ຂະແໜງການທູດຕ້ອງປະກອບສ່ວນສ້າງສະພາບແວດລ້ອມສັນຕິພາບ,ສະຖຽນລະພາບ
ທ່ານເລຂາທິການໃຫຍ່ຫງວຽນຟຸຈ້ອງ ແລະ
ຄະນະພະນັກງານດີເດັ່ນຂອງກະຊວງການຕ່າງປະເທດໄລຍະຕ່າງໆ
(ພາບ: sggp.org.vn)
(vovworld) – ເນື່ອງໃນໂອກາດສະເຫຼີມສະຫຼອງ 70 ປິແຫ່ງວັນສ້າງຕັ້ງຂະແໜງການທູດຫວຽດນາມ, ຕອນບ່າຍວັນທີ 22/08, ຢູ່ສຳນັກງານສູນກາງພັກ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ໃຫ້ການຕ້ອນຮັບຄະນະພະນັກງານດີເດັ່ນຂອງກະຊວງການຕ່າງປະເທດ ຜ່ານໄລຍະຕ່າງໆ. ກ່າວຄຳເຫັນທີ່ການພົບປະ, ທ່ານເລຂາທິການໃຫຍ່ ຊີ້ແຈ້ງວ່າ: ຂະແໜງການທູດ ຕ້ອງສືບຕໍ່ເປັນເສນາທິການໃຫ້ພັກ, ລັດ ສ້າງຍຸດທະສາດການທູດຢ່າງມີຈຸດສຸມ ເພື່ອແນໃສ່ປະກອບສ່ວນສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບ ເພື່ອສ້າງສາ ແລະ ປົກປັກຮັກສາປະເທດຊາດ. ທ່ານເລຂາທິການໃຫຍ່ ຫງວຽນຟຸຈ້ອງ ຢຶນຢັນວ່າ.
“ຂ້າພະເຈົ້າປາດຖະໜາວ່າ, ພະນັກງານຂະແໜງການທູດລຸ້ນກ່ອນໆ ສືບຕໍ່ສຶກສາ, ຊັກຈູງ, ໜູນຊ່ວຍພະນັກງານລຸ້ນຫຼັງ. ສ່ວນໜ້າທີ່ຂອງພັກ, ລັດ ແມ່ນຍາມໃດກໍ່ເອົາໃຈໃສ່ເຖິງຂະແໜງການທູດ. ພະນັກງານການທູດ ເກັ່ງແລ້ວກໍຕ້ອງເກັ່ງກວ່າອີກ ແລະ ຕ້ອງຮັກຫອມຊາດ. ກ່ອນອື່ນໝົດແມ່ນມີຄຸນນະທາດດ້ານການເມືອງຢ່າງເຂັ້ມແຂງ. ພ້ອມກັນນັ້ນຕ້ອງຮໍ່າຮຽນແບບແຜນການທູດຂອງປະທານໂຮ່ຈິມິນ ເພື່ອສ້າງຖັນແຖວພະນັກງານ ຕອບສະໜອງໄດ້ຄວາມຮຽກຮ້ອງຕ້ອງການໃໝ່. ຈຸດໝາຍຕົ້ນຕໍ່ແມ່ນສັນຕິພາບ, ສະຖຽນລະພາບ ເພື່ອພັດທະນາ, ເປັນເພື່ອນກັບທຸກໆປະເທດ; ບໍ່ລະເມີເຟີ້ຟັນ, ປະໝາດ ແລະ ຂາດສະຕິລະວັງຕົວ”.