ບັນດາການນຳເຂົ້າຮ່ວມກອງປະຊຸມ
(ພາບປະກອບ)
|
(vovworld) – ວັນທີ 21/4, ບັນດາລັດຖະມົນຕີກະຊວງການເງິນຂຶ້ນກັບກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນແຖວໜ້າຂອງໂລກ (ຈີ 20) ໄດ້ໂຮມປະຊຸມຢູ່ນອກກອງປະຊຸມລະດູບານໃໝ່ຂອງກອງທຶນການເງິນສາກົນ (IMF) ແລະ ທະນາຄານໂລກ (WB) ຢູ່ ວໍຊິງຕັນ, ປະເທດ ອາເມລິກາ ແລະ ອອກຖະແຫຼງການຖືວ່າ: ເລື່ອງເພີ່ມທະວີລັດທິອະລັກຂາຈະກໍ່ຜົນເສຍຫາຍສຳລັບພື້ນຖານເສດຖະກິດທົ່ວໂລກ. ກ່າວຄຳເຫັນຕໍ່ວົງການນັກຂ້າວພາຍຫຼັງສິ້ນສຸດກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານສູນກາງ ຈີ 20, ທ່ານລັດຖະມົນຕີການເງິນ ເຢຍລະມັນ Wolfgang Schaeuble ໃຫ້ຮູ້ວ່າ: ໜ້າທີ່ຂອງກອງປະຊຸມລັດຖະມົນຕີການເງິນ ຈີ 20 ແມ່ນປຶກສາຫາລືບັນດາບັນຫາເພື່ອແນໃສ່ເຮັດໃຫ້ທຸກໆວຽກງານໄປຖືກທິດ, ພ້ອມທັງເນັ້ນໜັກວ່າ ບັນດານັກວາງນະໂຍບາຍກຸ່ມ ຈີ 20 ຕ້ອງມານະພະຍາຍາມກ່ວາອີກ ເພື່ອຊຸກຍູ້ການເຕີບໂຕໂດຍກວມລວມ ແລະ ຮັບມືກັບບັນດາຜົນສະທ້ອນຫຍໍ້ທໍ້ຂອງໂລກາພິວັດ. ຄຽງຄູ່ກັນນັ້ນ, ບັນດາຜູ້ແທນເຂົ້າຮ່ວມກອງປະຊຸມກໍ່ໄດ້ເຫັນດີເປັນເອກະສັນຕ້ອງມານະພະຍາຍາມກ່ວາອີກເພື່ອແນໃສ່ທະວີຄຸນຜົນປະໂຫຍດຂອງການເຕີບໂຕ ແລະ ໂລກາພິວັດ, ໃນນັ້ນມີການລົງທຶນເຂົ້າການສຶກສາ ແລະ ພື້ນຖານໂຄງລ່າງ.