(vovworld) - ຕາມຄຳເຫັນຂອງບັນດາສະມາຊິກສະພາແຫ່ງຊາດທີ່ກອງປະຊຸມສຳມະນາກ່ຽວກັບຮ່າງກົດໝາຍວ່າດ້ວຍການກໍ່ສ້າງ (ສະບັບປັບປຸງ), ເຊິ່ງຈັດຕັ້ງຢູ່ນະຄອນໂຮ່ຈິມິນ ໃນຕອນບ່າຍວັນທີ 31/03, ຮ່າງກົດໝາຍວ່າດ້ວຍການກໍ່ສ້າງ (ສະບັບປັບປຸງ) ມີຫຼາຍຈຸດໃໝ່ຄື: ວິທີການຄຸ້ມຄອງ ແລະ ເນື້ອໃນຄຸ້ມຄອງແຜນຮ່າງເພື່ອແນໃສ່ຄຸ້ມຄອງບັນດາໂຄງການນຳໃຊ້ທຶນຂອງລັດຢ່າງແໜ້ນແຟ້ນ, ສ້າງເງື່ອນໄຂສະດວກໃຫ້ບັນດາບຸກຄົນຂຶ້ນກັບພາກສ່ວນເສດຖະກິດທີ່ແຕກຕາງກັນເຂົ້າຮ່ວມການເຄື່ອນໄຫວລົງທຶນກໍ່ສ້າງ; ບັນດາຂໍ້ກຳນົດກ່ຽວກັບແຜນກໍ່ສ້າງເພື່ອແກ້ໄຂສະພາບກໍ່ສ້າງຕາມລຳພັງ, ຮັບປະກັນຄວາມເປີດເຜີຍ, ກະຈ່າງແຈ້ງສຳລັບແຜນການກໍ່ສ້າງທີ່ໄດ້ຮັບການອະນຸມັດຜ່ານ; ກຳນົດຄວາມຮັບຜິດຊອບຄຸ້ມຄອງລັດທີ່ມີຕໍ່ການເຄື່ອນໄຫວລົງທຶນກໍ່ສ້າງ, ແບ່ງງານ, ແບ່ງຂັ້ນລະຫວ່າງບັນດາກະຂວງ, ຂະແໜງການ, ທ້ອງຖິ່ນຢ່າງລະອຽດ. ທ່ານ ຈິ້ງດິ່ງຢຸງ, ລັດຖະມົນຕີກະຊວງກໍ່ສ້າງຫວຽດນາມ ໃຫ້ຮູ້ວ່າ.
“ເຮືອນຢູ່ສັງຄົມພວມນຳເຂົ້າກົດໝາຍວ່າດ້ວຍເຮືອນຢູ່, ແມ່ນພາກສະເພາະຂອງກົດໝາຍວ່າດ້ວຍເຮືອນຢູ່. ນີ້ແມ່ນນະໂຍບາຍໃໝ່ແຕ່ມີຄວາມໝາຍຢ່າງໃຫຍ່ຫຼວງ, ສ້າງເງື່ອນໄຂໃຫ້ປະຊາຊົນຜູ້ມີລາຍຮັບປານກາງ ແລະ ລາຍຮັບຕໍ່າ ບໍ່ມີເງື່ອນໄຂສາມາດມີເຮືອນຢູ່ໄດ້. ໝາຍຄວາມວ່າເຮືອນຢູ່ດັ່ງກ່າວມີການໜູນຊ່ວຍຂອງລັດ. ສະເພາະເຮືອນຢູ່ສັງຄົມ ໄດ້ນຳເຂົ້າພາກສະເພາະຂອງກົດໝາຍວ່າດ້ວຍເຮືອນຢູ່. ໃນຄັ້ງນີ້, ບັນຫາກົດໝາຍວ່າດ້ວຍເຮືອນຢູ່ ກໍ່ຈະຖືກຍົກອອກມາເພື່ອໃຫ້ສະພາແຫ່ງຊາດປຶກສາຫາລືທີ່ກອງປະຊຸມສະໄໝສາມັນເທື່ອທີ 7 ນີ້.”