ທາຍງວຽນ ຈັດຕັ້ງພິທີ ສະເຫຼີມສະຫຼອງ 65 ປີ ແຫ່ງວັນລຸງໂຮ່ ກັບເມືອ ເຂດປອດໄພທາຍງວຽນ
ລາຍການສະແດງສິລະປະທີ່ພິທີ
(ພາບ: baomoi.com)
(vovworld) - ຕອນຄ່ຳວັນທີ 19/5, ທ່ານປະທານປະເທດຫວຽດນາມ Truong Tan Sang ໄດ້ເຂົ້າຮ່ວມພິທີສະເຫຼີມສະຫຼອງ 65 ປີແຫ່ງວັນລຸງໂຮ່ ກັບເມືອເຂດປອດໄພທາຍງວຽນ ເພື່ອນຳພາການຕໍ່ຕ້ານຕ້ານພວກລ່າເມືອງຂຶ້ນ ຝຣັ່ງ, 122 ປີແຫ່ງວັນຄ້າຍວັນເກີດປະທານ ໂຮ່ຈີມິນ ແລະ ຮັບໃບຢັ້ງຢືນຈັດອັນດັບເຂດປູຊະນີຍະສະຖານລະດັບຊາດພິເສດ ສຳລັບເຂດອະນຸສອນສະຖານປະຫວັດສາດເຂດປອດໄພ ດິ້ງຮ໋ວາ. ໃນການຕໍ່ຕ້ານຕ້ານພວກລ່າເມືອງຂຶ້ນ ຝຣັ່ງ ຜູ້ຮຸກຮານ ຂອງປະຊາຊົນຫວຽດນາມ (1946 – 1954), ທາຍງວຽນ ມີຄວາມເປັນກຽດຮັບການເລືອກເຟັ້ນເປັນເຂດປອດໄພສູນກາງ - ນະຄອນຫຼວງແຫ່ງການຕໍ່ຕ້ານຂອງທົ່ວປະເທດ. ຢູ່ເຂດປອດໄພ ດິ້ງຮ໋ວາ - ທາຍງວຽນ, ລຸງໂຮ່ ພ້ອມກັບສູນກາງພັກ, ລັດຖະບານ, ກອງບັນຊາການກອງທັບປະຊາຊົນຫວຽດນາມ ໄດ້ຕັ້ງຖານທີ່ໝັ້ນເພື່ອນຳພາການສູ້ຮົບ. ກ່າວຄຳເຫັນນະພິທີ, ທ່ານປະທານປະເທດ Truong Tan Sang ໄດ້ຢືນຢັນວ່າ: ສະເຫຼີມສະຫຼອງ 65 ປີແຫ່ງວັນລຸງໂຮ່ ກັບເມືອເຂດປອດໄພ ດິ້ງຮ໋ວາ ເພື່ອນຳພາການສູ້ຮົບຕ້ານພວກລ່າເມືອງຂຶ້ນ ຝຣັ່ງ ແມ່ນໂອກາດເພື່ອຫວນຄືນ ແລະ ເພີ່ມຄວາມເອກອ້າງທະນົງໃຈກ່ຽວກັບມູນເຊື້ອປະຫວັດສາດທີ່ສະຫງ່າອົງອາດ ຂອງພັກກອມມູນິດຫວຽດນາມ, ປະຊາຊົນຫວຽດນາມ, ຂອງອົງຄະນະພັກ ແລະ ປະຊາຊົນ ທາຍງວຽນ, ພ້ອມທັງປັບປຸງ, ເພີ່ມຄວາມເຊື່ອໝັ້ນ, ຕັດສິນໃຈສືບທອດ ແລະ ເສີມຂະຫຍາຍມູນເຊື້ອດັ່ງກ່າວໃນໄລຍະປະຕິວັດໃໝ່. ທ່ານປະທານປະເທດ ຊີ້ແຈງວ່າ:
“ເລື່ອງມອບໃບຢັ້ງຢືນຈັດອັນດັບເຂດປອດໄພ ດິ້ງຮ໋ວາ ແມ່ນເຂດປູຊະນີຍະສະຖານປະຫວັດສາດລະດັບຊາດພິເສດ ແມ່ນການຮັບຮູ້ຕີລາຄາສູງຂອງພັກ, ລັດ ກ່ຽວກັບຄວາມໝາຍປະຫວັດສາດຂອງເຂດປູຊະນີຍະສະຖານ. ຕາງໜ້າໃຫ້ການນຳພັກ, ລັດ ຂ້າພະເຈົ້າອວຍພອນໃຫ້ອົງຄະນະພັກ ແລະ ປະຊາຊົນເມືອງ ດິ້ງຮ໋ວາ, ອົງຄະນະພັກ ແລະ ປະຊາຊົນແຂວງ ທາຍງວຽນ ກ່ຽວກັບຄວາມເບີກບານມ່ວນຊື່ນ ແລະ ຄວາມເປັນກຽດທີ່ຍິ່ງໃຫຍ່ນີ້. ເພື່ອປັບປຸງ ແລະ ເພີ່ມທະວີຄວາມເຊື່ອໝັ້ນ, ຄວາມຕັດສິນໃຈສືບທອດ ແລະ ເສີມຂະຫຍາຍມູນເຊື້ອນັ້ນໃນໄລຍະໃໝ່ ຂ້າພະເຈົ້າສະເໜີວ່າໃນຊຸມປີທີ່ຈະມາເຖິງອົງຄະນະພັກ ແລະ ປະຊາຊົນແຂວງທາຍງວຽນ ຄວນສືບຕໍ່ເສີມຂະຫຍາຍຢ່າງແຮງມູນເຊື້ອປະຕິວັດ, ບັນດາຄວາມສາມາດບົ່ມຊ້ອນ, ທ່າແຮງຂອງແຂວງຍິ່ງກ່ວາອີກ. ສູ້ຊົນພ້ອມກັບທົ່ວພັກ, ທົ່ວປວງຊົນ, ທົ່ວກອງທັບປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ຢ່າງມີໄຊ.”