ທ່ານປະທານປະເທດ ເຈີ່ນດ້າຍກວາງ ພົບປະກັບຜູ້ມີສິດເລືອກຕັ້ງເມືອງ ເກີນເຢີ ນະຄອນ ໂຮ່ຈີມິນ
ທ່ານປະທານປະເທດ ເຈີ່ນດ້າຍກວາງ ພົບປະກັບ
ຜູ້ມີສິດເລືອກຕັ້ງເມືອງ ເກີນເຢີ ນະຄອນ ໂຮ່ຈີມິນ
(vovworld) - ໂດຍປະຕິບັດລາຍການພົບປະກັບຜູ້ມີສິດເລືອກຕັ້ງກ່ອນທີ່ດຳເນີນກອງປະຊຸມສະໄໝສາມັນເທື່ອທີ 3, ສະພາແຫ່ງຊາດຊຸດທີ 14, ວັນທີ 26/04 ທ່ານປະທານປະເທດ ຫວຽດນາມ ເຈີ່ນດ້າຍກວາງ ພ້ອມດ້ວຍຄະນະຜູ້ແທນສະພາແຫ່ງຊາດນະຄອນ ໂຮ່ຈີມິນ ລົງພົບປະກັບຜູ້ມີສິດເລືອກຕັ້ງເມືອງ ເກີນເຢີ ເພື່ອແຈ້ງບັນດາເນື້ອໃນຕົ້ນຕໍໃນກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຊຸດທີ 14. ຜູ້ມີສິດເລືອກຕັ້ງເມືອງ ເກີນເຢີ ສະແດງຄວາມໄວ້ເນື້ອເຊື່ອໃຈຕໍ່ແນວທາງການນຳພາຂອງພັກ, ການຊີ້ນຳ, ການບໍລິຫານມີຄວາມຮັບຜິດຊອບສູງຂອງສະພາແຫ່ງຊາດ, ລັດຖະບານ. ທ່ານປະທານປະເທດ ເຈີ່ນດ້າຍກວາງ ເນັ້ນໜັກວ່າ:
“ຂ້າພະເຈົ້າເຫັນດີເຫັນພ້ອມຕໍ່ຄຳເຫັນຫລາຍຢ່າງຂອງຜູ້ມີສິດເລືອກຕັ້ງ ນັ້ນແມ່ນ ກ່ອນອື່ນໝົດພວກເຮົາຕ້ອງສຸມໃສ່ປັບປຸງພື້ນຖານໂຄງລ່າງຄົມມະນາຄົມ. ສູນກາງ ແລະ ນະຄອນພວມສົ່ງເສີມ ເພື່ອສ້າງສຳເລັດຂົວ ເກີນເຢີ - ຍ່າແບ ໂດຍໄວ, ເມື່ອກໍ່ສ້າງສຳເລັດແລ້ວ ຂົວດັ່ງກ່າວປ່ຽນແປງຊີວິດການເປັນຢູ່ຂອງປະຊາຊົນ, ພ້ອມກັນນັ້ນແມ່ນຂົວ ບີງແຈ໋ງ - ຍາແບ. ເພາະສະນັ້ນ ບັນຫາລົງທຶນພັດທະນາພື້ນຖານໂຄງລ່າງຄົມມະນາຄົມແມ່ນບັນຫາຮີບເຮັ່ງທີ່ສຸດ ”.