ທ່ານເລຂາທິການໃຫ່ຍ ຫງວຽນຟູຈ້ອງຢ້ຽມຢາມ ແລະເຮັດວຽກຢູ່ ແຂວງຮ່າຢາງ
(ພາບປະກອບ)
(vovworld) –ວັນທີ 27/8, ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູຈ້ອງ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງຮ່າຢາງ. ໃນຕອນເຊົ້າຂອງວັນທີ 27/8, ທ່ານເລຂາທິການໃຫ່ຍ ຫງວຽນຟູຈ້ອງ ໄດ້ໄປຢ້ຽມຢາມບາງຫົວໜ່ວຍເສດຖະກິດໃນບໍລິເວນແຂວງ, ໃນນັ້ນມີເຂດອຸດສາຫະກຳບິ່ງວ່າງ ຢູ່ເມືອງວິຊວຽນ, ໂຄງການກໍ່ສ້າງໂຮງງານຜະລິດແຮ່ເຫຼັກຂອງບໍລິສັດຫຸ້ນສ່ວນລົງທຶນແຮ່ໂລຫະອານທົງ, ບໍລິສັດຫຸ້ນສ່ວນກະສິກຳປ່າໄມ້ບິ່ງມິງ 3. ກ່າວຄຳເຫັນທີ່ບໍລິສັດຫຸ້ນສ່ວນກະສິກຳປ່າໄມ້ບິ່ງມິງ 3, ທ່ານເລຂາທິການໃຫ່ຍຖືວ່າ, ດ້ວຍເງື່ອນໄຂດິນຟ້າອາກາດ ແລະ ທີ່ດິນເໝາະສົມ, ຮ່າຢາງ ຈະສາມາດພັດທະນາການປູກຕົ້ນຢາສະໝູນໄພ, ປະກອບສ່ວນລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກ ແລະ ສ້າງວຽກເຮັດງານທຳໃຫ້ແກ່ ປຊຊ.
ໃນຕອນບ່າຍຂອງວັນດຽວກັນ, ທ່ານເລຂາທິການໃຫ່ຍ ຫງວຽນຟູຈ້ອງ ໄດ້ເຮັດວຽກກັບຄະນະປະຈຳຄະນະພັກແຂວງ ແລະ ພະນັກງານຫຼັກແຫຼ່ງຂອງແຂວງຮ່າຢາງ./.