ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ
ທີ່ພິທີສະເຫຼີມສະຫຼອງ 15 ປີແຫ່ງວັນຄອບຄົວ ຫວຽດນາມ
(ພາບສຳນັກຂ່າວສານຫວຽດນາມ)
(vovworld) - ຄຸນຄ່າພື້ນຖານຂອງຄອບຄົວຍາມໃດກໍ່ແມ່ນສິ່ງສັກກະລະບູຊາສຳລັບຊາວ ຫວຽດນາມ ແຕ່ລະຄົນ ນັ້ນແມ່ນຄຳຢືນຢັນຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ທີ່ພິທີສະເຫຼີມສະຫຼອງ 15 ປີແຫ່ງວັນຄອບຄົວ ຫວຽດນາມ (28/06/2001 – 28/06/2016) ດຳເນີນໃນຕອນຄ່ຳວັນທີ 28/06 ຢູ່ ຮ່າໂນ້ຍ. ດ້ວຍບັນດາຄຳອວຍພອນອັນດີງາມທີ່ສຸດສົ່ງເຖິງບັນດາຄອບຄົວ ຫວຽດນາມ, ທ່ານນາຍົກລັດຖະມົນຕີ ຍັງຍົກອອກສານ “ຈົ່ງສ້າງຊາຍຄາເຮືອນດ້ວຍຄວາມຮັກ ມັນຈະກາຍເປັນຄອບຄົວມີຄວາມຜາສຸກ” ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ:
“ພັກ ແລະ ລັດຍາມໃດກໍ່ເອົາໃຈໃສ່ ແລະ ມີແຜນນະໂຍບາຍ, ນະໂຍບາຍຫລາຍຢ່າງ ເພື່ອຮັກສາຄຸນຄ່າຄອບຄົວ ແລະ ສ້າງທຸກເງື່ອນໄຂ ເພື່ອໃຫ້ບັນດາຂະແໜງການ, ທຸກຂັ້ນ ແລະ ສ່ວນບຸກຄົນໄດ້ເບິ່ງແຍງດູແລສ້າງຄອບຄົວ ຫວຽດນາມ ໃຫ້ອີ່ມໜຳສຳລານ ແລະ ມີຄວາມຜາສຸກ. ໃນສະພາບການຖືກຜົນກະທົບຫລາຍຢ່າງຂອງການຫັນເປັນໂລກາພິວັດ ແລະ ເສດຖະກິດການຕະຫລາດ, ໂຄງປະກອບ ແລະ ການພົວພັນຄອບຄົວ ຫວຽດນາມ ມີບັນດາການປ່ຽນແປງ, ຊ້ຳບໍ່ໜຳ ມີບັນດາການປ່ຽນແປງ ອາດຈະໃຫ້ມູນເຊື້ອສູນເສຍໄປ”.
ຕາມທ່ານນາຍົກລັດຖະມົນຕີ ຫງວຽນຊວນຟຸກ ແລ້ວ, ເພື່ອເຊີດຊູ ແລະ ເສີມຂະຫຍາຍບັນດາຄຸນຄ່າອັນດີງາມຂອງຄອບຄົວ ຫວຽດນາມ, ຄວນປະຕິບັດບາງໜ້າທີ່ລະອຽດຄື: ຜັນຂະຫຍາຍຄົບຊຸດບັນດາມາດຕະການໃນຍຸດທະສາດພັດທະນາຄອບຄົວ ຫວຽດນາມ 2020 ວິໄສທັດ 2030, ໂຄງການດຳເນີນງານແຫ່ງຊາດກ່ຽວກັບການປ້ອງກັນຕ້ານການໃຊ້ຄວາມຮຸນແຮງຄອບຄົວ, ໂຄງການສຶກສາອົບຮົມຊີວິດການເປັນຢູ່ຄອບຄົວຮອດປີ 2020.