(vovworld) – ດ້ວຍຫົວຂ້ໍວ່າ “ຈຸດວັດທະນະທຳຍີ່ປຸນຢູ່ຫ້າລອງ”. ງານດອກຊະກຸຣະ - ຫ້າລອງ 2013 ຖືກໄຂຂຶ້ນໃນຕອນຄໍ່າວັນທີ 11/04, ຢູ່ສວນສາທາລະນະ ລ໋ານແບ່, ນະຄອນຫ້າລອງ, ແຂວງ ກວາງນິງ. ນີ້ແມ່ນການເຄື່ອນໄຫວສະເຫຼີມສະຫຼອງ 40 ປີແຫ່າງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ຍີ່ປຸ່ນ ແລະ ປີມິດຕະພາບຫວຽດນາມ - ຍີ່ປຸ່ນ. ກ່າວຄຳເຫັນທີ່ພິທີ, ທ່ານຮອງປະທານຄະນະກຳມະການປະຊາຊົນແຂວງກວາງນິງ ດັ້ງຮຸຍເຮົາ ກ່າວວ່າ.
“ງານບູນດອກຊະກຸຣະ ແມ່ນໂອກາດເພື່ອໃຫ້ແຂກທ່ອງທ່ຽວກວາງນິງ, ປະຊາຊົນພາຍໃນ ແລະ ຕ່າງປະເທດເຂົ້າໃຈຕື່ມອີກກ່ຽວກັບວັດທະນະທຳ ແລະ ຊາວຍີ່ປຸ່ນ. ຜ່ານນັ້ນ, ກໍແມ່ນໂອກາດເພື່ອໃຫ້ບັນດາເພື່ອນມິດຍີ່ປຸ່ນ ເຂົ້າໃຈກ່ຽວກັບປະເທດຫວຽດນາມ ທີ່ສວຍງາມ, ກໍຄືນ້ຳໃຈຮັກແພງແຂກຄົນຂອງປະຊາຊົນແຂວງກວາງນິງ ທີ່ມີຕໍ່ເພື່ອນມິດສາກົນ. ອຳນາດການປົກຄອງ ແລະ ປະຊາຊົນແຂວງກວາງນິງ ພ້ອມກັບນັກທ່ອງທ່ຽວສະແດງຄວາມຂອບອົກຂອບໃຈຕໍ່ບັນດາເພື່ອນຍີ່ປຸ່ນ ທີ່ໄດ້ນຳ ດອກຊະກຸຣະ ແລະ ບັນດາຜະລິດຕະພັນ ມາເຂົ້າຮ່ວມງານບຸນໃນມື້ນີ້. ມີຕົ້ນຊະກຸຣະ ກວ່າ 100 ຕົ້ນ ເຊິ່ງພວກເພື່ອນມອບໃຫ້ໃນໂອາກດນີ້ ຈະປະກອບສ່ວນເພີ່ມພູນຄູນສ້າງສາຍພົວພັນມິດຕະພາບອັນດີງາມລະຫວ່າງຫວຽດນາມ - ຍີ່ປຸ່ນກວ່າອີກ”.