(vovworld) – ການເຈລະຈາ, ລະດັບຊາດ ກ່ຽວກັບກອງທຶນສິ່ງແວດລ້ອມທົ່ວໂລກຫວຽດນາມ ດຳເນີນໄປໃນວັນທີ 07/10, ຢູ່ຮ່າໂນ້ຍ, ໂດຍຫ້ອງການຄະນະຊີ້ນຳກອງທຶນສິ່ງແວດລ້ອມທົ່ວໂລກ (GEF) ຫວຽດນາມ ຈັດຕັ້ງ, ໄດ້ດຶງດູດການເຂົ້າຮ່ວມຂອງຜູ້ຊ່ຽວຊານໃນຂົງເຂດສິ່ງແວດລ້ອມກວ່າ 100 ຄົນ. ບັນດາຜູ້ແທນເຂົ້າຮ່ວມການເຈລະຈາລະດັບຊາດກ່ຽວກັບກອງທຶນສິ່ງແວດລ້ອມທົ່ວໂລກຫວຽດນາມ ໄດ້ສຸມໃສ່ປຶກສາຫາລືບັນດາທິດທາງ, ໂຄງການເຄື່ອນໄຫວຂອງ 6 ໄລຍະ 2014 – 2018, ໃນນັ້ນກຳນົດບຸລິມະສິດຂອງຫວຽດນາມ ໃນໄລຍະດັ່ງກ່າວ. ທ່ານນາງ Victoria Kwakwa, ຜູ້ອຳນວຍການທະນາຄານໂລກປະຈຳຫວຽດນາມ ຕີລາຄາວ່າ, ຫວຽດນາມ ເປັນປະເທດທຳອິດຈັດຕັ້ງການເຈລະຈາລະດັບຊາດກ່ຽວກັບ GEF ອາຍຸການທີ 6, ສະນັ້ນ ຄວນສຸມໃສ່ການພັດທະນາເສດຖະກິດໄປຄຽງຄູ່ກັບການປົກປັກຮັກສາສິ່ງແວດລ້ອມ. ທະນາຄານໂລກ ຈະພ້ອມກັບ GEF ໜູນຊ່ວຍຫວຽດນາມ ແກ້ໄຂບັນດາບັນຫາກ່ຽວກັບສິ່ງແວດລ້ອມ. ພິເສດແມ່ນໜູນຊ່ວຍກ່ຽວກັບຍຸດທະສາດ, ນະໂຍບາຍ ແນໃສ່ໜູນຊ່ວຍ GEF ຫວຽດນາມ ກາຍເປັນອົງການສຳຄັນໃນເວທີປາໄສສິ່ງແວດລ້ອມໂລກ.
ທ່ານຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ເຈີນຮົ່ງຮ່າ ໃຫ້ຮູ້ວ່າ: ຍາມໃດ ຫວຽດນາມ ກໍ່ຖືຍຸດທະສາດການເຕີບໂຕຂຽວ, ຄຸນະພາບສິ່ງແວດລ້ອມ, ການຮັບມືກັບການປ່ຽນແປງຂອງດິນຟ້າອາກາດເປັນສຳຄັນ. ຕາມນັ້ນແລ້ວ, ຫວຽດນາມ ຈະສືບຕໍ່ພັດທະນາໂຄງການ ດ້ວຍ 3 ເສົ້າຄ້ຳ ລວມມີ; ນະໂຍບາຍ, ເພີ່ມທະວີຊັບພະຍາກອນມະນຸດ ແລະ ລະດົມແຫຼ່ງຊັບພະຍາກອນມະນຸດສ້າງພື້ນຖານຮັບປະກັນລັກສະນະໝັ້ນຄົງ.