(vovworld) – ວັນທີ 02/02, ສື່ມວນຊົນຍີ່ປຸ່ນ ໃຫ້ຂ່າວວ່າ, ທ່ານນາຍົກລັດຖະມົນຕີຍີ່ປຸ່ນ Shinzo Abe ຖະແຫຼງວ່າ, ໂຕກຽວ ບໍ່ຄວນຈັດວາງຂໍ້ກຳນົດດ້ານພູມສາດສຳລັບບັນດາສະຖານທີ່ເຊິ່ງກຳລັງປ້ອງກັນ (SDF) ອາດສາມາດຜັນຂະຫຍາຍເພື່ອປົກປ້ອງພັນທະມິດໃນສິດປ້ອງກັນລວມໝູ່. ກ່າວຄຳເຫັນຕໍ່ໜ້າຄະນະກຳມະທິການງົບປະມານຂອງສະພາສູງ, ທ່ານນາຍົກລັດຖະມົນຕີ Abe ເນັ້ນໜັກວ່າ: “ພວກເຮົາຄວນປະຕິບັດສິດປ້ອງກັນລວມໝູ່ຫາກບໍ່ຖືກກີດຂວາງຍ້ອນບັນດາປັດໃຈດ້ານພູມສາດ”. ທ່ານກໍ່ໃຫ້ຮູ້ວ່າ ພວມສ້າງແຜນການເກ້ຍກ່ອມສະພາແຫ່ງຊາດຮັບຮອງເອົາການນຳໃຊ້ສິດປ້ອງກັນລວມໝູ່ ຫຼື ປົກປ້ອງພັນທະມິດໃນບັນດາການບຸກໂຈມຕີ ນັບທັງເມື່ອຍີ່ປຸ່ນ ບໍ່ຖືກບຸກໂຈມຕີ. ຄຳຖະແຫຼງດັ່ງກ່າວຂອງທ່ານນາຍົກລັດຖະມົນຕີ Abe ໄດ້ຍົກອອກມາໃນສະພາບທີ່ຍີ່ປຸ່ນ ຕ້ອງເພີ່ມທະວີການປ້ອງກັນຄວາມສະຫງົບພາຍຫຼັງພົນລະເມືອງ 2 ຄົນຂອງປະເທດນີ້ຖືກອົງການ “ລັດອິດສະລາມ” (IS) ອ້າງຊື່ເອງ ຖືກລອບຈັບຕົວ ແລະ ເຂັ່ນຂ້າ.