(vovworld) – ໂດຍສືບຕໍ່ການຢ້ຽມຢາມ ຫວຽດນາມ ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ຫງວຽນເຕີນຢູ້ງ, ວັນທີ 26/8, ທ່ານປະທານຄະນະກຳມະການ ເອີລົບ (EC) José Manuel Barroso ໄດ້ມາຢ້ຽມຢາມ ມະຫາວິທະຍາໄລເສດຖະກິດແຫ່ງຊາດ (NEU) ຮ່າໂນ້ຍ, ກ່າວຄຳເຫັນກັບນັກສຶກສາຂອງໂຮງຮຽນທີ່ໄດ້ຮັບໃນປະກາດສະນິຍະບັດ ປະລິຍາເອກກິຕິມະສັກ.
ກ່ອນໜ້ານັ້ນ, ໃນວັນທີ 25/8, ທີ່ສຳນັກງານປະທານປະເທດ, ທ່ານປະທານປະເທດ ເຈືອງເຕີນຊາງ ໃຫ້ການຕ້ອນຮັບທ່ານ Manuel Barroso. ທີ່ການຕ້ອນຮັບ, ທ່ານປະທານຄະນະກຳມະການ ເອີລົບ ຢັ້ງຢືນ ອີຢູ ຍາມໃດກໍ່ຖືການພົວພັນກັບ ຫວຽດນາມ ເປັນສຳຄັນ, 2 ຝ່າຍມີຫຼາຍກາລະໂອກາດ ແລະ ແງ່ຫວັງເພື່ອພັດທະນາການພົວພັນ. ສ່ວນທ່ານປະທານປະເທດ ເຈືອງເຕີນຊາງ ສະເໜີໃຫ້ປະທານຄະນະກຳມະການ ເອີລົບ ສະໜັບສະໜູນວິວັດການເຈລະຈາ ຫວຽດນາມ - ອີຢູ, ມຸ່ງໄປເຖິງການເຊັນສັນຍາການຄ້າເສລີໃນທ້າຍປີນີ້.
ພິທີຕ້ອນຮັບທາງການຢ່າງສົມກຽດ
(ພາບ: VGP/Nhật Bắc) ແລະກໍ່ໃນວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ເຈລະຈາກັບປະທານຄະນະກຳມະການເອີລົບ. ທ່ານ ຫງວຽນເຕີນຢູ້ງ ແລະ ທ່ານ José Manuel Barroso ໄດ້ແຈ້ງໃຫ້ກັນຊາບກ່ຽວກັບສະພາບການເສດຖະກິດ - ສັງຄົມ ແລະ ນະໂຍບາຍການຕ່າງປະເທດຂອງແຕ່ລະຝ່າຍ, ພ້ອມກັນແລກປ່ຽນກ່ຽວກັບບັນດາມາດຕະການເພື່ອແນໃສ່ເພີ່ມທະວີການພົວພັນຮ່ວມມື ຫວຽດນາມ - ອີຢູ ໃນທຸກຂົງເຂດ, ຈາກເສດຖະກິດ, ການເມືອງ, ການປ້ອງກັນຄວາມສະຫງົບ - ຄຸ້ມຄອງວິກິດການຕະຫຼອດຮອດສິ່ງແວດລ້ອມ, ເຕັກໂນໂລຢີ, ການສຶກສາ... ຄຽງຄູ່ກັບບັນດາບັນຫາ 2 ຝ່າຍ, ທ່ານນາຍົກລັດຖະມົນຕີ ແລະ ທ່ານປະທານ EC ກໍ່ແລກປ່ຽນກ່ຽວກັບບາງບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈຄືບັນຫາທະເລຕາເວັນອອກ, ຂັ້ນສູງ ອາຊີ - ເອີລົບ... ທ່ານນາຍົກລັດຖະມົນຕີ ຫງວຽນເຕີນຢູ້ງ ຂອບອົກຂອບໃຈ EC ແລະ ບັນດາປະເທດສະມາຊິກ ອີຢູ ໄດ້ໜູນຊ່ວຍວິວັດການພັດທະນາເສດຖະກິດ - ສັງຄົມ, ການເຊື່ອມໂຍງສາກົນ, ຮັກສາການອຸປະຖຳໃຫ້ແກ່ ຫວຽດນາມ ໄລຍະຫຼັງປີ 2014 ແລະ ສະເໜີບາງມາດຕະການເພີ່ມທະວີການພົວພັນເສດຖະກິດ - ການຄ້າ ຫວຽດນາມ - ອີຢູ ກ່ວາອີກ.
ທ່ານປະທານ José Manuel Barroso ສະແດງຄວາມເພິ່ງພໍໃຈຕໍ່ໜ້າບັນດາການພັດທະນາຕັ້ງໜ້າໃນການພົວພັນ ຫວຽດນາມ - ສະຫະພາບ ເອີລົບ, ພິເສດແມ່ນການພົວພັນເສດຖະກິດ - ການຄ້າ ແລະ ການຮ່ວມມືພັດທະນາ, ສະແດງຄວາມຫວັງຢາກເພີ່ມທະວີການພົວພັນ ອາຊຽນ - ອີຢູ, ຢັ້ງຢືນການສະໜັບສະໜູນບົດບາດໃຈກາງຂອງ ອາຊຽນໃນໂຄງປະກອບຄວາມໝັ້ນຄົງໃນພາກພື້ນພວມຮັບການສ້າງຕັ້ງຂຶ້ນ.
ທ່ານປະທານຄະນະກຳມະການ ເອີລົບ José Manuel Barroso ແລະ ທ່ານເລຂາທິການໃຫຍ່ ຫງວຽນຟູ໋ຈ້ອງ
(ພາບ: VGP/Nhật Bắc) ແລະກໍ່ໃນຕອນບ່າຍວັນທີ 25/8, ທີ່ສຳນັກງານສູນກາງພັກ, ທ່ານເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ໃຫ້ການຕ້ອນຮັບທ່ານປະທານຄະນະກຳມະການ ເອີລົບ (EC) José Manuel Barroso. ຕີລາຄາສູງການພັດທະນາອັນດີງາມໃນການພົວພັນຮ່ວມມືຮອບດ້ານ ຫວຽດນາມ - ອີຢູ ໃນໄລຍະມໍ່ໆມານີ້, ທ່ານ Barroso ຢັ້ງຢືນ EC ຖືເປັນສຳຄັນການພັດທະນາການພົວພັນມິດຕະພາບ ແລະ ການຮ່ວມມືກັບ ຫວຽດນາມ, ຕີລາຄາສູງບົດບາດປະສານງານຂອງ ຫວຽດນາມໃນການພົວພັນ ອາຊຽນ - ອີຢູ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຢັ້ງຢືນການຢ້ຽມຢາມຄັ້ງນີ້ຂອງທ່ານປະທານ EC ສວມບົດບາດສຳຄັນໃນການພົວພັນອັນດີງາມລະຫວ່າງ ຫວຽດນາມ ແລະ ອີຢູ. ຕີລາຄາສູງທ່າແຮງຂອງ ອີຢູ ໃນການບຳລຸງສ້າງ, ຝຶກອົບຮົມ ແລະ ພັດທະນາແຫຼ່ງຊັບພະຍາກອນມະນຸດມີຄຸນນະພາບສູງ, ທ່ານ ເລຂາທິການໃຫຍ່ ສະເໜີໃຫ້ ອີຢູ ໜູນຊ່ວຍ ຫວຽດນາມ ກໍ່ສ້າງ ແລະ ສຳເລັດນະໂຍບາຍພັດທະນາ ແລະ ຄຸ້ມຄອງແຫຼ່ງຊັບພະຍາກອນມະນຸດ.