(vovworld) – ວັນທີ 23/10, ທ່ານເລຂາທິການໃຫຍ່ຄະນະບໍລິການງານສູນກາງພັກກອມມູນິດຫວຽດນາມ ຫງວຽນຟຸຈ້ອງ, ໄດ້ເຂົ້າຮ່ວມ ແລະ ກ່າວຄຳເຫັນຊີ້ນຳກອງປະຊຸມໃຫຍ່ອົງຄະນະພັກແຂວງຕວຽນກວາງ. ທີ່ພິທີ, ທ່ານເລຂາທິການໃຫຍ່ ຫງວຽນຟຸຈ້ອງ ສະເໜີໃຫ້ແຂວງ ຕວຽນກວາງ ສູ້ຊົນກາຍເປັນແຂວງພັດທະນາດີພໍສົມຄວນໃນບັນດາແຂວງທາງພາກເໜືອ, ສຸມໃສ່ພັດທະນາເສດຖະກິດ, ຍູ້ແຮງການຫັນປ່ຽນໂຄງປະກອບເສດຖະກິດ ຕິດພັນກັບການປ່ຽນໃໝ່ຮູບແບບການເຕີບໂຕ, ຍົກສູງຄຸນນະພາບ… ນອກນັ້ນ, ຕວຽນກວາງ ຕ້ອງສຸມໃສ່ປະຕິຮູບດ້ານບໍລິກາຍ, ຕຸລາການ, ປັບປຸງສະພາບແວດລ້ອມແຫ່ງການລົງທຶນ, ລະດົມ ແລະ ນຳໃຊ້ບັນດາແຫຼ່ງກຳລັງໃຫ້ແກ່ການພັດທະນາຢ່າງມີປະສິດທິຜົນ. ທ່ານເລຂາທິການໃຫຍ່ ຫງວຽນຟຸຈ້ອງ ເນັ້ນໜັກວ່າ.
“ຕວຽນກວາງ ຕ້ອງສຸມໃສ່ລົງທຶນເຊື່ອມຕໍ່ຄົມມະນາຄົມກັບບັນດາແຂວງໃກ້ຄຽງ ຕາມແຜນສັງລວມ ເພື່ອສ້າງເງື່ອນໄຂໃຫ້ການແລກປ່ຽນດ້ານການຄ້າເສດຖະກິດໃຫ້ພັດທະນາ, ປະຕິບັດວຽກງານວາງແຜນຜັງຕົວເມືອງ, ຫັນບັນດາແຫຼ່ງກຳລັງລົງທຶນເປັນຫຼາຍຮູບຫຼາຍແບບ, ຍົກລະດັບກໍ່ສ້າງນະຄອນ ຕວຽນກວາງ ໃຫ້ກາຍເປັນເຂດຕົວເມືອງຊັ້ນ 2 ທີ່ມີລັກສະນະເປັນເອກະລັກສະເພາະຂອງເຂດພູດອຍ. ກໍ່ສ້າງພື້ນຖານໂຄງລ່າງໃຈກາງບັນດາເມືອງ ຕອບສະໜອງພື້ນຖານໂຄງລ່າງໃຫ້ການພັດທະນາເສດຖະກິດສັງຄົມ”.
ແລະກໍໃນວັນດຽວກັນ, ກອງປະຊຸມໃຫຍ່ອົງຄະນະພັກແຂວງ ເທື່ອທຽນ-ເຫ້ວ ຖືກໄຂຂຶ້ນຢ່າງເປັນທາງການ, ຢູ່ນະຄອນເຫ້ວ. ເຂົ້າຮ່ວມ ແລະ ກ່າວຄຳເຫັນຊີ້ນຳກອງປະຊຸມ, ທ່ານກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ ເລຮົ່ງແອງ ໄດ້ໃສ່ໃຈວ່າ, ໃນອາຍຸການ 2015 – 2020, ອົງຄະນະພັກແຂວງ ເທື່ອທຽນ - ເຫ້ວ ຕ້ອງປະຕິບັດມະຕິຂອງກອງປະຊຸມໃຫຍ່ ຕິດພັນກັບໜ້າທີ່ກໍ່ສ້າງ ພັດທະນາແຂວງ ເທື່ອທຽນ - ເຫ້ວ ແລະ ເຂດຕົວເມືອງ ເຫ້ວ ຮອດປີ 2020. ຄຽງຂ້າງນັ້ນ, ສຸມໃສ່ສ້າງໂຄງປະກອບເສດຖະກິດ ຕິດພັນກັບການປ່ຽນໃໝ່ຮູບແບບການເຕີບໂຕ ຕາມທິດພັດທະນາຂຽວ ແລະ ເສດຖະກິດພູມປັນຍາ…