(ພາບ:voatiengviet.com)
(VOV)- ໃນສະພາບການວິກິດການການເມືອງພວມປິນຂັ້ນໄດ, ປະທານາທິບໍດີອີຢີບ ຄົນປະຈຸບັນ Mohamed Morsi ໄດ້ສະແດງຄວາມແຂງກະດ້າງເມື່ອປະກາດໃຊ້ລັດຖະດຳລັດສະບັບໃໝ່ໂດຍມອບສິດໃຫ້ກອງທັບອີຢີບ ໄດ້ຈັບຜູ້ກະທຳຜິດ, ພ້ອມທັງອອກຄຳສັ່ງໃຫ້ກອງທັບຕ້ອງມີການຮ່ວມມືກັບຕຳຫຼວດຈົນເຖິງເວລາປະກາດໝາກຜົນການລົງປະຊາມະຕິ. ການກະທຳດັ່ງກ່າວໄດ້ຮັບການປະຕິບັດໃນສະພາບການເມືອງຂອງອີຢີບ ມີໄພຕົກເຂົ້າສູ່ສະພາບການບໍ່ມີທາງອອກໃນຂະນະທີ່ລັດຖະບານຍັງເດັດດ່ຽວຊຸກຍູ້ແຜນການຈັດຕັ້ງການລົງປະຊາມະຕິກ່ຽວກັບຮ່າງລັດຖະທຳມະນູນສະບັບໃໝ່ໃນວັນທີ 15/12 ຈະມາເຖິງ, ໃນຂະນະທີ່ຝ່າຍຄ້ານຍູ້ແຮງການປຸກລະດົມການຄັດຄ້ານ. ມາຮອດປະຈຸບັນ, ເຖິງວ່າໄດ້ຜັນຂະຫຍາຍລົດຖັງ ແລະ ທະຫານຢູ່ອ້ອມຂ້າງທຳນຽບປະທານາທິບໍດີແລ້ວກໍ່ຕາມ, ແຕ່ກອງທັບອີຢີບ ຍັງສະແດງໃຫ້ເຫັນຄວາມມານະພະຍາຍາມຮັກສາບົດບາດເປັນກາງ, ບໍ່ທັນມີການກະທຳແຮງໃດໆຕໍ່ຜູ້ເຂົ້າຮ່ວມການແຫ່ຂະບວນປະທ້ວງ.