນຂົນຂວາຍ, ຂະບວນການແຂ່ງຂັນ “ເສີມຂະຫຍາຍມູນເຊື້ອ, ອຸທິດສ່ວນຄວາມເກັ່ງກ້າສາມາດ, ສົມເປັນທະຫານລຸງໂຮ່” ໃນປີ 2014.