(vovworld) - ງານວາງສະແດງຮູບພາບ “ປະເທດຊາດ, ຊາວລາວ ແລະ ນ້ຳໃຈມິດຕະພາບຫວຽດນາມ - ລາວ” ນອນໃນຂອບເຂດ “ຊຸມວັນວັດທະນະທຳລາວ ຢູ່ຫວຽດນາມ” ຈະຖືກຈັດຂຶ້ນໃນລະຫວ່າງວັນທີ 17 – 19/7 ຢູ່ສູນວາງສະແດງສິລະປະວັດທະນະທຳຫວຽດນາມ. ງານວາງສະແດງຈະວາງສະແດງຮູບພາບ 60 ແຜ່ນທີ່ແນະນຳກ່ຽວກັບປະເທດລາວ ທີ່ສວຍງາມ, ຊາວລາວທີ່ສະໜິດສະໜົມ ແລະ ສາຍພົວພັນຮ່ວມມືມິດຕະພາບ - ນ້ຳໃຈບໍລິສຸດຜຸດຜ່ອງລະຫວ່າງ 2 ປະເທດ ຫວຽດນາມ - ລາວ. ໄປຄຽງຄູ່ກັບ “ຊຸມວັນວັດທະນະທຳລາວ ຢູ່ຫວຽດນາມ” ນັ້ນ, ຢູ່ລາວກໍດຳເນີນ “ຊຸມວັນວັດທະນະທຳຫວຽດນາມ ຢູ່ ລາວ”. ນີ້ແມ່ນບັນດາການເຄື່ອນໄຫວສະເຫຼີມສະຫຼອງ “ປີແຫ່ງຄວາມສາມັກຄີມິດຕະພາບຫວຽດນາມ - ລາວ 2012”, ສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ (1962 – 2012) ແລະ 35 ປີແຫ່ງວັນເຊັນສົນທິສັນຍາມິດຕະພາບ ແລະ ຮ່ວມມືຫວຽດນາມ - ລາວ (1977 – 2012). ໃນໂອກາດນີ້, ຢູ່ຮ່າໂນ້ຍ, ຈະດຳເນີນການເຄື່ອນໄຫວຕ່າງໆຄື: ການພົວພັນແລກປ່ຽນຂອງບັນດາກະຊວງ, ຄະນະ, ຂະແໜງການ ແລະ ທ້ອງຖີ່ນ, ການພົວພັນແລກປ່ຽນວັດທະນະທຳ, ສິລະປະ ແລະ ກິລາ, ເພີ່ມທະວີການຮ່ວມມືເສດຖະກິດ, ການຄ້າໃນນັ້ນມີການຈັດຕັ້ງງານຕະຫຼາດນັດວາງສະແດງການຄ້າ, ກອງປະຊຸມສຳມະນາ, ເວທີປາໄສສົ່ງເສີມການຄ້າ, ການລົງທຶນ, ການທ່ອງທ່ຽວ.