(ພາບປະກອບ: tienphong.vn)
(vovworld) - ວັນທີ 12/04, ພາກສ່ວນປະກອບອາວຸດນັບສິບຄົນ ໄດ້ບຸກເຂົ້າຢຶດຄອງອາຄານຫຼັງໜຶ່ງຂອງອຳນາດການປົກຄອງ ແລະ ປ້ອມຕຳຫຼວດ ຢູ່ Slavyansk, ເທດສະບານທີ່ຫ່າງຈາກນະຄອນ Donetsk ຢູ່ ຢູແກຼນ ຕາເວັນອອກ ໄປທາງທິດເໜືອປະມານ 100 ກມ, ເຊິ່ງແມ່ນແຫ່ງທີ່ຜູ້ແຫ່ຂະບວນປະທ້ວງໄດ້ປິດລ້ອມອາຄານຫຼັງໜຶ່ງຂອງລັດຖະບານກ່ອນນີ້ເກືອບອາທິດໜຶ່ງ. ທ່ານລັດຖະມົນຕີກະຊວງພາຍໃນ ໃນລັດຖະບານຊົ່ວຄາວຢູແກຼນ Asen Avakov ປະກາດວ່າ ຈະມີບັນດາມາດຕະການລົງໂທດທີ່ເໝາະສົມສຳລັບການກະທຳດັ່ງກ່າວ.
ຜູ້ຮັກສາການລັດຖະມົນຕີການຕ່າງປະເທດຢູແກຼນ Andrii Deshchytsia ໃຫ້ຮູ້ວ່າ ໄດ້ມີການໂອ້ລົມທາງໂທລະສັບກັບທ່ານລັດຖະມົນຕີການຕ່າງປະເທດລັດເຊຍ Sergei Lavrov ເພື່ອປຶກສາຫາລືບັນຫານີ້. ແຕ່ວ່າ, ລັດເຊຍ ໄດ້ປະຕິເສດການໜູນຊ່ວຍບັນດາພາກສ່ວນທີ່ໄດ້ຍຶດຄອງອາຄານ 4 ຫຼັງຂອງລັດຖະບານຢູ່ຢູແກຼນ ຕາເວັນອອກ.
ມາຮອດປະຈຸບັນ, ລັດເຊຍ ຍັງຢືນຢັນບໍ່ມີແຜນໂອນພາກຕາເວັນອອກ - ໃຕ້ຂອງຢູແກຼນ ຍ້ອນສິ່ງດັ່ງກ່າວໄປຝືນກັບຜົນປະໂຫຍດເປັນພື້ນຖານຂອງສະຫະພັນລັດເຊຍ.