(vovworld) - ຄະນະຜູ້ແທນຂັ້ນສູງສານປະຊາຊົນສູງສຸດຫວຽດນາມ ໂດຍທ່ານຮອງປະທານສານຜູ້ປະຈຳການສານປະຊາຊົນສູງສຸດ Dang Quang Phuong ເປັນຫົວໜ້າຄະນະ ຫາກໍມີການຢ້ຽມຢາມ ແລະ ເຮັດວຽກຢູ່ອູແກຼມ ຕາມຄຳເຊີນຂອງສານອູແກຼມ. ທີ່ການພົບປະຕ່າງໆ, ສອງຝ່າຍໄດ້ແລກປ່ຽນກ່ຽວກັບໂຄງປະກອບການຈັດຕັ້ງ, ບົດບາດໜ້າທີ່, ກົນໄກເຄື່ອນໄຫວ, ຄຸ້ມຄອງລະບົບສານ; ຝ່າຍອູແກຼມ ໄດ້ແບ່ງປັນບົດຮຽນໃນການບຳລຸງສ້າງ, ແຕ່ງຕັ້ງ, ນຳໃຊ້ຜູ້ພິພາກສາ, ພະນັກງານຂອງສານອູແກຼມ. ການຢ້ຽມຢາມຂອງຄະນະໄດ້ເປີດສາກໃຫ້ແກ່ການຮ່ວມມືຂອງຂະແໜງສານຫວຽດນາມ - ອູແກຼມໃນອະນາຄົດ, ປະກອບສ່ວນເຮັດໃຫ້ການພົວພັນຄູ່ຮ່ວມມືຮອບດ້ານລະຫວ່າງສອງປະເທດ ເລິກເຊິ່ງ, ຫຼາຍຮູບຫຼາຍແບບກວ່າອີກ, ບໍ່ພຽງແຕ່ໃນຂົງເຂດການເມືອງ, ເສດຖະກິດ, ການຄ້າ ແລະ ການລົງທຶນ, ວິທະຍາສາດ, ເຕັກນິກ, ການສຶກສາບຳລຸງສ້າງ, ວັດທະນະທຳສັງຄົມເທົ່ານັ້ນ, ຫາກຍັງໃນຂົງເຂດສານ ແລະ ຍຸດຕິທຳອີກດ້ວຍ.