ການນຳພັກ,ລັດເຂົ້າສຸສານໄວ້ອາໄລປະທານໂຮ່ຈີມິນເນື່ອງໃນໂອກາດສະເຫຼີມສະຫຼອງ126ປີແຫ່ງວັນຄ້າຍວັນເກີດຂອງເພິ່ນ
ການນຳພັກ, ລັດເຂົ້າສຸສານອາໄລຫາປະທານໂຮ່ຈີມິນ
(vovworld) – ເນື່ອງໃນໂອກາດສະເຫຼີມສະຫຼອງ 126 ປີແຫ່ງວັນຄ້າຍວັນເກີດປະທານ ໂຮ່ຈີມິນ (19/5/1890 – 19/5/2016), ຕອນເຊົ້າວັນທີ 19/5, ຄະນະຜູ້ແທນຄະນະບໍລິຫານງານສູນກາງພັກ, ປະທານປະເທດ, ສະພາແຫ່ງຊາດ, ລັດຖະບານ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ເຂົ້າສຸສານປະທານ ໂຮ່ຈີມິນ ແລະ ອາໄລຫາບັນດານັກວິລະຊົນທີ່ໄດ້ເສຍສະຫຼະຊີວິດເພື່ອຊາດ. ເຂົ້າຮ່ວມພິທີໄວ້ອາໄລປະທານ ໂຮ່ຈີມິນ ມີທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ, ທ່ານປະທານປະເທດ ເຈີ່ນດ້າຍກວາງ, ທ່ານນາງປະທານສະພາແຫ່ງຊາດ ຫງວຽນທິກິມເງິນ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ.
ພວງມາລາຂອງຄະນະທີ່ນຳມາໄວ້ອາໄລມີແຖວໜັງສືຂຽນວ່າ “ຮູ້ບຸນຄຸນປະທານ ໂຮ່ຈີມິນ ຜູ້ຍິ່ງໃຫຍ່ຊົ່ວນິລັກດອນ”. ບັນດາການນຳພັກ, ລັດ, ແນວໂຮມປະເທດຊາດ ຫວຽດນາມ ແລະ ບັນດາຜູ້ແທນສະແດງຄວາມເຄົາລົບນັບຖື, ອາໄລຫາຄຸນງາມຄວາມດີອັນໃຫຍ່ຫຼວງຂອງປະທານໂຮ່ຈີມິນ, ຜູ້ນຳທີ່ປີຊາສາມາດຂອງພັກ ແລະ ປະຊາຊົນ, ເປັນອາຈານຜູ້ຍິ່ງໃຫຍ່ຂອງການປະຕິວັດ ຫວຽດນາມ, ເປັນນັກວິລະຊົນປົດປ່ອຍຊາດ, ເປັນບຸລຸດຜູ້ມີຊື່ສຽງດ້ານວັດທະນະທຳໃນໂລກ. ຈາກນັ້ນ, ຄະນະໄດ້ໄປວາງພວງມາລາ ແລະ ອາໄລຫາບັນດານັກຮົບທີ່ເສຍສະຫຼະຊີວິດເພື່ອຊາດຢູ່ອະນຸສາວະລີນັກຮົບທີ່ເສຍສະຫຼະຊີວິດເພ່ື່ອຊາດ.