(ພາບ: vov.vn)
(vovworld)- ຕອນເຊົ້າວັນທີ 24/4, ຢູ່ຮ່າໂນ້ຍ, ກຳມາທິການເສດຖະກິດຂອງສະພາແຫ່ງຊາດ, ກະຊວງຊັບພະຍາກອນ ແລະ ສິ່ງແວດລ້ອມ ສົມທົບກັນຈັດກອງປະຊຸມໂດຍກົງຜ່ານເຄືອຂ່າຍອິນເຕີເນັດທົ່ວປະເທດເພື່ອຮັບເອົາຄຳເຫັນຂອງ ສສຊ ກ່ຽວກັບຮ່າງກົດໝາຍວ່າດ້ວຍທີ່ດິນ (ສະບັບປັບປຸງ). ພາຍຫຼັງໄດ້ລວບລວມບັນດາຄຳເຫັນປະກອບຂອງປະຊາຊົນໃສ່ຮ່າງກົດໝາຍວ່າດ້ວຍທີ່ດິນ (ສະບັບປັບປຸງ), ຄະນະຮຽບຮຽງໄດ້ສົມທົບກັບບັນດາອົງການທີ່ກ່ຽວຂ້ອງຄົ້ນຄ້ວາ, ຮັບເອົາ, ອະທິບາຍຢ່າງຄົບຖ້ວນ. ໃນນັ້ນ, ບັນຫາທີ່ປະຊາຊົນມີຄວາມສົນໃຈຫຼາຍກ່ວາໝູ່ແມ່ນຂໍ້ກຳນົດກ່ຽວກັບການຖອນຄືນທີ່ດິນ, ການຊົດເຊີຍ, ໜູນຊ່ວຍ ແລະ ຕັ້ງຖິ່ນຖານຄົງທີ່ຄືນໃໝ່. ກ່ຽວຂ້ອງເຖິງສິດນຳໃຊ້ທີ່ດິນທີ່ໄດ້ລະບຸໄວ້ໃນມາດຕາທີ 102 ຂອງຮ່າງກົດໝາຍວ່າດ້ວຍທີ່ດິນ, ທ່ານຮິ່ງແທງເລີບ ສສຊ ນະຄອນໂຮ່ຈິມິນ ຖືວ່າ:
“ສະເໜີໃຫ້ລັດຖະບານບໍ່ປະກາດໃຊ້ລາຄາທີ່ດິນ ຫາກຕ້ອງປະກາດໃຊ້ວິທີການ, ຫຼັກການກຳນົດລາຄາທີ່ດິນເທົ່ານັ້ນ, ປະຕິບັດການກວດກາ, ຕິດຕາມ, ປະກາດໃຊ້ລາຄາທີ່ດິນຂອງບັນດາແຂວງນະຄອນເພື່ອດັດສົມລາຄາທີ່ດິນຂອງບັນດາເຂດແດນ. ລາຄາຂອງລັດຖະບານໃນໄລຍະຜ່ານມາໄດ້ຈຳກັດການປະກາດໃຊ້ລາຄາທີ່ດິນຂອງທ້ອງຖິ່ນຕ່າງໆ, ໂດຍສະເພາະແມ່ນໃນເຂດຫັນເປັນຕົວເມືອງຢ່າງໄວວາ“.
ມີຫຼາຍຄຳເຫັນສະເໜີໃຫ້ຮັບຮອງເອົາຮ່າງກົດໝາຍວ່າດ້ວຍທີ່ດິນ (ສະບັບປັບປຸງ) ພາຍຫຼັງລັດຖະທຳມະນູນໄດ້ຮັບການຮັບຮອງເອົາ. ແຕ່ເຖິງຢ່າງໃດກໍ່ຕາມ, ຄະນະຮຽບຮຽງສະເໜີໃຫ້ສະພາແຫ່ງຊາດພິຈາລະນາ, ຮັບຮອງເອົາຮ່າງກົດໝາຍສະບັບດັ່ງກ່າວທີ່ກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຫວຽດນາມຊຸດທີ 13 ທີ່ຈະມາເຖິງ.