ຄວາມເຄັ່ງຕຶງລະຫວ່າງອີຣານ-ອາຣັບບີຊາອູດິ:ປາກິດສະຖານຮຽກຮ້ອງສ້າງຕັ້ງໂທລະສັບສາຍດ່ວນ
ທ່ານນາຍົກລັດຖະມົນຕີ ປາກິດສະຖານ Nawaz Sharif
(ພາບ: AP)
(vovworld) - ວັນທີ 18/01 ວົງການເຈົ້າໜ້າທີ່ ປາກິດສະຖານ ໃຫ້ຮູ້ວ່າ: ຄະນະຜູ້ແທນຂັ້ນສູງຂອງ ປາກິດສະຖານ, ໂດຍທ່ານນາຍົກລັດຖະມົນຕີ ປາກິດສະຖານ Nawaz Sharif ນຳໜ້າໄປຢ້ຽມຢາມ ອາຣັບບີ ຊາອູດິ ໄດ້ຮຽກຮ້ອງສ້າງຕັ້ງໂທລະສັບສາຍດ່ວນລະຫວ່າງ ອາຣັບບີ ຊາອູດິ ແລະ ອີຣານ. ການຢ້ຽມຢາມຄັ້ງນີ້ ດຳເນີນໄປໃນສະພາວະທີ່ ປາກິດສະຖານ ພວມມານະພະຍາຍາມເປັນຄົນກາງໄກ່
ເກຍປອງດອງລະຫວ່າງ ອີຣານ ແລະ ອາຣັບບີ ຊາອູດິ ພາຍຫລັງເຫດການ Riyadh ສັງຫານບາດຫລວງອິດສະລານນິກາຍ Shiite Nimr al – Nimr. ສຳນັກຂ່າວສານທາງການ SPA ຂອງ ອາຣັບບີ ຊາອູດິ ໃຫ້ຂ່າວວ່າ ທ່ານນາຍົກລັດຖະມົນຕີ Sharif ພ້ອມກັບ ເສນາທິການໃຫຍ່ກອງທັບ ປາກິດສະຖານ ທ່ານ Raheel Sharif ໄດ້ພົບປະເຈລະຈາກັບເຈົ້າຊີວິດ Salma ຢູ່ Riyadh. ທີ່ການພົບປະ, ທ່ານນາຍົກລັດຖະມົນຕີ Sharif ເນັ້ນໜັກເຖິງຄວາມສຳຄັນຂອງເລື່ອງສ້າງຕັ້ງໂທລະສັບສາຍດ່ວນລະຫວ່າງ ອີຣານ ແລະ ອາຣັບບີ ຊາອູດິ, ຮຽກຮ້ອງແກ້ໄຂບັນດາຄວາມແຕກຕາງກັນກ່ຽວກັບຜົນປະໂຫຍດລະຫວ່າງປະຊາຄົມອິດສາລານດ້ວຍສັນຕິວິທີ.