VOV ຈັດລາຍການສິລະປະເນື່ອງໃນໂອກາດສະເຫລີມສະຫລອງວັນ ການປະຕິວັດເດືອນສິງຫາ ແລະ ວັນຊາດທີ 2/9
|
(vovworl)- ສະເຫລີມສະຫລອງ 70 ປີແຫ່ງວັນການປະຕິວັດເດືອນສິງຫາ ແລະ ວັນຊາດທີ 2/9, ວັນທີ 1/9, ວິທະຍຸກະຈາຍສຽງຫວຽດນາມ ໄດ້ອອກອາກາດລາຍການພິເສດ ເລີ່ມຕົ້ນແຕ່ເວລາ 7 ໂມງ ຫາ 13 ໂມງ. ເຂົ້າຮ່ວມລາຍການ ມີທ່ານ ຫວູຄວານ, ອະດີດຮອງນາຍົກລັດຖະມົນຕີຫວຽດນາມ, ນັກປະຫວັດສາດ ເຢືອງຈູງກວກ, ສາດສະດາຈານ ດຣ ວິທະຍາສາດ ຫວູມີງຢາງ ພ້ອມກັບພົນຈັດຕະວາ ເລວັນເກືອງ ແລະ ນັກກະວີ ຮົ່ງແທງກວາງ.
ກ່ອນຫນ້ານັ້ນ ຕອນຄ່ຳວັນທີ 31/8, ຢູ່ ຮ່າໂນ້ຍ, ວິທະຍຸກະຈາຍສຽງຫວຽດນາມ ໄດ້ຈັດຕັ້ງລາຍການສິລະປະພິເສດ ເພື່ອວາດພາບບັນດາໄລຍະປະຫວັດສາດອັນສະຫງ່າອົງອາດຂອງຊາດຫວຽດນາມ.
ໃນວັນດຽວກັນ, ຢູ່ ນະຄອນ ໂຮ່ຈິມີນ ໄດ້ຈັດຕັ້ງງານລ້ຽງຮອງຮັບບັນດາອົງການທູຕະນຸທູດ ເນື່ອງໃນໂອກາດສະເຫລີມສະຫລອງ 70 ປີແຫ່ງວັນຊາດ ຫວຽດນາມ ຄືວັນທີ 2/9. ກ່າວຄຳນະພິທີ, ທ່ານ ເລຮ່ວາງກວນ, ປະທານຄະນະກຳມະການປະຊາຊົນ ນະຄອນ ໂຮ່ຈີມີນ ໄດ້ຢືນຢັນວ່າ: ໃນຕະຫລອດ 70 ປີຜ່ານມາ, ປະຊາຊົນຫວຽດນາມ ໄດ້ຜ່ານຜ່າຄວາມຫຍຸ້ງຍາກລຳບາກ, ການທົດສອບ, ສິ່ງທ້າທາຍ, ການເສຍສະຫລະເພື່ອທ້ອນໂຮມແລະ ສ້າງສາປະເທດຊາດໃຫ້ໃຫຍ່ໂຕເຂັ້ມແຂງ ແລະ ສວຍງາມກວ່າ. ຫວຽດນາມພວມເປັນເຈົ້າການ ແລະຕັ້ງຫນ້າເຊື່ອມໂຍງເຂົ້າກັບສາກົນ, ເປັນເພື່ອນ, ເປັນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ເປັນສະມາຊິກມີຄວາມຮັບຜິດຊອບໃນປະຊາຄົມສາກົນ.
ຕອນຄ່ຳວັນດຽວກັນ, ສະຖານທູດຫວຽດນາມ ຢູ່ປັກກີງກໍໄດ້ຈັດຕັ້ງພິທີສະຫລີມສະຫລອງ 70 ປີແຫ່ງວັນປະຕິວັດເດືອນ 8 ແລະ ວັນຊາດທີ 2/9. ກ່າວຄຳເຫັນນະພິທີ, ທ່ານ ຫງວຽນວັນເທີ, ເອກອັກຄະລັດຖະທູດຫວຽດນາມ ປະຈຳຈີນ ໄດ້ຢືນຢັນ: 70 ປີຜ່ານມາ, ທົ່ວຊາດຫວຽດນາມ ພາຍໃຕ້ການຊີ້ນຳນຳພາຂອງພັກກອມມູນິດຫວຽດນາມ ພ້ອມກັບເຈດຈຳນົງເອກະລາດ, ນ້ຳໃຈຮັກຫອມສັນຕິພາບໄດ້ຜ່ານຜ່າທຸກຄວາມຫຍຸ້ງຍາກ, ສິ່ງທົດສອບ, ປົກປັກຮັກສາພື້ນຖານເອກະລາດ, ເສລີພາບ ແລະ ທ້ອນໂຮມປະເທດຊາດເປັນເອກະພາບ. ແລະກໍໃນວັນດຽວກັນ, ຄະນະຜູ້ແທນສະຖານທູດລາວ ປະຈຳ ລັດເຊຍ ໄດ້ໄປຍັງສະຖານທູດຫວຽດນາມ ຢູ່ ນະຄອນຫລວງ ມົດສະກູ ເພື່ອອວຍພອນວັນຊາດຫວຽດນາມ ທີ 2/9 . ນະທີ່ນີ້, ທ່ານ ຫງວຽນແທງເຊີນ, ເອກອັກຄະລັດຖະທູດ ໄດ້ຂອບອົກຂອບໃຈ ບັນດາອາລົມຈິດທີ່ຈິງໃຈຂອງເພື່ອນລາວທີ່ພວມເຮັດວຽກຢູ່ ລັດເຊຍ ແລະ ຢືນຢັນເຖິງຄວາມສາມັກຄີ, ສະຫນິດຕິດພັນລະຫວ່າງ ຫວຽດນາມ ແລະລາວ ຈະນັບມື້ນັບພັດທະນາ.