(vovworld) – ຮອບເຈລະຈາທີ່ມີລັກສະນະຕັດສິນຊີ້ຂາດກ່ຽວກັບບັນຫານິວເຄຼຍລະຫວ່າງ ອີຣານ ແລະ ກຸ່ມ P5+1 (ເຊິ່ງລວມມີ: ອາເມລິກາ, ອັງກິດ, ຈີນ, ລັດເຊຍ ແລະ ເຢຍລະມັນ), ຈັດຕັ້ງຢູ່ວຽນ, ປະເທດ ໂອຕລິດ, ພວມດຳເນີນໃນທາມກາງຄວາມເຄັ່ງຕຶງ ແລະ ຍາກທີ່ສາມາດບັນລຸໄດ້ບາດກ້າວບຸກທະລຸເມື່ອຈຸດກຳນົດເວລາສຸດທ້າຍຄື ວັນທີ 24/11 ພວມຫຍັບມໍ່ເຂົ້າ. ທີ່ການເຈລະຈາ, ບັນດາຝ່າຍຍັງມີຄວາມບໍ່ລົງລອຍກັນເລິກເຊິ່ງໃນຫຼາຍບັນຫາ, ພິເສດແມ່ນຂອບຂະໜາດການເສີມທາດ ຢູເຣນຽມ ແລະ ຄວາມຄືບໜ້າກ່ຽວກັບການໂຍະຍານຄຳສັ່ງລົງໂທດໃຫ້ແກ່ ອີຣານ. ໃນວັນທີ 21/11, ທ່ານລັດຖະມົນຕີວ່າການກະຊວງການຕ່າງປະເທດ ອາເມລິກາ John Kerry ພົບປະກັບຄູ່ຕຳແໜ່ງ ອັງກິດ ແລະ ຝຣັ່ງ ເພື່ອປຶກສາຫາລືກ່ຽວກັບບັນດາບາດກ້າວຕໍ່ໄປ, ຫຼີກລ້ຽງບັນຫາປະໃຫ້ຮອບເຈລະຈາຖືກພັງທະລາຍ ຫຼື ຕ້ອງຍອມຮັບແກ່ຍາວເວລາເຈລະຈາ.
ປະຈຸບັນ, ອີຣານ ແລະ ກຸ່ມ P5+1 ຍັງມີຄວາມບໍ່ລົງລອຍກັນໃນ 2 ບັນຫາ: ການເຄື່ອນໄຫວເສີມທາດ ຢູເຣນຽມຂອງ ອີຣານ ແລະ ລະດັບຄວາມໄວຂອງການຍົກເລີກບັນດາມາດຕະການລົງໂທດຂອງຝ່າຍຕາເວັນຕົກ ສຳລັບ ເຕເຮຣານ.