ຄະນະກວດກາ ກົມການເມືອງເຮັດວຽກ ກັບຄະນະພັກກະຊວງຄົມມະນາຄົມຂົນສົ່ງ
ທ່ານ ເລຮົ່ງແອງ, ກຳມະການກົມການເມືອງ ກ່າວຄຳເຫັນທີ່ພິທີ
(ພາບ: Trọng Đạt/TTXVN)
(vovworld) – ຕອນບ່າຍວັນທີ 11/9, ຢູ່ ຮ່າໂນ້ຍ, ຄະນະກວດກາຂອງກົມການເມືອງໂດຍທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາເປັນຫົວໜ້າຄະນະມີການເຮັດວຽກກັບຄະນະພັກກະຊວງຄົມມະນາຄົມຂົນສົ່ງກ່ຽວກັບເລື່ອງສືບຕໍ່ຊີ້ນຳ, ນຳພາການປະຕິບັດມະຕິສູນກາງຄັ້ງທີ 4 (ຊຸດທີ 11) “ບາງບັນຫາຮີບດ່ວນກ່ຽວກັບການກໍ່ສ້າງພັກໃນປະຈຸບັນ” ແລະ ຄຳສັ່ງເລກທີ 03 ຂອງກົມການເມືອງຊຸດທີ 11 ກ່ຽວກັບການ “ສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ”. ເມື່ອສະຫລຸບການເຮັດວຽກ, ທ່ານ ເລຮົ່ງແອງ ຕີລາຄາວ່າ: ເລື່ອງຊາບຊຶມ, ຈັດຕັ້ງປະຕິບັດມະຕິສູນກາງຄັ້ງທີ 4 ຢູ່ ກະຊວງຄົມມະນາຄົມ ຂົນສົ່ງ ຮັບປະກັນລັກສະນະເຂັ້ມງວດ, ຖືກກັບກຳນົດ, ການແນະນຳຂອງສູນກາງ. ແຕ່ເຖິງຢ່າງໃດກໍຕາມ, ໝາກຜົນການປະຕິບັດພຽງແມ່ນບາດກ້າວທຳອິດເທົ່ານັ້ນ. ເພື່ອສືບຕໍ່ປະຕິບັດຢ່າງມີປະສິດທິຜົນ, ແໜ້ນແຟ້ນໃນໄລຍະຈະມາເຖິງ, ທ່ານ ເລຮົ່ງແອງ ສະເໜີໃຫ້ຄະນະພັກ ສືບຕໍ່ຊີ້ນຳການຈັດຕັ້ງປະຕິບັດ, ກວດກາ, ຊຸກຍູ້, ນຳການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ກາຍເປັນບັ້ນດຳເນີນຊີວິດເປັນປະຈຳຢູ່ໜ່ວຍພັກ, ຄະນະພັກ. ຄະນະພັກກະຊວງຄົມມະນາຄົມ ຂົນສົ່ງ ຊີ້ນຳວຽກງານໂຄສະນາເຜີຍແຜ່, ສຶກສາກ່ຽວກັບແນວຄິດ, ແບບຢ່າງຄຸນສົມບັດປະທານ ໂຮ່ຈີມິນ ແລະ ເລື່ອງປະຕິບັດຄຳສັ່ງເລກທີ 03 ເປັນປະຈຳ, ພິເສດແມ່ນໂຄສະນາ ກ່ຽວກັບບັນດາແບບຢ່າງດີເດັ່ນໃນການຮຳ່ຮຽນ ແລະ ປະຕິບັດຕາມຄຸນສົມບັດປະທານ ໂຮ່ຈີມິນ.