ບັນດາຜູ້ແທນເຂ້ົ້າຮ່ວມກອງປະຊຸມ
(vovworld) – ວັນທີ 5/8, ຢູ່ຮ່າໂນ້ຍ, ສະມາຄົມຊາວກະສິກອນ ຫວຽດນາມ ໄດ້ເປັນເຈົ້າພາບຈັດຕັ້ງກອງປະຊຸມໃຫຍ່ຊາວກະສິກອນ ອາຊີ ເພື່ອການພັດທະນາແບບຍືນຍົງຄັ້ງທີ 7 ດ້ວຍຫົວຂໍ້ວ່າ “ແບ່ງປັນຄວາມຮູ້ຂອງບັນດາອົງການຊາວກະສິກອນເຂົ້າໃນໂຄງການລົງທຶນເພື່ອການກະສິກຳແບບຍືນຍົງເພື່ອລົບລ້າງຄວາມທຸກຍາກຮອດປີ 2030”. ກອງປະຊຸມໃຫຍ່ໄດ້ປຶກສາຫາລື ແລະ ສະເໜີຫຼາຍມາດຕະການແທດຈິງເພື່ອແນໃສ່ປະກອບສ່ວນຊຸກຍູ້ການພັດທະນາແບບຍືນຍົງຂອງກະສິກຳ, ຊາວກະສິກອນຂອງແຕ່ລະປະເທດໃນພາກພື້ນ ອາຊີ ແລະ ຮັບສະມາຊິກໃໝ່ເຊິ່ງລວມມີ: ສະມາຄົມຊາວກະສິກຳ ຫວຽດນາມ, ສະມາຄົມຊາວກະສິກຳຍິງເປັນເຈົ້າຕົນເອງ ອິນເດຍ, ສະຫະສະມາຄົມຊາວກະສິກອນແຫ່ງຊາດ Tajikistan, ເຄືອຂ່າຍຊາວກະສິກອນລາວ.
ກ່າວຄຳເຫັນທີ່ກອງປະຊຸມໃຫຍ່, ທ່ານ ລ້າຍຊວນມົນ, ປະທານສູນກາງສະມາຄົມຊາວກະສິກອນ ຫວຽດນາມ ໃຫ້ຮູ້ວ່າ, ສະມາຄົມຊາວກະສິກອນ ຫວຽດນາມ ຍາມໃດກໍ່ຮຽງບ່າຮຽງໄຫລ່ພ້ອມກັບບັນດາສະມາຊິກສະມາຄົມຊາວກະສິກອນ ອາຊີ ເພື່ອການພັດທະນາຊົນນະບົດແບບຍືນຍົງ (AFA), ມານະພະຍາຍາມສູ້ຊົນໃຫ້ຈຸດໝາຍລວມກ່ຽວກັບການພັດທະນາກະສິກຳ, ຊົນນະບົດແບບຍືນຍົງ, ເພ່ີມທະວີປະຊາທິປະໄຕ, ປົກປັກຮັກສາສິດ ແລະ ຜົນປະໂຫຍດຂອງຊາວກະສິກອນ.