(vovworld) - ຕອນບ່າຍວັນທີ 26/04, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໄປວາງພວງມາລາ ແລະ ຖະຫວາຍທູບທຽນອາໄລຫາພົນເອກ ຫວໍງວຽນຢາບ ຢູ່ສຸສານຂອງເພີ່ນທີ່ຫວູງຈົ່ວ - ເກາະອ໋ຽນ (ແຂວງກວາງບິ່ງ). ຢູ່ທີ່ນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ສະແດງຄວາມຮູ້ບູນຄຸນອັນເລິກເຊິ່ງທີ່ມີຕໍ່ບັນດາການອຸທິດສ່ວນ, ການປະກອບສ່ວນອັງໃຫຍ່ຫຼວງຂອງພົນເອກ ຫວໍງວຽນຢາບ ໃຫ້ແກ່ພາລະກິດຕໍ່ສູ້ປະຕິວັດອັນສະຫງ່າລາສີຂອງພັກ ແລະ ຊາດຫວຽດນາມ.
ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ລົງຢື້ຢາມຖາມຂ່າວບັນດາພະນັກງານ, ນັກຮົບທະຫານປ້ອງກັນຊາຍແດນແຂວງກວາງບິ່ງ ທີ່ພວມປົກປັກຮັກສາສຸສານຂອງພົນເອກ. ທ່ານຮອງນາຍົກລັດຖະມົນຕີ ໄດ້ແບ່ງປັນ, ລະດົມໃຈ, ບັນດາພະນັກງານ, ນັກຮົບປ້ອງກັນຊາຍແດນ ພະຍາຍາມແກ້ໄຂຄວາມຫຍຸ້ງຍາກ, ລຳບາກ, ຍາມໃດກໍ່ສຳເລັດໜ້າທີ່ປົກປັກຮັກສາສຸສານທ່ານພົນເອກ. ຊຶ່ງແມ່ນໜ້າທີ່ເຊິ່ງພັກ, ລັດ, ກອງທັບ ໄດ້ມອບໝາຍໃຫ້ບັນດາທະຫານປ້ອງກັນຊາຍແດນ.