(vovworld) – ຕອນທ່ຽງວັນທີ 31/5, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ໄດ້ໄປຮອດສິງກະໂປ ເພື່ອເຂົ້າຮ່ວມກອງປະຊຸມ Shangri La ຄັ້ງທີ 12, ກ່ອນຈະເຂົ້າຮ່ວມກອງປະຊຸມ ເຊິ່ງຈະຈັດຂຶ້ນໃນຕອນຄຳ່ຂອງວັນດຽວກັນ, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ໄດ້ເຂົ້າຢ້ຽມຄຳນັບປະທານາທິບໍດີສິງກະໂປ Tony Tan Yam ຕາມພິທີການທູດ ແລະ ພົບປະເຈລະຈາກັບນາຍົກລັດຖະມົນຕີສິງກະໂປ ຫຼີຊຽນຫຼົງ. ທີ່ການຄຳນັບຕາມພິທີການທູດ, ທ່ານປະທານາທິບໍດີສິງກະໂປ Tony Tan Yam ໄດ້ຢືນຢັນວ່າ, ຍາມໃດສິງກະໂປກໍ່ຖືເປັນສຳຄັນ ແລະ ຕີລາຄາສູງບົດບາດ ແລະ ທີ່ຕັ້ງຂອງຫວຽດນາມ ຢູ່ໃນພາກພື້ນ. ເນື່ອງໃນໂອກາດນີ້, ສອງຝ່າຍຢືນຢັນວ່າ ຫວຽດນາມ ແລະ ສິງກະໂປຈະສືບຕໍ່ເພີ່ມທະວີການຮ່ວມມືໃນຂອບເຂດບັນດາເວທີປາໄສພາກພື້ນ ແລະ ສາກົນ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ຢູ່ໃນໂລກ.
ທີ່ການພົບປະເຈລະຈາກັບນາຍົກລັດຖະມົນຕີສິງກະໂປ ຫຼີຊຽນຫຼົງ, ນາຍົກລັດຖະມົນຕີທັງສອງທ່ານໄດ້ສະແດງຄວາມພາກພູມໃຈຕໍ່ບາດກ້າວພັດທະນາຢ່າງແຮງ, ຂະຫຍັນຂັນເຂື່ອນ ແລະ ມີປະສິດທິຜົນຂອງການພົວພັນຮ່ວມມືຮອບດ້ານລະຫວ່າງສອງປະເທດໃນໄລຍະຜ່ານມາ; ຍາວໃດສິງກະໂປ ກໍ່ແມ່ນນັກລົງທຶນໃຫຍ່ ແລະ ແມ່ນຄູ່ຮ່ວມມືດ້ານການຄ້າອັນດັບໜຶ່ງຂອງຫວຽດນາມ ໃນສະພາບການເສດຖະກິດໂລກ ແລະ ພາກພື້ນພວມປະສົບກັບຄວາມຫຍຸ້ງຍາກຫຼາຍຢ່າງ. ນາຍົກລັດຖະມົນຕີທັງສອງທ່ານກໍ່ເຫັນດີຈະສືບຕໍ່ສົມທົບກັນໃນວິວັດການເຈລະຈາສັນຍາຄູ່ຮ່ວມມືເສດຖະກິດຍຸດທະສາດເຂດປາຊີຝິກ (TPP)
ກ່ຽວກັບສານຂອງ ຫວຽດນາມ ທີ່ ກອງປະຊຸມ Shangri La ຄັ້ງທີ 12, ທ່ານນາຍົກລັດຖະມົນຕີ ຫງວຽນເຕີນຢູງ ໃຫ້ຮູ້ວ່າ: ສານຮຽກຮ້ອງໃຫ້ບັນດາປະເທດຕ້ອງເຄົາລົບກົດໝາຍສາກົນ ແລະ ພ້ອມກັນສ້າງຄວາມໄວ້ເນື້ອເຊື່ອໃຈຍຸດທະສາດ ເຊິ່ງກ່ອນອື່ນໝົດຕ້ອງອີງບົນຄວາມຈິງໃຈ, ເພື່ອສັນຕິພາບ, ຄວາມວັດຖະນາຖາວອນຂອງພາກພື້ນ ອາຊີ - ປາຊີຟີກ. ກ່ຽວກັບບັນຫາທະເລຕາເວັນອອກ, ທ່ານປະທານາທິບໍດີ ແລະ ທ່ານນາຍົກລັດຖະມົນຕີ ສິງກາໂປ ເຫັນດີເປັນເອກະພາບກ່ຽວກັບຄວາມສຳຄັນຂອງເລື່ອງຮັບປະກັນສັນຕິພາບ, ສະຖຽນລະພາບ. ຄວາມປອດໄພໃນການເດີນທະເລຢູ່ທະເລຕາເວັນອອກ, ຝ່າຍຕ່າງໆຕ້ອງປະຕິບັດຄວາມລະງັບໃຈ ແລະ ແກ້ໄຂບັນດາການພິພາດກັນດ້ວຍສັນຕິວິທີ, ເຄົາລົບກົດໝາຍສາກົນ ແລະ ສົນທິສັນຍາກົດໝາຍວ່າດ້ວຍທະເລປີ 1982 ຂອງສະຫະປະຊາຊາດ, ປະຕິບັດຖະແຫຼງການກ່ຽວກັບການປະພຶດຕໍ່ຢູ່ທະເລຕາເວັນອອກ (DOC) ແລະ ຫຼັກການ 6 ຂໍ້ຂອງ ອາຊຽນ ກ່ຽວກັບທະເລຕາເວັນອອກ, ສ້າງປະມວນກົດລະບຽບຂອງຝ່າຍຕ່າງໆຢູ່ທະເລຕາເວັນອອກ (COC) ໂດຍໄວ