(vovworld) - ຈີນຈົ່ງຢຸດຕິໂດຍທັນທີແລະຖາວອນສຳລັບການເຄື່ອນໄຫວກໍ່ສ້າງເກາະທຽມຢູ່ທະເລຕາເວັນອອກ, ສິ່ງດັ່ງກ່າວໂດຍທ່ານລັດຖະມົນຕີວ່າການກະຊວງປ້ອງກັນປະເທດອາເມລິກາ Ashton Carter ເນັ້ນໜັກເຖິງໃນບົດກ່າວປາໄສ ໃນຕອນເຊົ້າວັນທີ 30/05, ຢູ່ກອງປະຊຸມສຸດຍອດຄວາມໝັ້ນຄົງອາຊີ (ກອງປະຊຸມ Shangri-La) ຄັ້ງທີ 14 ພວມດຳເນີນໄປຢູ່ສິງກະໂປ. ທ່ານ Ashton Carter ເນັ້ນໜັກວ່າ, ການກະທຳໃນປະຈຸບັນຂອງຈີນ ຢູ່ພາກພື້ນ ໄດ້ “ເກີນຂອບເຂດ” ບັນດາມາດຕະຖານສາກົນ. ໃນບົດກ່າວປາໄສທີ່ໄດ້ຮັບການຕີລາຄາວ່າແມ່ນສຳຄັນ ແລະ ດຶງດູດຄວາມສົນໃຈຂອງຫຼາຍປະເທດໃນພາກພື້ນ, ທ່ານ Ashton Carter ເນັ້ນໜັກວ່າ “ອາເມລິກາ ຄັດຄ້ານເລື່ອງສືບຕໍ່ບັນດາການເຄື່ອນໄຫວຫັນເປັນການທະຫານ” ຢູ່ທະເລຕາເວັນອອກ.
ກ່ອນໜ້ານັ້ນ, ວັນທີ 29/05, ໃນບົດກ່າວປາໄສໄຂກອງປະຊຸມ Shangri-La ຄັ້ງທີ 14, ທ່ານນາຍົກລັດຖະມົນຕີສິ່ງກະໂປ ຫຼີຊຽນຫຼົງ ໄດ້ຮຽກຮ້ອງໃຫ້ຈີນ ແລະ ບັນດາປະເທດອາຊຽນ ຊຸກຍູ້ການລົງນາມໃນປະມວນຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC) ຢ່າງໄວສຸດ ເພື່ອບໍ່ປະໃຫ້ເກີດການຂັດແຍ້ງທີ່ເຮັດໃຫ້ການພົວພັນຖືກຊົ່ວຮ້າຍໄປ. ຕາມທ່ານແລ້ວ, ໃນໄລຍະຍາວ, ຄວາມເປັນລະບຽບຮຽບຮ້ອຍ, ຄວາມໝັ້ນຄົງໃນພາກພື້ນ ບໍ່ອາດຖືກຮັກສາໄດ້ພຽງປະເທດມະຫາອຳນາດໜຶ່ງດ່ຽວ, ຫາກຮຽກຮ້ອງຕ້ອງໄດ້ຮັບການເຫັນດີ ແລະ ຮັບຮູ້ຈາກປະຊາຄົມໂລກ.
ຫວ່າງແລ້ວນີ້, ຜູ້ບັນຊາການທະຫານມະຫາສະໝຸດປະຊີຟິກຂອງອາເມລິກາຄົນໃໝ່, ພົນເຮືອເອກ Harry Harris, ກໍ່ພັນລະນາກ່ຽວກັບການທວງເອົາອະຕິປະໄຕຂອງຈີນ ຢູ່ທະເລຕາເວັນອອກແມ່ນ “ໄຮ້ເຫດຜົນ”. ພົນເຮືອເອກ Harry Harris ຖະແຫຼງວ່າ, ບັນດາກຳລັງຂອງອາເມລິກາ, ຖ້າຫາກໄດ້ຮັບຄຳສັ່ງຈະພ້ອມແລ້ວ “ທຳການສູ້ຮົບເພື່ອປົກປ້ອງບັນດາສິດຜົນປະໂຫຍດຂອງອາເມລິກາຢູ່ເຂດອາຊີ - ປາຊີຟິກ ທີ່ກວ້າງໃຫຍ່”.
ແລະກໍ່ໃນວັນ 29/05, ທ່ານປະທານກຳມາທິການກຳລັງທະຫານອາເມລິກາ, ສະມາຊິກສະພາສູງ John McCain ສະເໜີອາເມລິກາ ສະໜອງຈຳນວນເງິນນັບຮ້ອຍລ້ານ USD ເພື່ອຊ່ວຍຝຶກອົບຮົມ ແລະ ປະກອບພາຫະນະ, ອາວຸດໃຫ້ບັນດາກຳລັງປະກອບອາວຸດຂອງບັນດາປະເທດອາຊີຕາເວັນອອກສ່ຽງໃຕ້ ແນໃສ່ຮັບມືກັບບັນດາສິ່ງທ້າທາຍດ້ານເຂດນ້ຳແດນດິນ.