ກຳປູເຈຍ: CPPແລະCNRP ປະກາດພາກສ່ວນໃໝ່ ເຂົ້າຮ່ວມ NEC
ຕຳຫຼວດຕ້ານການໃຊ້ຄວາມຮຸນແຮງ
(ພາບ: AFP )
(vovworld) – ພັກປະຊາຊົນກຳປູເຈຍ (CPP) ແລະ ພັກຝ່າຍຄ້ານກູ້ຊາດກຳປູເຈຍ (CNRP) ຫາກໍ່ເປີດເຜີຍອັດຕາສ່ວນໃໝ່ເຂົ້າຮ່ວມຄະນະກຳມະການເລືອກຕັ້ງແຫ່ງຊາດ (NEC) ໄດ້ຍົກອອກມາໃນການປະຊຸມຂັ້ນສູງລະຫວ່າງສອງພັກໃນວັນທີ 22/7 ເພື່ອແກ້ໄຂສະພາບດ້ານການເມືອງບໍ່ມີທາງອອກໃນເກືອບ 1 ປີຜ່ານມານັບແຕ່ວັນເລືອກຕັ້ງ 28/7/2013 ມາຮອດປະຈຸບັນ. ກ່າວຄຳເຫັນກັບວົງການນັກຂ່າວເມື່ອຕອນບ່າຍວັນທີ 21/7, ທ່ານ Cheam Yeap ໂຄສົກ CPP ປະທານກຳມາທິການເສດຖະກິດ, ການເງິນ, ທະນາຄານ, ກວດສອບບັນຊີຂອງສະພາແຫ່ງຊາດ ໃຫ້ຮູ້ວ່າ: CPP ຢາກມີສອງວິທີການຄື: NEC ລວມມີສະມາຊິກຂອງ CPP 3 ຄົນ ແລະ ສະມາຊິກຂອງ CNRP 2 ຄົນ ຫຼືວ່າ: NEC ລວມມີສະມາຊິກຂອງ CPP 4 ຄົນ ແລະ ສະມາຊິກຂອງ CNRP 3 ຄົນ; ໃນສອງວິທີການນີ້, CPP ຍັງດຳລົງຕຳແໜ່ງປະທານ, CNRP ດຳລົງຕຳແໜ່ງຮອງປະທານ. ທ່ານ Cheam Yeap ຊີ້ແຈ້ງວ່າ, CPP ຍັງຮັກສາຫຼັກໝັ້ນຜ່ານພາກສ່ວນ NEC ດ້ວຍອັດຕາສ່ວນ 50%+1 ໃນຈຳນວນສະມາຊິກລັດຖະສະພາທັງໝົດ; ໃນຂະນະທີ່ CNRP ຢາກໃຫ້ພາກສ່ວນຂອງ NEC ໄດ້ຮັບການຮັບຮອງເອົາດ້ວຍອັດຕາສ່ວນ 2/3./.