ກອງທັບ2ປະເທດຫວຽດນາມ-ລາວຮ່ວມມືນັບມື້ນັບມີປະສິດທິຜົນ
ມິ້ບິ່ງ, ນັກຂ່າວ VOV ປະຈຳລາວ -
ທ່ານນາຍົກລັດຖະມົນຕີ ທອງສິງ ທຳມະວົງ ຕ້ອນຮັບ ພົນໂທ ໂດບ໋າຕີ້
(ພາບ: TTXVN)
(vovworld) - ໃນຂອບເຂດການຢ້ຽມຢາມມິດຕະພາບ ລາວ ຢ່າງເປັນທາງການ, ຕອນເຊົ້າວັນທີ 27/8 ຢູ່ນະຄອນຫລວງ ວຽງຈັນ. ຄະນະຜູ້ແທນທະຫານຂັ້ນສູງກອງທັບປະຊາຊົນ ຫວຽດນາມ ໂດຍພົນໂທ ໂດບ໋າຕີ້, ເສນາທິການໃຫຍ່, ລັດຖະມົນຕີຊ່ວຍວ່າການກະຊວງປ້ອງກັນປະເທດ ນຳໜ້າ ໄດ້ຮັບການຕ້ອນຮັບຈາກທ່ານນາຍົກລັດຖະມົນຕີ ລາວ ທອງສິງ ທຳມະວົງ. ທ່ານນາຍົກລັດຖະມົນຕີ ທອງສິງ ທຳມະວົງ ຢືນຢັນວ່າ: ໃນໄລຍະຜ່ານມາ, ກອງທັບ 2 ປະເທດໄດ້ຮ່ວມມືຢ່າງມີປະສິດທິຜົນທີ່ສຸດ, ປະກອບສ່ວນສຳຄັນເຂົ້າໃນການກໍ່ສ້າງຊາຍແດນສັນຕິພາບ, ສະຖຽນລະພາບ ແລະ ພັດທະນາ. ທ່ານນາຍົກລັດຖະມົນຕີ ທອງສິງ ທຳມະວົງ ເນັ້ນໜັກວ່າ: ໃນສະພາບການໂລກພວມມີການຜັນແປສັບສົນຫລາຍຢ່າງ, ເລື່ອງກອງທັບ 2 ປະເທດເພີ່ມທະວີການຮ່ວມມື ເຮັດໃຫ້ສາຍພົວພັນລະຫວ່າງ 2 ຝ່າຍເລິກເຊິ່ງກວ່າອີກແມ່ນສຳຄັນທີ່ສຸດ. ບໍ່ພຽງແຕ່ປະກອບສ່ວນເພີ່ມທະວີການພົວພັນແບບພິເສດລະຫວ່າງກອງທັບ 2 ປະເທດເທົ່ານັ້ນ ຫາກຍັງໃຫ້ແກ່ການພົວພັນລະຫວ່າງ 2 ປະເທດ ລາວ - ຫວຽດນາມອີກດ້ວຍ.
ມິ້ບິ່ງ, ນັກຂ່າວ VOV ປະຈຳລາວ