ຊຸກຍູ້ການຮ່ວມມືເສດຖະກິດຢູ່ເຂດ3ຫຼ່ຽມພັດທະນາຫວຽດນາມ,ລາວ,ກຳປູເຈຍ
ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ກ່າວຄຳເຫັນທີ່ເວທີປາໄສ
(ພາບ: VGP/Lê Sơn)
(vovworld) – ເວທີປາໄສຄູ່ຮ່ວມມືພັດທະນາເຂດ 3 ຫຼ່ຽມພັດທະນາ ຫວຽດນາມ, ກຳປູເຈຍ, ລາວ ໄຂຂຶ້ນໃນຕອນເຊົ້າວັນທີ 21/4 ຢູ່ນະຄອນ ບວນເມທວດ. ດ້ວຍຫົວຂໍ້ວ່າ “ສ້າງການພົວພັນຄູ່ຮ່ວມມືເພື່ອເຮັດໃຫ້ຄວາມສາມາດບົ່ມຊ້ອນຂອງເຂດ 3 ຫຼ່ຽມພັດທະນາ ຫວຽດນາມ, ກຳປູເຈຍ, ລາວ ປະກົດຜົນເປັນຈິງ”, ເວທີປາໄສດຶງດູດການເຂົ້າຮ່ວມຂອງປະຊາຄົມໂລກ, ໃນນັ້ນມີນັກລົງທຶນຫຼາຍຄົນໃນພາກພື້ນ ອາຊີ.
ກ່າວຄຳເຫັນທີ່ເວທີປາໄສ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຕີລາຄາສູງຄວາມມານະພະຍາຍາມສ້າງເຂດ 3 ຫຼ່ຽມພັດທະນາຂອງ ລັດຖະບານ 3 ປະເທດ ຫວຽດນາມ, ກຳປູເຈຍ, ລາວ ກໍ່ຄືຄວາມມານະພະຍາຍາມບື່ນຕົວຂຶ້ນຂອງທ້ອງຖີ່ນຕ່າງໆໃນພາກພື້ນນີ້. ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຖືວ່າ:
“ຂ້າພະເຈົ້າສະເໜີໃຫ້ບັນດາອົງການສາກົນ, ກ່ອນອື່ນໝົດແມ່ນທະນາຄານ ອາຊີ ADB, ບັນດານັກອຸປະຖຳທຶນໜູນຊ່ວຍພັດທະນາ ODA ແລະ ບັນດາວິສາຫະກິດ ຈົ່ງສະຫງວນຄວາມເອົາໃຈໃສ່ກ່ວາອີກໃຫ້ໃນພາກພື້ນນີ້, ສຸມໃສ່ເຂົ້າໃນບັນດາຂົງເຂດ, ໂຄງການຮີບດ່ວນ, ສຳຄັນ, ຮັບໃຊ້ໂດຍກົງໃຫ້ປະຊາຊົນຢູ່ພາກພື້ນນີ້. ຂ້າພະເຈົ້າກໍ່ສະເໜີບັນດາກະຊວງ, ຂະແໜງການຂອງ ຫວຽດນາມ ກໍ່ຄື 2 ປະເທດ ກຳປູເຈຍ ແລະ ລາວ ສືບຕໍ່ເອົາໃຈໃສ່, ສ້າງເງື່ອນໄຂອຳນວຍຄວາມສະດວກ ແລະ ສະໜັບສະໜູນບັນດາທ້ອງຖີ່ນໃນພາກພື້ນ, ພິເສດແມ່ນຜັນຂະຫຍາຍແຜນສັງລວມ ແລະ ບົດບັນທຶກຊ່ວຍຈຳກ່ຽວກັບນະໂຍບາຍບຸລິມະສິດພິເສດໃຫ້ແກ່ພາກພື້ນທີ່ໄດ້ຮັບການຕົກລົງລະຫວ່າງ 3 ປະເທດພວກເຮົາ”