ທ່ານນາຍົກລັດຖະມົນຕີ ອັງກິດ David Cameron
ພາບ:internet
|
(vovworld) - ວັນທີ 23/1, ທ່ານນາຍົກລັດຖະມົນຕີ ອັງກິດ David Cameron ຖະແຫລງວ່າ ຈະຈັດຕັ້ງການລົງປະຊາມະຕິ ກ່ຽວກັບເລື່ອງ ອັງກິດ ຈະສືບຕໍ່ເປັນສະມາຊິກ ຂອງສະຫະພາບເອີລົບ (ອີຢູ) ຫລືບໍ່ ຖ້າຫາກພັກຮັກສາເດີມຂອງທ່ານຍາດໄຊຊະນະໃນການເລືອກຕັ້ງທົ່ວປະເທດຈະມາເຖິງ. ໃນສູນທອນພົດອ່ານທີ່ນະຄອນຫລວງ ລອນດອນ, ທ່ານ Cameron ໃຫ້ຮູ້ວ່າ: ກ່ອນອື່ນໝົດ ທ່ານຢາກເຈລະຈາຄືນບັນດາເງື່ອນໄຂກ່ຽວກັບຖານະເປັນສະມາຊິກຂອງ ອັງກິດ ຢູ່ອີຢູ ໃນສະພາບການທີ່ປະຊາຊົນອັງກິດມີຄວາມເສຍຫວັງຕໍ່ ອີຢູ. ພາຍຫລັງເຈລະຈາສຳເລັດຜົນ, ປະຊາຊົນອັງກິດ ຈະເປັນຜູ້ຄຳຕັດສິນຊີ້ຂາດເລື່ອງອັງກິດສືບຕໍ່ເປັນສະມາຊິກ ອີຢູ ຫລືບໍ່. ທ່ານນາຍົກລັດຖະມົນຕີ ອັງກິດ Cameron ຊີ້ແຈງວ່າ ຖ້າຫາກພັກຂອງທ່ານຍາດໄດ້ໄຊຊະນະຢ່າງຈະແຈ້ງໃນການເລືອກຕັ້ງທົ່ວປະເທດຊື່ງຈະຈັດຂຶ້ນໃນປີ 2015, ການລົງປະຊາມະຕິຈະໄດ້ຮັບການປະຕິບັດໃນເຄີ່ງອາຍຸການ 5 ປີຂອງສະພາແຫ່ງຊາດ ໝາຍຄວາມວ່າແມ່ນທ້າຍປີ 2017.