(vovworld) - ຕອນບ່າຍວັນທີ 21/9, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ໄດ້ໃຫ້ການຕ້ອນຮັບທ່ານ Eric Sidgwick, ຜູ້ອຳນວຍການທະນາຄານພັດທະນາອາຊີ (ADB) ຢູ່ຫວຽດນາມ. ທ່ານ Eric Sidgwick ໄດ້ຍົກອອກບັນດາຂໍ້ສັງເກດຢ່າງຕັ້ງໜ້າຂອງ ADB ກ່ຽວກັບເສດຖະກິດຫວຽດນາມ. ADB ຖືວ່າຍ້ອນມີການບໍລິຫານຢ່າງຖືກຕ້ອງ, ຍືດໝັ້ນ ແລະ ມີປະສິດທິຜົນໃນ 3 ປີຜ່ານມາ, ພື້ນຖານເສດຖະກິດຫວຽດນາມ ໄດ້ບັນລຸລະດັບເຕີບໂຕສູງຄືນໃໝ່; ຮັບປະກັນສະຖຽນລະພາບດ້ານເສດຖະກິດມະຫາພາກ; ໄພເງິນເຟີ້ຢູ່ໃນລະດັບຕຳ່; ການຄວບຄຸມງົບປະມານໄດ້ດີ. ລະດັບຂາດດຸນບໍ່ຫຼາຍ, ການສະສົມເງິນຕາຕ່າງປະເທດສືບຕໍ່ເພີ່ມຂຶ້ນ. ໜີ້ສາທາລະນະຂອງຫວຽດນາມ ເພີ່ມຂຶ້ນແຕ່ຢູ່ໃນລະດັບຄວບຄຸມ ແລະ ພວມປະຕິບັດຍຸດທະສາດໂຄງປະກອບໜີ້ສາທາລະນະຄືນໃໝ່ເປັນຢ່າງດີ ຕາມທິດເພີ່ມໜີ້ພາຍໃນປະເທດ ແລະ ຫຼຸດຜ່ອນການຕິດໜີ້ຕ່າງປະເທດ. ທ່ານ Eric Sidgwick ກໍ່ໃຫ້ຮູ້ ADB ພວມສົມທົບກັບ ອົງການຕ່າງໆ ເພື່ອກໍ່ສ້າງຍຸດທະສາດໜູນຊ່ວຍຫວຽດນາມ ໄລຍະ 5 ປີ. ຕາມນັນແລ້ວ, ADB ພ້ອມແລ້ວທີ່ຈະຕອບສະໜອງຄວມຕ້ອງການດ້ານທຶນໄລຍະຍາວ ແລະ ດອກເບ້ຍຕຳ່ໃຫ້ບັນດາລາຍການ, ໂຄງການກໍ່ສ້າງພື້ນຖານໂຄງລ່າງເສດຖະກິດ - ສັງຄົມທີ່ແທດຈິງ, ແລະ ພັດທະນາຢ່າງໝັ້ນຄົງຂອງຫວຽດນາມ.
ສ່ວນ ທ່ານນາຍົກລັດຖະມົນຕີ ຫງວຽນເຕິ໋ນຢຸງ ກໍ່ຢືນຢັນທັດສະນະສະເໝີຕົ້ນສະເໝີປາຍຂອງລັດຖະບານຫວຽດນາມ ແມ່ນສືບຕໍ່ຄວບຄຸມ ແລະ ຮັບປະກັນສະຖຽນລະພາບດ້ານເສດຖະກິດມະຫາພາກຢ່າງໝັ້ນຄົງ ເພື່ອສ້າງພື້ນຖານໃຫ້ແກ່ການເຕີບໂຕພື້ນຖານເສດຖະກິດຫວຽດນາມ ແບບຍືນຍົງໃນຕໍ່ໜ້າ ແລະ ໃນໄລຍະຍາວ.