(vovworld) - ຕອນເຊົ້າວັນທີ 5/10, ຢູ່ນະຄອນນາມດິ້ງ, ໄດ້ດຳເນີນພິທີສະເຫຼີມສະຫຼອງ 750 ປີແຫ່ງວັນຄົບຮອບທຽນເຈື່ອງ, ນາມດິ້ງ (1262 - 2012) ແລະ ຕ້ອນຮັບຫຼຽນໄຊໂຮ່ຈິມິນ ແລະ ຂໍ້ຕົກລົງຮັບຮອງນະຄອນນາມດິ້ງ ແມ່ນເຂດຕົວເມືອງຊັ້ນ 1. ກ່າວຄຳເຫັນທີ່ພິທີ, ທ່ານປະທານປະເທດຫວຽດນາມ Truong Tan Sang ໄດ້ເນັ້ນໜັກເຖິງຄຸນຄ່າວັນໃຫຍ່ຫຼວງທາງດ້ານການເມືອງ, ເສດຖະກິດ, ວັດທະນະທຳຂອງເຂດດິນແດນແຫ່ງປະຫວັດສາດ. ທ່ານປະທານປະເທດ ຢືນຢັນວ່າ ເລື່ອງມອບຫຼຽນໄຊໂຮ່ຈິມິນ ໃຫ້ແກ່ອົງຄະນະພັກ ແລະ ປະຊາຊົນແຂວງນາມດິ້ງ ແມ່ນການຮັບຮູ້ຂອງພັກ ແລະ ລັດທີ່ມີຕໍ່ກັບບັນດາການປະກອບສ່ວນຂອງເຂດດິນແດນແຫ່ງອະລິຍະທຳນີ້. ຕາມທ່ານປະທານປະເທດແລ້ວ, ໃນໄລຍະພັດທະນາໃໝ່, ພິເສດແມ່ນສະພາບການເມືອງ, ເສດຖະກິດຢູ່ໃນໂລກ ແລະ ພາກພື້ນພວມມີການຜັນແປຢ່າງສັບສົນ, ເພື່ອພ້ອມກັບປະເທດປະຕິບັດພາລະກິດຫັນປະເທດຊາດເປັນອຸດສາຫະກຳ ແລະ ທັນສະໄໝຢ່າງມີໄຊ, ນຳຫວຽດນາມ ໃຫ້ກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານໃນປີ 2020, ແຂວງນາມດິ້ງ ຄວາມສາມັກຄີ, ຮ່ວມແຮງຮ່ວມໃຈ ແລະ ຜັນຂະຫຍາຍບາງໜ້າທີ່ຈຸດສຸມຢ່າງມີປະສິດທິພົນ, ໂດຍສະເພາະແມ່ນວຽກງານກໍ່ສ້າງພັກ ແລະ ຄຸ້ມຄອງເສດຖະກິດສັງຄົມ. ທ່ານປະທານປະເທດTruong Tan Sang ກ່າວວ່າ.
“ຂ້າພະເຈົ້າສະເໜີວ່າ ໃນໄລຍະຈະມາເຖິງ ອົງຄະນະພັກ ແລະ ປະຊາຊົນແຂວງນາມດິ້ງ ຕ້ອງສູ້ຊົນຊີ້ນຳປະຕິບັດມະຕິກອງປະຊຸມສູນກາງຄັ້ງທີ 4 ຊຸດທິ 11 ກ່ຽວກັບການກໍ່ສ້າງພັກຢ່າງມີປະສິດທິຜົນ, ຕັດສິນໃຈຍູ້ການຊຸດໂຊມດ້ານແນວຄິດການເມືອງ, ຄຸນສົມບັດແບບແຜນການດຳລົງຊີວິດໃນພະນັກງານສະມາຊິກພັກໃຫ້ຖອຍໄປ, ສ້າງຖັນແຖວສະມາຊີກພັກ ແລະ ບັນດາອົງການພັກໃຫ້ປອດໃສ, ເຂັ້ມແຂງ, ມີຄວາມສາມາດຊີ້ນຳນຳພາ ແລະ ກຳຕໍ່ສູ້, ໄດ້ຮັບຄວາມໄວ້ເນື້ອເຊື່ອໃຈຈາກປະຊາຊົນ. ປ່ຽນໃໝ່ຮູບແບບຈະເລີນເຕີບໂຕຂອງແຂວງ, ລົງທຶນກໍ່ສ້າງນະຄອນນາມດິ້ງ ໃຫ້ກາຍເປັນສູນກາງທາງທິດໃຕ້ເຂດທົ່ງພຽງແມ່ນ້ຳແດງ”.
ຕາງໜ້າໃຫ້ພັກ ແລະ ລັດ, ທ່ານປະທານປະເທດ Truong Tan Sang ໄດ້ມອບຫຼຽນໄຊໂຮ່ຈິມິນ ໃຫ້ອົງຄະນະພັກ ແລະ ປະຊາຊົນແຂວງນາມດິ້ງ. ທ່ານຮອງນາຍົກລັດຖະມົນຕີ Vu Van Ninh ໄດ້ມອບຂໍ້ຕົກລົງຮັບຮອງນະຄອນນາມດິ້ງເປັນເຂດຕົວເມືອງຊັ້ນ 1 ຂອງແຂວງ. ກ່ອນໜ້ານັ້ນ, ທ່ານປະທານປະເທດ Truong Tan Sang ພ້ອມກັບບັນດາຜູ້ແທນໄດ້ຖະຫວາຍທູບທຽນຢູ່ວັດ ເຈື່ນ (ນະຄອນນາມດິ້ງ), ບ່ອນທີ່ບູຊາເຈົ້າຊີວິດ 14 ອົງໃນສະໄໝລາດຊະວົງເຈີ່ນ.