ທ່ານນາງຮອງປະທານປະເທດ ຫວຽດນາມ ຫວໍທິແອັງຊວັນ ໄປຢ້ຽມຢາມ ແລະ ຖະຫວາຍທູບທຽນຢູ່ເຂດອະນຸສອນສະຖານ ປະທານໂຮ່ຈີມິນ
(VOVWORLD) -ພວກເຮົາຈົ່ງສືບຕໍ່ຄົ້ນຄວ້າວິທະຍາສາດເຕັກນິກໃໝ່, ແບບວິທີທີ່ທັນສະໄໝ, ແລ້ວຮ່ວມມືກັບສາກົນໃນການອະນຸລັກຮັກສາບັນດາຄຸນຄ່າວັດທະນະທຳ ນັບທັງມໍລະດົກທີ່ເປັນວັດຖຸ ແລະ ບໍ່ເປັນວັດຖຸ.
 ທ່ານນາງຮອງປະທານປະເທດ ຫວຽດນາມ ຫວໍທິແອັງຊວັນ ໄປຢ້ຽມຢາມ ແລະ ຖະຫວາຍທູບທຽນຢູ່ເຂດອະນຸສອນສະຖານ ປະທານໂຮ່ຈີມິນ (ພາບ: TTXVN) |
ຕອນເຊົ້າວັນທີ 3 ສິງຫາ, ທ່ານນາງຮອງປະທານປະເທດ ຫວຽດນາມ ຫວໍທິແອັງຊວັນ ໄດ້ໄປຢ້ຽມຢາມ ແລະ ຖະຫວາຍທູບທຽນຢູ່ເຂດອະນຸສອນສະຖານ ປະທານໂຮ່ຈີມິນ ຢູ່ຖະໜົນມາຍທຸກລວານ, ຕາແສງທ້ວນລົກ, ນະຄອນເຫ້ວ, ແຂວງເທື່ອທຽນ ເຫ້ວ. ນີ້ແມ່ນບ່ອນສ້າງຂີດໝາຍໃນຄາວເຍົາໄວຂອງເພິ່ນ ແລະ ແມ່ນບ່ອນປະກອບສ່ວນລ້ຽງດູ, ຝຶກຝົນຫໍ່ຫຼອມແລະ ສ້າງແນວຄິດຮັກຊາດ, ຮັກແພງປະຊາຊົນຂອງປະທານໂຮ່ຈີມິນ ໃນເບື້ອງຕົ້ນ.
ແລະກໍ່ໃນວັນທີ 2 ສິງຫາ, ທ່ານນາງຮອງປະທານປະເທດ ຫວຽດນາມ ຫວໍທິແອ໊ງຊວັນ ໄດ້ໄປຢ້ຽມຢາມ ແລະ ສຳຫຼວດວຽກງານບູລະນະປະຕິສັງຂອນອະນຸລັກຮັກສາຮ່ອງຮອຍປະຫວັດສາດຢູ່ ພະລາຊະວັງ ເຫວ້. ນະທີ່ນີ້, ທ່ານນາງຮອງປະທານປະເທດ ຫວັງວ່າ ສູນອານຸລັກຮ່ອງຮອຍປະຫວັດສາດ ກຸງເກົ່າເຫວ້ ຈະເອົາໃຈໃສ່ພັດທະນາແຫຼ່ງຊັບພະຍາກອນມະນຸດ, ບຳລຸງສ້າງສິລະປະການ, ສິລະປິນ, ເພາະວ່າ ເຂົາເຈົ້າເປັນບຸກຄົນທີ່ອະນຸລັກຮັກສາບັນດາຮູບແບບມໍລະດົກວັດທະນະທຳໂດຍກົງ, ພິເສດແມ່ນມໍລະດົກວັດທະນະທຳບໍ່ເປັນວັດຖຸ. ທ່ານນາງຮອງປະທານປະເທດ ຫວຽດນາມ ຫວໍທິແອ໊ງຊວັນ ສະເໜີໃຫ້ການນຳແຂວງ ເທື່ອທຽນເຫວ້ ເອົາໃຈໃສ່ໝູນໃຊ້ວິທະຍາສາດເຕັກໂນໂລຢີເຂົ້າໃນວຽກງານອະນຸລັກຮັກສາຮ່ອງຮອຍປະຫວັດສາດ.
“ພວກເຮົາຈົ່ງສືບຕໍ່ຄົ້ນຄວ້າວິທະຍາສາດເຕັກນິກໃໝ່, ແບບວິທີທີ່ທັນສະໄໝ, ແລ້ວຮ່ວມມືກັບສາກົນໃນການອະນຸລັກຮັກສາບັນດາຄຸນຄ່າວັດທະນະທຳ ນັບທັງມໍລະດົກທີ່ເປັນວັດຖຸ ແລະ ບໍ່ເປັນວັດຖຸ.”