ບັນດາຜູ້ແທນເຂົ້າຮ່ວມກອງປະຊຸມ SOM AMM 48 ວັນທີ 2/8
(vovworld) - ໃນຂອບເຂດກອງປະຊຸມລັດຖະມົນຕີວ່າການກະຊວງການຕ່າງປະເທດ ອາຊຽນ (AMM 48) ແລະ ບັນດາກອງປະຊຸມກ່ຽວຂ້ອງພວມດຳເນີນຢູ່ນະຄອນຫລວງ ກົວລາລຳເປີ ປະເທດ ມາເລເຊຍ, ຕອນເຊົ້າວັນທີ 3/8, ບັນດາເຈົ້າໜ້າທີ່ຂັ້ນສູງຂອງ ອາຊຽນ ກັບ 3 ປະເທດຄູ່ຮ່ວມມືແມ່ນ: ຈີນ, ສ.ເກົາຫຼີ ແລະ ຍີ່ປຸ່ນ (ອາຊຽນ + 3) ພົບປະກັນເພື່ອປຶກສາຫາລືບັນດາໂຄງການດຳເນີນງານ ສະເໜີຕໍ່ກອງປະຊຸມລັດຖະມົນຕີ ອາຊຽນ + 3 ໃນຊຸມວັນມໍ່ໆມານີ້. ກອງປະຊຸມຈະສະເໜີຕໍ່ບັນດາລັດຖະມົນຕີ ໝາກຜົນແຫ່ງການກວດກາການເຄື່ອນໄຫວໃນການປະຕິບັດແຜນການດຳເນີນງານອາຊຽນ + 3 ໄລຍະປີ 2007 – 2017, ພ້ອມທັງ, ຍົກອອກແຜນການດຳເນີນງານໃຫ້ຊຸມປີຕໍ່ໄປ ເພື່ອສະເໜີຕໍ່ບັນດາລັດຖະມົນຕີ. ໃນວັນດຽວກັນ, ກອງປະຊຸມບັນດາເຈົ້າໜ້າທີ່ຂັ້ນສູງ ອາຊຽນ - ອາຊີຕາເວັນອອກ ກັບ 8 ປະເທດແມ່ນ: ຈີນ, ສ.ເກົາຫຼີ, ຍີ່ປຸ່ນ, ອົດສຕາລີ, ອິນເດຍ, ນິວຊີແລນ, ລັດເຊຍ ແລະ ອາເມລິກາ (EAS) ກໍ່ດຳເນີນຢູ່ ກົວລາລຳເປີ. ບັນດາຜູ້ແທນໄດ້ປຶກສາຫາລືກ່ຽວກັບແຜນການເຮັດໃຫ້ກົນໄກການຮ່ວມມືໃນປະຈຸບັນຂອງ ອາຊີຕາເວັນອອກພົ້ນເດັ່ນ, ພິເສດ ເມື່ອມີການເຂົ້າຮ່ວມຂອງ ລັດເຊຍ ແລະ ອາເມລິກາ ແຕ່ປີ 2011.
ຫງວຽນທິທູຮ່ຽນ ນັກຂ່າວ VOV ຈາກ ມາເລເຊຍ