ທ່ານນາຍົກລັດຖະມົນຕີ ຫງວຽນຊວນຟຸກ ຖ່າຍຮູບທີ່ລະນຶກກັບພໍ່ແມ່ປະຊາຊົນຊາວ ຫວຽດນາມ ຢູ່ ກຳປູເຈຍ
|
(vovworld) - ໃນຂອບເຂດການຢ້ຽມຢາມລາຊະອານາຈັກ ກຳປູເຈຍ ຢ່າງເປັນທາງການ, ຕອນບ່າຍວັນທີ 24/4, ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມດ້ວຍພັນລະຍາ ໄດ້ລົງຢ້ຽມຢາມ, ໂອ້ລົມກັບພະນັກງານສະຖານທູດ ຫວຽດນາມ ປະຈຳ ກຳປູເຈຍ ແລະ ຜູ້ຕາງໜ້າປະຊາຄົມຊາວ ຫວຽດນາມ ພວມດຳລົງຊີວິດ, ຮ່ຳຮຽນ, ເຮັດວຽກຢູ່ກຳປູເຈຍ. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ: ພໍ່ແມ່ປະຊາຊົນຊາວ ຫວຽດນາມ ຢູ່ ກຳປູເຈຍ ສືບຕໍ່ມານະພະຍາຍາມສູ້ຊົນຕັ້ງໜ້າປະຕິບັດວຽກງານເປັນຂົວເຊື່ອມຕໍ່ຂອງນ້ຳໃຈມິດຕະພາບທີ່ເປັນມູນເຊື້ອ 2 ປະເທດ.
“ການພົວພັນ ຫວຽດນາມ - ກຳປູເຈຍ ແມ່ນການພົວພັນຍຸດທະສາດ, ແມ່ນບັນດາປະເທດບ້ານໃກ້ເຮືອນຄຽງຖານອ້າຍນ້ອງສະໜິດຕິດພັນນຳກັນ. ພວກເຮົານຳໃຊ້ນ້ຳທີ່ແມ່ນ້ຳສາຍດຽວ, ພ້ອມກັນມີມູນເຊື້ອປະຕິວັດ, ກໍ່ພ້ອມກັນມີການຊ່ວຍເຫຼືອ ເຊິ່ງກັນ ແລະ ກັນໃນການຕໍ່ສູ້ ແລະ ໃນໄລຍະສັນຕິພາບ. ແລະຂ້າພະເຈົ້າແຈ້ງໃຫ້ພໍ່ແມ່ປະຊາຊົນໄດ້ຮັບຊາບວ່າ, ໃນຕະຫຼອດໄລຍະປະຫວັດສາດລວມ, ພິເສດແມ່ນໃນຊຸມປີມໍ່ໆມານີ້, ຊຸມເດືອນມໍ່ໆມານີ້, ການພົວພັນ ຫວຽດນາມ - ກຳປູເຈຍ ແມ່ນສະໜິດສະໜົມທີ່ສຸດ, ນ້ຳໃຈ, ຄວາມຮັບຜິດຊອບ, ມີຄວາມສະໜິດຕິດພັນຫຼາຍກ່ວາໃນທຸກໆຂົງເຂດຄື: ການເມືອງ, ການທູດ, ເສດຖະກິດ ແລະ ບັນດາຂົງເຂດສຳຄັນອື່ນໆອີກ.”
ທ່ານນາຍົກລັດຖະມົນຕີ ໄດ້ຢັ້ງຢືນວ່າ, ພັກ, ລັດ ຈະສືບຕໍ່ເອົາໃຈໃສ່, ໜູນຊ່ວຍເພື່ອໃຫ້ພໍ່ແມ່ປະຊາຊົນອຸ່ນອ່ຽນໃຈອອກແຮງງານ, ນຳການຜະລິດ, ປາດຖະໜາວ່າ ພໍ່ແມ່ປະຊາຊົນຊາວ ຫວຽດນາມ ຢູ່ ກຳປູເຈຍ ຕ້ອງສືບຕໍ່ຮັດແໜ້ນນ້ຳໃຈສາມັກຄີ, ເປີດກ້ວາງການຮຽນ ແລະ ການສອນພາສາ ຫວຽດນາມ ໃນປະຊາຄົມ. ທ່ານນາຍົກລັດຖະມົນຕີ ກໍ່ສະເໜີ ພະນັກງານ, ພາລະກອນສະຖານທູດ ຈັດຕັ້ງການເຄື່ອນໄຫວລົງທຶນ, ຜະລິດດຳເນີນທຸລະກິດຂອງ ຫວຽດນາມ ຢູ່ ກຳປູເຈຍ ແລະ ກົງກັນຂ້າມຫຼາຍກ່ວາອີກ.