(vovworld) – ວັນທີ 14/03, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຮອງປະທານສະພາເລືອກຕັ້ງແຫ່ງຊາດ ພ້ອມກັບຄະນະປະຕິບັດງານ ໄດ້ມີການເຮັດວຽກກັບແຂວງດ້ຽນບຽນ, ກວດກາສະພາບການຜັນຂະຫຍາຍວຽກງານເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະພາຜູ້ແທນປະຊາຊົນທຸກຂັ້ນອາຍຸການ 2016 – 2021. ເມື່ອເຮັດວຽກກັບການນຳແຂວງດ້ຽນບຽນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີວ່າ ໃນໄລຍະຈະມາເຖິງ, ຄະນະກຳມະການເລືອກຕັ້ງແຂວງ ຕ້ອງປະຕິບັດບາງໜ້າທີ່ເປັນຢ່າງດີຄື: ສຳເລັດການສ້າງສຳເນົາ, ບັນຊີລາຍຊື່ເບື້ອງຕົ້ນບັນດາຜູ້ທີ່ໄດ້ຮັບການສະເໜີສະໝັກຮັບເລືອກຕັ້ງ; ຈັດຕັ້ງວຽກງານຮັບເອົາຄຳເຫັນຂອງປະຊາຊົນ… ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະແດງຄວາມເຊື່ອໝັ້ນວ່າ, ແຂວງດ້ຽນບຽນ ຈະນຳໜ້າໃນວຽກງານເລືອກຕັ້ງຢູ່ບັນດາແຂວງພາກເໜືອ, ເລືອກຕັ້ງຢ່າງຖືກຕ້ອງ, ຖືກກັບຈຳນວນຜູ້ມີສິດເລືອກຕັ້ງຢ່າງສູງສຸດ ເພື່ອເປັນແບບຢ່າງໃນເຂດຕາເວັນຕົກພາກເໜືອ ແລະ ທົ່ວປະເທດ.