ກອງປະຊຸມສະຫລຸບວຽກ ງານຂອງຄະນະກຳມາ ທິການປັບປຸງລັດຖະ ທຳມະນູນປີ 1992
(ພາບ: Nhan Sáng-TTXVN)
(vovworld)- ຕອນບ່າຍວັນທີ 26/12, ໂດຍພາຍໃຕ້ການເປັນປະທານຂອງ ທ່ານປະທານສະພາແຫ່ງຊາດຫງວຽນຊິງຮຸ່ງ,ຄະນະກຳມາທິການປັບປຸງລັດຖະທຳມະນູນປີ 1992 ໄດ້ຈັດກອງປະຊຸມສະຫລຸບວຽກງານການເຄື່ອນໄຫວຂອງຕົນນັບແຕ່ເວລາສ້າງຕັ້ງຕະຫຼອດຮອດເວລາລັດຖະທຳມະນູນໄດ້ຮັບການຮັບຮອງເອົາຢູ່ທີ່ກອງປະຊຸມສະໄໝສາມັນເທື່ອທີ 6, ສະພາແຫ່ງຊາດຫວຽດນາມ ຊຸດທີ 13 ທີ່ຜ່ານມາ. ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ, ທ່ານເລຂາທິການໃຫ່ຍພັກກອມມູນິດຫວຽດນາມ ຫງວຽນຟູຈ້ອງ ຊີ້ແຈ້ງວ່າ: ການຜັນຂະຫຍາຍການເຄື່ອນໄຫວປັບປຸງລັດຖະທຳມະນູນເຖິງວ່າໄດ້ດຳເນີນໃນໄລຍະສັ້ນ ແລະ ໃນສະພາບການສາກົນມີການຜັນແປສັບສົນ ແລະ ສະພາບເສດຖະກິດສັງຄົມຢູ່ພາຍໃນປະເທດປະສົບກັບຄວາມຫຍຸ້ງຍາກກໍ່ຕາມ, ແຕ່ດ້ວຍຈິດໃຈມີຄວາມຮັບຜິດຊອບ, ຄະນະກຳ ມາທິການປັບປຸງລັດຖະທຳມະນູນປີ 1992 ໄດ້ສຳເລັດບັນດາວຽກງານທີ່ສຳຄັນ ເພື່ອຍື່ນສະເໜີຕໍ່ສະພາແຫ່ງຊາດຮັບຮອງເອົາລັດຖະທຳມະນູນ. ທ່ານເລຂາທິການໃຫ່ຍພັກກອມມູນິດຫວຽດນາມ ຫງວຽນຟູຈ້ອງ ສະເໜີສະພາແຫ່ງຊາດ, ລັດຖະ ບານ, ສານ ປຊຊ ສູງສຸດ, ອົງການໄອຍະການ ປຊຊ ສູງສຸດ ແລະ ບັນດາອົງການມີໜ້າທີ່ຮັບຜິດຊອບຈົ່ງຮີບເຮັ່ງຜັນຂະຫຍາຍການປະຕິບັດລັດຖະທຳມະນູນຢ່າງຄົບຊຸດ, ມີປະສິດທິຜົນ, ເຜີຍແຜ່ເນື້ອໃນຈິດໃຈຂອງລັດຖະທຳມະນູນໃຫ້ແກ່ ປຊຊ ທຸກຊັ້ນວັນນະຢ່າງເລິກເຊິ່ງກ້ວາງຂວາງ.
ສ່ວນທ່ານປະທານສະພາແຫ່ງຊາດຫງວຽນຊິງຮຸ່ງ ຢືນຢັນວ່າ: ຄະນະກຳມາທິ ການປັບປຸງລັດຖະທຳມະນູນປີ 1992 ໄດ້ມານະພະຍາຍາມເຮັດວຽກດ້ວຍຄວາມຮັບຜິດຊອບສູງສຸດ, ເສີມຂະຫຍາຍສະຕິປັນຍາເພື່ອປະກອບສ່ວນສ້າງລັດຖະທຳມະນູນ. ເລື່ອງສະພາແຫ່ງຊາດຮັບຮອງເອົາລັດຖະທຳມະນູນກໍ່ເປັນການສ້າງພື້ນຖານເພື່ອນຳປະເທດຊາດກ້າວເຂົ້າສູ່ໄລຍະໃໝ່./.