ທ່ານເລຂາທິການໃຫຍ່ Nguyen Phu Trong ແລະພະນັກງານປະຊາຊົນເມືອງໄຕໂຮ່
(ພາບ: TTXVN)
(vovwold) - ວັນທີ 5/5, ທ່ານເລຂາທິການໃຫຍ່ Nguyen Phu Trong ແລະບັນດາ ສສຊ ຊຸດທີ 13 ເຂດເລືອກຕັ້ງເລກ 1 ນະຄອນ ຮ່າໂນ້ຍ ໄດ້ມີການພົບປະກັບຜູ້ມີສິດເລືອກຕັ້ງເມືອງໄຕໂຮ່. ທ່ານເລຂາທິການໃຫຍ່ Nguyen Phu Trong ແລະ ບັນດາ ສສຊ ຊຸດທີ 13 ເຂດເລືອກຕັ້ງເລກ 1 ໄດ້ຮັບຟັງ ແລະ ຮັບເອົາບັນດາຄຳເຫັນປະກອບຂອງຜູ້ມີສິດເລືອກຕັ້ງ. ທ່ານເລຂາທິການໃຫຍ່ Nguyen Phu Trong, ຊີ້ແຈ້ງວ່າ:
”ບັນດາຄຳເຫັນຂອງຜູ້ມີສິດເລືອກຕັ້ງໃນມື້ນີ້, ປະທານເມືອງ,ກຳມະການປະຈຳ, ຮອງປະທານນະຄອນໄດ້ຮັບຟັງໂດຍກົງແລ້ວ. ບັນດາການນຳກໍ່ໄດ້ລາຍງານຄືນແລ້ວ ແລະ ໄດ້ຮັບຂໍ້ທີ່ຍັງຂາດຕົກບົກຜ່ອງຢ່າງກົງໄປກົງມາ, ອັນໃດຈະເຮັດໃນໄລຍະຈະມາເຖິງ, ອັນໃດຈະເຮັດໃນເດືອນ 5, ທ້າຍປີນີ້ປະຕິບັດອັນໃດສຳເລັດ, ເມື່ອໝັ້ນໝາຍແລ້ວ ແມ່ນຕ້ອງເຮັດໃຫ້ໄດ້. ອັນໃດປະຊາຊົນຍັງບໍ່ທັນຮູ້ແມ່ນຕ້ອງອະທິບາຍຄືນ, ຖ້າຫາກພວກເຮົາເຮັດ ແຕ່ປະຊາຊົນບໍ່ຮູ້ ໝາຍຄວາມວ່າພວກເຮົາຍັງຂາດຕົກບົກຜ່ອງ”
ທ່ານເລຂາທິການໃຫຍ່ Nguyen Phu Trong ຢັ້ງຢືນວ່າຄຳເຫັນທັງໝົດຂອງຜູ້ມີສິດເລືອກຕັ້ງຈະຖືກລວບລວມ, ລາຍງານຕໍ່ກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຫວຽດນາມຊຸດທີ 13 ເຊິ່ງຄາດວ່າຈະໄຂຂຶ້ນໃນວັນທີ 21/5 ຈະມາເຖິງ.