ກອງປະຊຸມສະຫລຸບ 6 ເດືອນກ່ຽວກັບວຽກງານຖະແຫລງຂ່າວ
ການຕ່າງປະເທດ
ພາບ: internet |
(vovworld) - ຕອນເຊົ້າວັນທີ 7/9 ຢູ່ ຮ່າໂນ້ຍ, ຄະນະຊີ້ນຳວຽກງານຖະແຫລງຂ່າວການຕ່າງປະເທດ ໄດ້ຈັດຕັ້ງວາລະປະຊຸມຄັ້ງທີ 2 ເພື່ອສະຫລຸບວຽກງານຖະແຫລງຂ່າວການຕ່າງປະເທດ 6 ເດືອນຕົ້ນປີ, ຜັນຂະຫຍາຍຫນ້າທີ່ 6 ເດືອນທ້າຍປີ. ທ່ານ Dinh The Huynh ກຳມະການກົມການເມືອງ, ເລຂາສູນກາງພັກ, ຫົວຫນ້າຄະນະໂຄສະນາສຶກສາສູນກາງ, ຫົວຫນ້າຄະນະຊີ້ນຳວຽກງານຖະແຫລງຂ່າວການຕ່າງປະເທດເປັນປະທານກອງປະຊຸມ. ຄະນະຊີ້ນຳວຽກງານຖະແຫລງຂ່າວການຕ່າງປະເທດຕີລາຄາວ່າ: ໃນຊຸມເດືອນຕົ້ນປີ, ວຽກງານຖະແຫລງຂ່າວ, ໂຄສະນາການຕ່າງປະເທດໄດ້ຮັບການຜັນຂະຫຍາຍຢ່າງແຂງແຮງດ້ວຍຫນ້າທີ່ຈຸດສຸມແມ່ນໂຄສະນາພາບພົດຫວຽດນາມ ອອກສູ່ໂລກ, ປະກອບສ່ວນສ້າງຄວາມເຫັນດີເຫັນພ້ອມ, ຍາດແຍ່ງການສະຫນັບສະຫນູນຂອງປະຊາຄົມໂລກ ແລະ ຊາວຫວຽດນາມ ອາໄສຢູ່ຕ່າງປະເທດ. ກ່ຽວກັບທິດທາງ, ຫນ້າທີ່ໃນຊຸມເດືອນທ້າຍປີ, ທ່ານ Pham Van Linh ຮອງຫົວຫນ້າຄະນະໂຄສະນາສຶກສາສູນກາງ, ຮອງຫົວຫນ້າຄະນະປະຈຳຄະນະຊີ້ນຳວຽກງານຖະແຫລງຂ່າວການຕ່າງປະເທດ ໃຫ້ຮູ້ວ່າ:
“ສືບຕໍ່ຍົກສູງຄຸນນະພາບເປັນເສນາທິການ, ຄາດຄະເນສະພາບການ, ເພີ່ມທະວີ ແລະ ຍົກສູງປະສິດທິຜົນການເຄື່ອນໄຫວຖະແຫລງຂ່າວຈາກ ຫວຽດນາມ ອອກສູ່ຕ່າງປະເທດ ບົນພື້ນຖານອີງໃສ່ແຜນນະໂຍບາຍ, ແນວທາງ ແລະ ຫນ້າທີ່ໂຄສະນາການຕ່າງປະເທດຢ່າງລະອຽດຂອງພັກ, ລັດ; ຕິດພັນວຽກງານຖະແຫລງຂ່າວພາຍໃນ ແລະ ຖະແຫລງຂ່າວຕ່າງປະເທດໃຫ້ແຫນ້ນແຟ້ນກວ່າເພື່ອປັບປຸງຄວາມເຫັນດີເຫັນພ້ອມໃນສັງຄົມ ແລະ ຍາດແຍ່ງການສະຫນັບສະຫນູນຂອງປະຊາຄົມໂລກ ແລະ ຊາວຫວຽດນາມ ອາໄສຢູ່ຕ່າງປະເທດ ທີ່ມີຕໍ່ພາລະກິດສ້າງສາ ແລະ ປົກປັກຮັກສາປະເທດຊາດ.”